Tuesday, September 20, 2011

ကျောင်းမသွားချင်ဘူး...မေမေ

            ကျောင်းသားတစ်ယောက်ရဲ့တာဝန်
            ကျောင်းသွားရုံတင်လား….မေမေ
            ခေတ်ရဲ့ဖြတ်သန်းစီးဆင်းမှု…..
            ကျောင်းသားအတုလုပ်ပြီး ..မုန့်ဖိုးညာတောင်းရမလား..
            ခေတ်ရဲ့ရေစီးကြောင်းကြား..
            သား…..မျောပါမသွားချင်ဘူး…..မေမေ..။
            ဖဲရိုက် …    ဖွန်ကြောင်…
            ကျောင်းသား အဖြစ်ဟန်ဆောင်သူတွေ.
            သားမြင်နေရတယ် … မေမေ.ရေ….။

           စာမေးပွဲဆိုတာ…ဘာလဲ မေမေ
           မေးခွန်းကြိုသိတဲ့ …စာမေးပွဲ
           ဘယ်မှာလဲ …ရန်ခုန်စရာ…….။
           ထီလက်မှတ်အဟောင်းတစ်ရွက်ကောက်ရသလိုပဲ
           ရင်ခုန်ခြင်း …..စိုးစဉ်းတောင် မရှိ….။

           “ကျောင်းသားနဲ့ကျောင်း…
            တစ်နေ့တော့ ပေါင်းရမှာပေါ့ ” တဲ့..
            တာရာမင်းဝေရဲ့ “ ကျောင်းဖွင့်ချိန် ” ထဲကစာသား…
            ရင်ထဲမှာ ကြားနေရတယ်..။
            ဒီကျောင်းကို ပြောတာ မဟုတ်ဘူး….မေမေ
            ဒီကျောင်းမဟုတ်ဘူး မေမေ..။
            အဲဒီ ကဗျာထဲက ….ကျောင်း
            သိပ်ပျော်စရာကောင်းမှာပဲနော်…။

            သားကို ခွင့်လွှတ်ပါ…
            သားဒီနေ့ ကျောင်းမသွားချင်ဘူး …မေမေ…။

                                                         မောင်ရေချမ်း

No comments:

Post a Comment

နှစ်သက်စွာ ခံစားနိုင်ပါစေ