Friday, December 30, 2011

အဲဒီ့နေ့

                          နှုတ်ခမ်းဝက စကားလုံးတွေခြောက်ကပ်ဝေရီတဲ့နေ့
                           ဆိုင်းညှို့မှုန်မှိုင်းလို့ နှလုံးသားဟာလက်ပံပွင့်လိုကြက်ခြေခတ်ခံရတဲ့နေ့
                            အိပ်မက်တွေဟာ
                            အလွမ်းတောင်ကုန်း တောင်ကတုံးလေးဖြစ်သွားတဲ့နေ့
                            ရင်ခုန်ခြင်းသစ်ပင်တွေဟာ အလဲလဲအပြိုပြိုနဲ့
                            နှင်းဆီပြာချွေမုန်တိုင်းအောက်မှာ ငိုယိုကုန်ကြတဲ့နေ့
                            ကိုယ့်စိတ်ဝိညာဉ်ဟာ သူ့အရိပ်အောက်မှာ မှုန်မှိုင်းရီပြာသွားတဲ့နေ့
                            ဘယ်ဘက်ရင်အုံတစ်ခုလုံး မိုးအုံ့သွားတဲ့နေ့
                         (--- အသည်းနှုလုံးချွေရထားက
                              စူးစူးဝါးဝါး ဥသြဆွဲပစ်တယ်...
                              မျက်ရည်ပန်းတွေ အရိုင်းစိုင်းပွင့်
                              ဝေးလွင့်မယ်ဆိုတဲ့ အသိက...ဓားပါးတစ်လက်လို
                              ရှထက်ထက်...အက်ကွဲကွဲ...ရင်ကို
ခွဲ

                              ကိုယ့်ရင်ကိုခွဲတယ်...။ ) ၁
                             ရေးပြီးသားအလွမ်းကဗျာတွေ ခပ်ဖွဖွရွတ်မိတဲ့နေ့
                              စားပွဲပေါ်က လွတ်ကျသွားတဲ့ဖန်ခွက်ဟာ ကိုယ့်နှလုံးသားမှန်းသိလိုက်ရတဲ့နေ့
                        ( --- အချစ်ဆိုတာ
                              ဟောတစ်ပွင့်…ဟောတစ်ပွင့်
                              တစ်ပွင့်ပြီးတစ်ပွင့် ပွင့်တဲ့
                              အပေါစားပန်းပွင့်တွေ မဟုတ်ဘူး…။ ) ၂

                              ရင်ခုန်အိပ်မက်တွေကို ပြန်လွမ်းရတဲ့နေ့
                              ပန်းပွင့်တွေကို ချုပ်သီလို့သူ့အတွက်ဝတ်ရုံတစ်လွှာချုပ်နေမိတဲ့နေ့
                              နှလုံးသွေးကြောပြောင်းပြန်စီးပြီး ကိုယ့်နာမည်ကိုယ့်မေ့သွားတဲ့နေ့
                              စိတ်ထဲစိတ်ကစိတ်ကိုပြန် ပြန်ကုတ်ခြစ်တဲ့နေ့
                              ကဗျာထဲက ဥသြညိုညိုလေးက ကိုယ်ဖြစ်သွားတဲ့နေ့
                              အချစ်နှင့်အလွမ်းသည် တိုက်ရိုက်အချိုးကျသည်၊၊
                              ထိုသီအိုရီကို ရှာဖွေတွေ့ရှိတဲ့နေ့
                        ( --- ရင်ဘတ်တစ်ခြမ်းလုံးဆွဲဆုတ်
                              နှလုံးသားကို ကုတ်ခြစ်လို့...ယူသွားတယ်
                              သူမရှိတဲ့...ည
                              သူထားခဲ့တဲ့...ည
                              ရနံ့မဲ့သွားတဲ့ ပန်းတစ်ပွင့်
                              အလွမ်းရင့်ရင့်တွေရဲ့ ခါးသက်သက်ဝတ်ရည်
                              အခုထိ ဝေရီမူးယစ်တုန်းမို့ ) ၃

                              တကယ်ရင်တစ်ခြမ်းလုံး မှော်ကဝေလက်သည်းရှည်တွေက ခြစ်ကုတ်သွားတဲ့နေ့
                              ဒဏ်ရာရခံစားမှုရှရှတွေ နာမကျန်းဖြစ်ကုန်တဲ့နေ့
                              တမြေ့မြေ့ ၊တငွေ့ငွေ့ ၊ အလွမ်းတွေဟာတဝေ့ဝေ့
                              အဲဒီ့နေ့  ၊ အဲဒီ့နေ့  ... ရင်ဘတ်ကို ပိုးစိုးပက်စက်ကိုက်ခဲပစ်တဲ့နေ့
                                      (  တကယ်ကတော့ အချစ်ဆိုတာ စိတ်ထဲကစိတ်အပိုင်းအစလေးတစ်ခု
                                        နှလုံးသားရဲ့နှလုံးသားအလွှာပါးတစ်လွှာ
                                        ဟိုး......ရင်ဘတ်ကောင်းကင်ထက်က တိမ်လွှာတစ်စရယ်ပါ ) ၄
                                        ကောင်းကင်ကိုငေးလို့ ကြယ်လေးတွေကိုစကားလှမ်းပြောရတဲ့နေ့
                                        တိမ်လွှာထဲမှာ မျက်နှာတစ်ခုလိုက်ရှာကြည့်မိတဲ့နေ့
                                        နှလုံးသားကို မျှော်လင့်ခြင်းသေတ္တာထဲမှာခေါက်သိမ်းလိုက်ရတဲ့နေ့
                            ( ဝေရီယစ်မူး....ပျော်ဖူးသမျှ
                              ရှတကြမ်းတမ်း...အလွမ်းဇာတ်သိမ်း
                              ချုပ်ငြိမ်းနိဂုံး....နှလုံးသားသည်
                              အက်ခဲ့ပြီ...။ ) ၅
                              အလွမ်းကာရန်တွေနဲ့ ကဗျာတွေသေဆုံးရတဲ့နေ့
                              လမ်းအိုအိုလေးကို အရောင်မဲ့မျက်ဝန်းတွေနဲ့ငေးရီကြည့်ရတဲ့နေ့
                              ဝေပြာညှို့ဆိုင်းသွားတဲ့နေ့
                              အရာရာ ပြာလဲ့ကွဲအက်ကုန်တဲ့နေ့
                              အဲဒီ့နေ့ ၊ အဲဒီနေ့ .....ရင်ဘတ်ကိုပိုးစိုးပက်ကိုက်ခဲပစ်တဲ့နေ့
                              သေဆုံးလုဆဲဆဲနေ့       ၊ ကျိုးကြေစုတ်ပြတ်တဲ့နေ့
                             ( အို....ညရေ...
                              သူ့မျက်နှာ မြင်ရစေဖို့
                              အိပ်မက်လက်တစ်ဆုပ်ကို
                              မျှော်လင့်ချက်လုပ်လို့...အိပ်စက်ခွင့်ပြုပါတော့...
                              အိပ်စက်ပါရစေတော့....။ ) ၆
                              တကယ့်ကို အိပ်မက်လက်တစ်ဆုပ်စာနဲ့ သေဆုံးလိုက်ရတဲ့နေ့
                              ရင်ဘတ်ဟာ အလွမ်းပိုးမွှားတွေ ကိုက်ခဲလို့  ရှ...အက်...ကြေ...မွ        ၊၊
                              အဲဒီ့နေ့ကပေါ့          ၊၊
                                                                                                                   မောင်ရေချမ်း
                                                                                 (  Hello အနုပညာဂျာနယ်/Vol.3/Issue26/January/2012 )
                                                                                                                                
ပြန်လည်အသုံးပြုထားသော ကဗျာစာသားများ
၁၊၊ ကောင်းကင်ပြိုနေ့
၂၊၊ နှလုံးသားသစ္စာ  
၃၊၊ အလွမ်းညရဲ့ရှတကဗျာ

၎ ၊၊ ကိုယ့်အိပ်မက်ကိုယ်ပြန်မရတဲ့ရင်ခွင်ပျက်

No comments:

Post a Comment

နှစ်သက်စွာ ခံစားနိုင်ပါစေ