Thursday, September 22, 2011

အသည်းကွဲဆည်းဆာ

                                          သူ့အကြည့်မှာတင်
                                          တဖျစ်ဖျစ်မြည်ပြီး ရုန်းကြွလာတာ
                                           အချစ်လို့ အမည်တပ်ရမယ့်အရာတစ်ခုပေါ့
                                           အို......ချစ်ခြင်းတရား
                                           ပင်လယ်ပြင်မှာ လှိုင်းမူးသလိုပါလားကွယ်      ၊၊

                                            အကြည့်တွေနဲ့လှမ်းညှို့ရင်း
                                            ပန်းရောင်ဖျော့ဖျော့အရိပ်လေးထဲမှာ
                                             ကဗျာတစ်ပုဒ် ဖြတ်ပြေးသွားတယ်
                                             ဒါပါပဲကွယ်...ဒါပါပဲ
                                             မျှော်ငေးသူတစ်ယောက်ရဲ့ညနေခင်း
                                             ပိုင်ခွင့်မရလိုက်တဲ့ ညနေခင်းလေးဟာ
                                              ဒါပါပဲကွယ်      ၊၊

                                             ညနေခင်းတစ်ခုရဲ့ရင်အုံကိုခွဲကြည့်တော့
                                             ဒဏ်ရာတွေ ထွက်ကျလာတယ်
                                             သိပ်မကြာခင်မှာပဲပေါ့
                                             ကိုယ့်နှလုံးသားနုနုလေးဟာ ကြမ်းရှရှနေ၀င်သွားခဲ့    ၊၊      ၊၊

                                                                                           မောင်ရေချမ်း
                                                                  (Hello အနုပညာဂျာနယ်/Vol. 3/Issue 13/October/2011)

1 comment:

  1. ဒဏ်ရာတွေ ထွက်ကျလာပြီး နေဝင်သွားတယ်ဆိုတော့
    ဒီည ကောင်းကင်မှာ ကြယ်စုံမဲ့ သဘောပဲ .. :D
    မိုက်အိ .. အားပေးတွားပါတိ

    ReplyDelete

နှစ်သက်စွာ ခံစားနိုင်ပါစေ