Tuesday, September 20, 2011

အကျည်းတန်သစ်တစ်ပင်

               သစ်ပင်တစ်ပင်သည် သစ်ပင်တစ်ပင်သာဖြစ်သည်ဟု လွယ်လွယ်ထင်မှတ်နိုင်သော်လည်း ထိုသစ်ပင်တစ်ပင်က ပြောသောရာဇ၀င်သည် တခမ်းတနားရှိနေတတ်ပါသည်...၊၊
   ကျွန်တော်နေထိုင်ရာအိမ်ခြံဝင်းသည် အကျယ်ကြီးမဟုတ်ပေ ၊၊သို့သော် သစ်ပင်စိုက်ရန်ဝါသနာထုံ
လှသော ကျွန်တော့်အဖေအစွမ်းကြောင့် မြေပိုလေးတွင်စိမ်းစိမ်းစိုစိုနှင့်သစ်ပင်လေးများဖြစ်တည်လာခဲ့သည် ၊
၊ရှောက်ပင် ၊ မာလကာပင် ၊ ရဲယိုပင်မှ အစ နှင်းဆီ ၊စံပယ်စသော ခပ်အုပ်အုပ် အပင်ငယ်လေးများအထိ
ကျွန်တော်တို့ခြံဝင်းထဲတွင်ရှိနေပါသည် ၊၊
               ထိုထိုသောအပင်များစွာထဲကမှစိတ်ဝင်စားဖွယ်လည်းမကောင်း၍ကဗျာလည်းမဆန်သော သရက်ပင်အိုကြီးတစ်ပင်ကိုမှနေ့စဉ်နေ့စဉ်ငေးမောကြည့်ဖြစ်၏၊၊ထိုသရက်ပင်ကိုကြည့်မိတိုင်းအတွေးမျှင်
တို့သည်ပင့်ကူအိမ်သဖွယ်ကွန်ယက်ဖြန့်ကျက်လာလေ့ရှိ၏...၊၊ထို့နောက်...အတွေးပေါင်းများစွာတို့သည် 

ငွေ့ရည်ဖွဲ့ကာစုစည်းလာတတ်ပါသည် ၊၊

                 သရက်ပင်ဟူသည်ဘာမှထူးထူးခြားခြားအပင်မျိုးမဟုတ်ကြောင်းလူတိုင်းသိပါလိမ့်မည်၊၊ အခြား၊အခြားသောအပင်များကဲ့သို့ပင် အကိုင်းအခတ် ၊ရိုးတံ ၊အရွက် ၊ အမြစ် ၊ပင်စည် ၊ အသီးအပွင့်
စသည်တို့ ပေါင်းစပ်၍ဖွဲ့စည်းထားခြင်းပင် ၊၊သရက်ပင်ကြီး၏ပင်စည်သည်လည်းကောင်း ၊အကိုင်းအခတ်
 အရွက်များသည်လည်းကောင်း ကဗျာတစ်ပုဒ်စပ်ဆိုရလောက်အောင် နုရွလှပနေသည်မဟုတ်ပေ...၊၊ ထိုသို့သာမန်သာဖြစ်သည့် မထူးဆန်းသောသစ်ပင်အိုကိုနေ့တိုင်းနေ့တိုင်းကျွန်တော့်ဂရုတစိုက်ကြည့် မိခြင်းသည်သာ ထူးဆန်းကောင်းထူးဆန်းနေပေလိမ့်မည် ၊၊
             ....................       ...............     ................                      ............   .................................
                   သရက်သီးကိုသိပ်အကြိုက်ကြီးကြိုက်လှသည်မဟုတ်သော်လည်းသရက်ပင်ကြီးကိုတော့ကျွန်တော်တွယ်တာမိ
သည်၊၊သူ့အသက်သည် ကျွန်တော့်ထက်ပင်ကြီးပါသည်၊၊အနည်းဆုံးနှစ်ပေါင်း နှစ်ဆယ်ကျော်လောက်တော့ ရှိပေလိမ့်မည် ၊၊အပင်ကြီးသောအခါအရိပ်ရရန် အသီးစားရန်ရည်ရွယ်၍ကျွန်တော်မမွေးခင်ကာလ သည်အိမ်လေးတွင် စတင်နေထိုင်ခါစတည်းကကျွန်တော့်အဖေစိုက်ပျိုးခဲ့ခြင်းဖြစ်သည် ၊
              ထိုသရက်ပင်ကြီးကို မြတ်နိုးတွယ်တာမိခြင်းမှာ ငယ်စဉ်ကတည်းကပင်ထိတွေ့ရင်းနှီးခဲ့သောကြောင့် လည်း ဖြစ်ပေလိမ့်မည်၊၊ကျွန်တော်မူလတန်းကျောင်းသားဘ၀ကထိုအပင်ပေါ်မှပြုတ်ကျ၍သွားတစ်ချောင်း
ကျိုးခဲ့ဖူးသည်၊၊သို့သော် အပင်ကြီးကို စိတ်မနာမိ ၊၊မမုန်းမိပေ၊၊အဖေကနောက်တစ်ခါအပင်ပေါ်ထပ်တက် ပါက ရိုက်မည်ဟု ဘီလူးကြိမ်း ကြိမ်းထားသည့်ကြားမှ ကျွန်တော်အပင်ပေါ်ခိုးခိုးတက်ခဲ့ဖူးသည် ၊၊မလုပ်နဲ့ဆိုသော အရာကိုလုပ်လိုက်ရသည့်အရသာမှာကြည်နူးဖွယ်ကောင်းသလိုရင်ခုန်ဖွယ်လည်းဖြစ်၏.၊၊
 

                      ကျွန်တော် ခြောက်တန်း ၊ခုနစ်တန်းလောက်ရောက်ချိန်တွင်တော့ သရက်ပင်ကြီးသည် ပိုမိုခန့်ညားလာပါသည်၊၊သရက်ပင်အောက်တွင်ခုံလေးချ၍စာအုပ်တစ်အုပ်ထိုင်ဖတ်နေရသောအရသာသည်   နတ်ပြည်ခဏရောက်သလိုပဲ..၊၊သရက်ပင်ကြီး၏အရိပ်အောက်တွင် ထိုသို့ခိုလှုံ၍အေးမြခဲ့ဖူးသည်၊၊
 ကြည်နူးခဲ့ရဖူးသည် ၊၊
              လွန်ခဲ့သောနှစ် မိုးဦးကျချိန်ကသရက်ပင်ကြီး၏ဘေးကိုင်းလေးတစ်ကိုင်းကျိုးကျသွားခဲ့သည်၊၊ ထိုစဉ်က အကိုင်းကျိုးသွားသောသရက်ပင်ကြီးကိုကြည့်ရင်း ကျွန်တော့်နှလုံးသားတစ်ခြမ်းပဲ့ပါသွားသလို
ခံစားခဲ့ရသည် ၊၊ဤမျှအထိ သရက်ပင်ကြီးကိုတွယ်တာမိပါသည်၊၊ချစ်မိပါသည် ၊၊

                        သရက်ပင်ကြီးကိုမှီခိုနေကြရသောသတ္တ၀ါငယ်လေးများလည်းရှိပါသည်၊၊သရက်ပင်ကြီး၏ပင်စည် အထက်ခပ်မြင့်မြင့်တစ်နေရာတွင် ပျားအုံသေးသေးလေးတစ်အုံရှိသည်၊၊အပင်ခြေရင်းတွင်မို့မောက်နေ
သည့်ခြအုံတစ်အုံရှိသည်၊၊ကျွန်တော့်အဖေသည် ထိုခြအုံကိုဖြိုပစ်ရန်စိတ်ကူးသော်လည်း အဖေကသူများ
အိမ်မဖျက်ကောင်းဟု ဟန့်တားသောကြောင့်ဒီအတိုင်းပင် ထား ထားပါသည်...၊၊သေချာကြည့်မည်ဆိုပါက
 သရက်ပင်၏ပင်စည်ပေါ်တွင်လည်းတရွရွပြေးလွှားနေကြသောပုရွက်ဆိတ်ကလေးများကို မြင်တွေ့ရပေမည် ၊ထိုသတ္တ၀ါငယ်လေးများအတွက်မူ သရက်ပင်ကြီးသည်မှီတင်းနေထိုင်ရာဖြစ်သော တိုင်းနိုင်ငံကြီးတစ်ခုပင်ဖြစ်ပေလိမ့်မည်..၊၊
                   ...................                  .............                          ........................            .......................
                       ဇန်န၀ါရီ ၊ဖေဖော်ဝါရီလောက်ရောက်ပြီဆိုပါကသရက်ပင်ကြီးတွင်သရက်ဖူးကလေးများစတင် ဖူးလေပြီ..၊၊ထိုအချိန်သည်သရက်ပင်ကြီးအတွက်အလှတရားတို့ပိုမိုပြည့်စုံလာချိန်ဟုထင်မိပါသည်၊၊မိုးဦးမကျ
မီလောက်တွင် သီးကင်းလေးများစတင်သီးလာလေ့ရှိသည်..၊၊သရက်ပင်ကြီးသည် အသီးလှိုင်လှိုင်သီးသော
အမျိုးကောင်းသည့်အပင်မို့လားမသိ ၊၊ထိုအချိန်ကျလျှင်အကိုင်းတိုင်း၊အကိုင်းတိုင်းတွင်အဖူး ၊ အငုံတို့ဖြင့်ဝေ
ဆာလှပါသည်၊၊သို့သော်တချို့အကိုင်းများတွင် အဖူးဘ၀မှအသီးဘ၀သို့ကူးပြောင်းခွင့်မရရှာသေးသော
သရက်ဖူးကလေးများ ကျန်နေတတ်သေးသည်၊၊ကျွန်တော့်အမေသည်သရက်သီးအလွန်ကြိုက်သည်၊၊ သူကိုယ်တိုင်လည်း ခူး၍စားတတ်သည်သလိုအိမ်နီးချင်းများကိုလည်း ဝေပေးတတ်သောအကျင့်ရှိသည်၊၊
ထို့ကြောင့်သရက်ပင်ကြီး၏အသီးများမှာ တဖြည်းဖြည်းလျော့၍လျော့၍လာသည်၊၊

                             
ကျွန်တော်သတိထား၍အမြဲကြည့်မိသောကြောင့်လားမသိ၊၊သရက်ပင်ကြီး၏ထူးခြားချက်တစ်ခုကိုသွားတွေ့
မိသည်၊၊သရက်ပင်ကြီး၏ဟိုး.......အမြင့်ဆုံး၊အပေါ်ဆုံးအကိုင်းတစ်ကိုင်းတွင်သရက်သီးခိုင်ကြီးတစ်ခိုင်
မှာအခိုင်လိုက်ပင်မကြွေမပြုန်းဘဲရှိနေပါသေးသည်၊၊ကျွန်တော့်အမေလည်းအမြင့်ဆုံးကိုင်းမှာသီးနေသော
အသီးတွေမို့ခူးရန်လက်လျော့ထားခြင်းဖြစ်မည်၊၊ခူးရန်လည်း မလွယ်ကူ ၊ခက်ခက်ခဲခဲကြိုးစားရပေမည် ၊၊
ထို့ကြောင့်လည်း အမေသည်တစ်ခိုင်လုံးသူ့ဘာသာကြွေမည့်အချိန်ကိုစောင့်နေခြင်းပင်ဖြစ်သည်..၊၊
                        သရက်သီးခိုင်ကြီးသည်နေ့စဉ်နေ့စဉ် ကြည့်ရင်းကြည့်ရင်း ၀င်း၍၀ါလာသည်၊၊၀ါ၍မှည့်လာပြီ ၊၊သို့သော် ယခင်အတိုင်းပင်တစ်လုံးတစ်လေမှမကြွေကျနိုင်သေးပါ ၊၊ထိုအခိုင်ကြီး၏သရက်သီးများအနက်
 အလယ်မှသရက်သီးတစ်လုံးသည် ငှက်များထိုးဆိတ်စားသောက်သွား၍လားမသိ၊၊ဘေးတစ်ခြမ်းလုံးပြောင်၍
သရက်စေ့ကိုပင် မြင်နေရပြီ..၊၊
                           ကျွန်တော်သည် နေ့တိုင်းနေ့တိုင်းထိုသရက်သီးခိုင်ကြီးကို မော့ မော့ကြည့်ဖြစ်၏..၊၊အညှာခိုင်လွန်း၍ထင်သည်၊၊
တဖြည်းဖြည်းပို၍ပို၍မှည့်ဝင်းလာသော်လည်းမကြွေကျနိုင်သေးပါ၊၊ကျွန်တော်ချစ်ခင်မြတ်နိုးသောသရက်ပင်ကြီး တွင်လတ်ဆတ်သစ်လွင်သည့်အသီးများဖြင့်သာ ဝေေ၀ဆာဆာရှိစေချင်မိသည်..၊၊ အသီးတို့သည်ပုပ်နေပါက
 အညှာခိုင်လွန်းတတ်သောသဘောရှိပါသလား၊၊ထိုသရက်သီးခိုင်ကြီးကိုကျွန်တော့်အဖေစိုက်ပျိုးခဲ့သောအပင်
အမြင့်တွင် ခန့်ခန့်ကြီးတွေ့ရသည်မှာသရက်ပင်ကြီး၏အလှကိုရုပ်ဆိုးစေသလိုခံစားမိသည်...၊၊


          ......................            ................           .......................                ..................................
                          ကြယ်တို့မည်သည် ကြွေ၍ကြွေ၍သွားပေမည်၊၊လူတို့သည်လည်း နောက်ဆုံးတွင်သေ၍သေ၍သွားပေမည်၊၊
ထိုနိယာမသည်ဖီဆန်၍မရသောအမိန့်တော်ပင်တည်း၊၊ဗုဒ္ဓဟောကြားတော်မူခဲ့သောအနိစ္စတရားသဘောကို
ကျွန်တော် အကြွင်းမဲ့ယုံကြည်သည်၊၊ထို့ကြောင့် မှည့်ဝင်း၍ကြွေချိန်လွန်နေပြီဖြစ်သောသရက်သီးခိုင်ကြီးကို

 မည့်သည့်အချိန်တွင်ကြွေလိမ့်နိုး ၊ကြွေလိမ့်နိုးဖြင့် သရက်ပင်ကြီးကို နေ့စဉ်နေ့စဉ်တိုင်း
 ဂရုတစိုက်ကြည့်မိနေခြင်းပင်ဖြစ်ပါတော့သည်................၊၊           ၊၊

                                                                                                                         မောင်ရေချမ်း

No comments:

Post a Comment

နှစ်သက်စွာ ခံစားနိုင်ပါစေ