Tuesday, September 20, 2011

အိပ်မက်ထဲတွင်သီချုပ်မိသော ...အလွမ်းတမ်းချင်းကဗျာတစ်ပုဒ်

               နှလုံးသားကန်ရေပြင်ထက်အလွမ်းနှင်းမြူတို့ခပ်ဝေ့ဝေ့လေးရစ်သိုင်းနေ၏..၊၊လွမ်း၏..၊၊လွမ်း၏...၊ ၊သေလုအောင်ပင်လွမ်းမိ၏ ၊၊ဖြူ၍နုသော၊၀င်း၍၀ါသောပါးပြင်လေးသည် နှလုံးသားထဲသို့ကဗျာခြေရာပေါင်း 
များစွာထပ်စေခဲ့သည်...၊၊ကော့၍မတ်သော ၊စိမ်း၍စိုသောမျက်တောင်ဖျားလှလှလေးများပေါ်တွင်ကျွန်တော့် အချစ်တို့ခိုလှုံခဲ့ဖူးသည်၊၊သူ့ကြောင့်သာ ခြောက်သွေ့သောနေ့ရက် တို့သည်စိမ်းစိုလတ်ဆတ်ခဲ့ရသည် ၊၊ခမ်းနားလှပချိုမြိန်ခဲ့သော အိပ်မက်တွေထဲတွင် တိမ်းမူးပျော်ရွှင်ခဲ့ဖူးသည် ၊၊“ချစ်တယ် ...ချစ်တယ် ” 
ဆိုသည့်စကားကိုသူ့ရွှေနားတော်သို့ဆက်သွင်း၍ချစ်ခြင်းစကားတွေ တ၀ကြီးပြောခဲ့ကြဖူးသည်၊၊
                        ယခုမူကား.....သူသည်အလွမ်းလှောင်အိမ်ထဲတွင်ကျွန်တော့်နှလုံးသားကိုထည့်ပိတ်ကာထွက်သွားရက်လေပြီ....၊၊ သူ့ရှိရာအရပ် ဟိုး........အဝေးကို ကျွန်တော့်အိပ်မက်တို့သည် မကြာခဏရောက်တတ်လေပြီ..၊၊
                *****           *******               *******                  *********                        ********
                                   
တစ်စုံတစ်ရာ ဆုံးရှုံးလိုက်ရသော လူတစ်ယောက်သည် ထိုအရာအတွက် လွတ်လပ်စွာ လွမ်းပိုင်ခွင့်ရှိနေသည်ဟု ကျွန်တော် ယုံကြည်သည်။ ထမင်းစားသောအခါ ထမင်းပန်းကန်ထဲတွင် လည်းကောင်း ..၊ညစဉ်ညစဉ်အိပ်မက်ထဲတွင်လည်းကောင်း၊ ကောင်းကင်ကိုမော့ကြည့်သောအခါ တိမ်လွှာထဲတွင်လည်းကောင်း ၊သူ့ မျက်နှာသည် ပေါ်လာတတ်မြဲဖြစ်သည်၊ထိုထို သောအခါမျိုးတွင်
ကျွန်တော့်အလွမ်းတို့ သည်ပိုမို ပီပြင်လာပါသည်၊၊
မျှော်လင့်ချက်တို့သည်ရင်ဘတ်ကိုခြေစုံကန်၍ထွက်သွားပြီဖြစ်သော်လည်းအိပ်မက်တို့သည်အသစ်
သစ်သောရင်ခုန်သံတို့ကိုယူဆောင်တတ်မြဲဖြစ်သည်၊၊ကျွန်တော်သတိမပြုမိခင်ကပင်သူ့ကိုလွမ်းသော
အလွမ်းတွေထဲတွင်နှလုံးသားတစ်ခြမ်းသည်လည်းကောင်း၊ရှင်သန်ခြင်းတစ်စိတ်တစ်ဒေသသည်လည်း
ကောင်းလွင့်စင်ပဲ့ပါသွားခဲ့ပြီးဖြစ်သည်၊၊“လွမ်းစရာရှိလျှင်နာစရာနှင့်ဖြေ”ဟုဆိုကြသော်လည်းနာစရာကိုမှ
လွမ်းနေမိသောသူအတွက်မူကား ဖြေနိုင်စရာအကြောင်းမရှိတော့ပြီ...၊၊
                       “မမ...မမ” ဟုနှုတ်မှ ခပ်ဖွဖွရွတ်မိသည်နှင့်နှလုံးသားတံခါးပေါက်သည်ဖျတ်ခနဲပွင့်ကာ လင်းခနဲ ၊၊သူ့နာမည်လေးသည် နှလုံးသွေးကြောမှတဆင့်  ခန္ဓာကိုယ်အနှံ့စီးဝင်လာကာ ဦးနှောက်ထဲသို့
တခမ်းတနားရောက်ရှိလာသည် ၊၊ကမ္ဘာမပျက်တိုင်ကျွန်တော့်ခန္ဓာကိုယ့်ထဲတွင် စီးဝင်နေမည့်
အကြောင်းအရာမှာ သူပင်ဖြစ်သည် ၊၊
                     သူသည်ကျွန်တော့်နှလုံးသားကိုအမြစ်မှစ၍အကုန်အစင်ဆွဲနုတ်ယူငင်သွားပြီးဖြစ်သော်လည်း သူနှင့်ပတ်သတ်သမျှတို့သည် ကျွန်တော့်အလွမ်းရင်ခွင်ထဲတွင်ပီပြင်နေဆဲသာ။

နက်မှောင်ရှည်လျားသောပျော့အိအိဆံနွယ်လေးများသည်ကျွန်တော့်ရင်ဘတ်ကိုအထပ်ထပ်တင်းကျပ်စေလေပြီ..၊၊
ရယ်သံချိုချိုလွင်လွင်လေးများကိုဟိုမှ၊သည်မှကြားယောင်မိလေပြီ...၊၊အချစ်မိုးတွေသည်းသည်းထန်ထန်ရွာသွန်  ၍မေတ္တာရေတို့ဖြင့် လျှံဝေခဲ့သောနှလုံးသားမြစ်ချောင်းသည် ယခုအခါတိမ်ကောခန်းခြောက်လေပြီ...၊
၊နှစ်ယောက်တိုင်တည်ဖူးသောသစ္စာစကားတို့သည် နေလာနှင်းပျောက်သလို ကြေမွအရည်ပျော်ကျလေပြီလား..၊၊


                              ******             ******           ********                 ********
                        နှလုံးသားလမင်းသည် အလွမ်းညရင်ပြင်ထက် လင်းတစ်ဝက် ၊မှောင်တစ်ဝက် သာလျက် ၊၊ရင်ခွင်ကောင်းကင်သည်ဝေးကွာမှုတိမ်တိုက်တွေကြားထဲတွင်တအိအ်ိငိုရှိုက်လျက်၊၊မျှော်လင့်ချက်ငှက်လေး
သည်  သံယောဇဉ်နှင့်ချစ်မေတ္တာတည်းဟူသော တောင်ပံတစ်စုံကျိုးပျက်လျက်၊၊တမြေ့မြေ့နာကျင်ရသော
စိတ်ဒဏ်ရာသည်နှလုံးသားတစ်ခုလုံးကိုသွေးစိမ်းရှင်ရှင်ကျစေပြီ..၊၊တဝေ့ဝေ့တိုက်ခတ်လာသော  လေပြည်ထဲတွင်လည်းသူ့ကိုယ်သင်းနံ့လေးပါနိုးဖြင့်ရှုရှိုက်မိ၏...၊၊သူ မပါသော အိပ်မက်တွေသည် ခါးလေပြီ....၊၊
                ******                    ********           ********                   *******        ******

             အဝေး သို့ ငေးမျှော်နေလွမ်းနေတတ်သောလူတစ်ယောက်၏အလွမ်းတို့သည်လည်းကောင်း ၊အိပ်မက်ကိုိုမျှော်လင့်ချက်လုပ်၍အိပ်စက်နေသောညများသည်လည်းကောင်း သွေ့ခြောက် လွန်းလှပါသည် ၊၊အိပ်မက်ကိုသာ ခင်တွယ်နေရသောသူတစ်ယောက်အတွက် မူကား အိပ်မက်တို့သည် စိမ်းစိုလတ်ဆတ်နေပါလိမ့်မည် ၊၊အရာရာသည် လက်ထဲမှလွတ်ကျသွားပြီဖြစ်သော်လည်း အိပ်မက်တို့ကိုအစိုးရပါသေး သည်၊၊

                          အိပ်မက်တို့သည် သစ္စာရှိစွာ အတိတ်သို့ ပြန်သွားပါလိမ့်မည် ၊၊အနာဂတ်ဟူသည် အဖော်မဲ့သောလမ်းပေါ်တွင် လဲလျောင်းအိပ်စက်အနားယူသွားပြီဖြစ်သည်၊၊ကြယ်မစုံတော့သောကောင်း ကင်သည် ကျွန်တော့်ရင်ခွင်ပျက်ပင်ဖြစ်ပါလိမ့်မည် ၊၊ခါး........သက်.........ကြမ်း.........ရှ ၍
 ဘ၀သည်ယခုအခါ  မြူတစ်မှုန်မျှသာ.........

                                                                                                   မောင်ရေချမ်း
                                                            (Hello အနုပညာဂျာနယ် ၊Vol. /Issue16/November/2011)

No comments:

Post a Comment

နှစ်သက်စွာ ခံစားနိုင်ပါစေ