Tuesday, September 20, 2011

အလွမ်းညရဲ့ရှတကဗျာ

    ရင်ဘတ်တစ်ခြမ်းလုံးဆွဲဆုတ်
      နှလုံးသားကို ကုတ်ခြစ်လို့...ယူသွားတယ်
      သူမရှိတဲ့...ည
      သူထားခဲ့တဲ့...ည
      ရနံ့မဲ့သွားတဲ့ ပန်းတစ်ပွင့်
      အလွမ်းရင့်ရင့်တွေရဲ့ ခါးသက်သက်ဝတ်ရည်
      အခုထိ ဝေရီမူးယစ်တုန်းမို့    

      ညတွေမှာ ၀ုန်းဒိုင်းကြဲ....သူ့မျက်နှာတွေ ဖယိုဖရဲနဲ့ပေါ့..။


     အမှောင်ထု
      အမှောင်ထု.....
      မွန်းကြပ်မှုရသပြင်းရှရှမှန်ထိသွားတဲ့..သားကောင်မို့
      အမှောင်မှာ..ပျော်တယ်...။
      အလွမ်း
      အလွမ်း....
      ကြမ်းထော်ရင့်နီတဲ့ အလွမ်း..
      သဘောင်္မရှိတဲ့...ကမ်းလို
      ခြောက်သွေ့....တိတ်ဆိတ်
      ပိန်းပိတ်....မှောင်မဲ
      မြူမှုန်တွေ ကြဲလို့လေ...။

      အို....ညရေ...
      သူ့မျက်နှာ မြင်ရစေဖို့
      အိပ်မက်လက်တစ်ဆုပ်ကို
      မျှော်လင့်ချက်လုပ်လို့...အိပ်စက်ခွင့်ပြုပါတော့...
      အိပ်စက်ပါရစေတော့....။

                                          မောင်ရေချမ်း
                                     ( Hello အနုပညာဂျာနယ် ၊Vol,4 .Issue 4 )
                                             November, 2012)

No comments:

Post a Comment

နှစ်သက်စွာ ခံစားနိုင်ပါစေ