Thursday, March 29, 2012

ကောင်းကင်ပြိုရဲ့ရှိုက်ငိုသံ

                       အလွမ်းဟာ
                        တစ်ခါတစ်ခါ မျိုးစေ့မလိုဘဲ ဖူးပွင့်လာခဲ့
                        မှုန်ဝေခါးသက်မှုတွေနဲ့  ဟစ်အော် ...တမ်းတ
                        ချစ်သူရေ.........
                        အိပ်မက်အလင်းတန်းတွေ ကြဲမှုန်လွင့်ဖွာလို့
                        အနက်ရောင်လဲ့လဲ့ညတွေဟာ အကျည်းတန်စွာလှပ
                        ဆိုညှင်းဖွဲ့ဝေခဲ့ဖူးတဲ့ ရင်ခုန်သီချင်းတွေ
                        အခုတော့ ဖြူရော်တိုးဖျော့သွား
                        အသည်းကွဲတယ်ဆိုတာ
                        တကယ်တော့ နှလုံးသားတစ်ခုလုံးအစားခံလိုက်ရတာ
                        ပန်းတွေ မမွှေးတော့ဘူး
                        သီချင်းတွေ မလှတော့ဘူး
                       ချစ်သူရေ.............
                       ညွှတ်သွယ်ပျော့ပျောင်းတဲ့ မေတ္တာတရားတွေနဲ့
                       ညင်သာနူးညံ့စွာ
                       တကယ့်ကို အိစက်သိမ်မွေ့စွာ ချစ်ခဲ့တာ
                       ကိုယ် ချစ် ခဲ့ တာ

                      ကြယ်တွေ ... ကြွေ
                      လ.....တွေ     ကြွေ
                      အလင်းမဲ့အိပ်မက်တွေထဲ
                      ကိုယ်ဟာ အတိတ်ထဲမှာ လင်းပွင့်ယှက်ဖြာလို့
                      ကိုယ်ဟာ အခုထိ မင်းအရိပ်လေးထဲမှာ ယိမ်းနွဲ့ရို့ကျိုးဆဲမို့
                      " တစ်ခါက " လို့ အစချီပြီးပြောရမယ့်
                      ပြောခွင့်မရတော့တဲ့ အတိတ်ချိုချိုတွေထဲ
                      ခု ... ကိုယ် ငို  နေ ပြီ ....
                      ကိုယ်...... ငို.... နေ.....ပြီ......ကွယ်  ၊၊

                       တိမ်သားပြာရီ
                       ညနေခင်းမပီတော့တဲ့ ညနေခင်းတွေမှာ
                       ကိုယ်ဟာ မင်းနာမည်လေးကို ရှိုက်မွှေးနမ်းမြလို့
                       ညွှတ်ဆိုင်းဝေ့သီလာတဲ့ အလွမ်းတွေကို တယုတယ ခါ ခါချနေရပြီ ၊၊

                       ရူးသွပ်   ၊ ကြေကွဲ  ၊ ကွဲအက်
                       ရှတ      ၊ ကြေမွ    ၊ စူးနစ်
                       အားလုံးသော အလွမ်းဖွဲ့ကြိယာဝိသေသနတွေဟာ ကိုယ့်အတွက်ဖြစ်လာခဲ့
                       နာကျင်အက်ရှလို့ တဖြည်းဖြည်းလုံးပါးပါးသွား
                       ဒဏ်ရာ..... နက်နက်
                       စိတ်ကို စိတ်ထဲမှာ လိုက်ဖမ်းကြည့်တာ မမိဘူးကွယ်
                      လွင့်မျောလင်းပဲ့လို့ ကိုယ့်နှလုံးသားကိုတစ်စတစ်စ ချွေဖဲ့နေတာ

                      ဝေး..............
                      မြေပြင်နဲ့ကောင်းကင်
                      တိမ်လွှာနဲ့ရေပြာလို  ...ဝေး..................
                      တမြေ့မြေ့   ၊ တဝေ့ဝေ့
                      ပြာရီဝေ့၀ိုင်းလို့ ရင်ဘတ်အနှံ့အိပ်မက်ချွေမုန်တိုင်းတွေ
                      အကြမ်းရင့်ဆုံး လေနီရိုင်းတွေ အုံ့သည်းတိုက်ခတ်
                      အလွမ်းတွေ ဖွေးဖွေးလှုပ်ကုန်ကြ
                      " နောင်တစ်ချိန် ဘယ်တော့မှ " ဆိုတဲ့စကားညိုပုပ်ပုပ်တွေအောက်မှာ
                      ကိုယ့်စိတ်ဟာ စေးပျစ်မွန်းကြပ်လို့
                      ဘယ်တော့မှ...
                      ဘယ်တော့မှ.......... 
                      လွင့်ပျောက်ကြေအက်မှာ မဟုတ်တဲ့အချစ်တွေနဲ့
                      ညွှတ်နူးပျော့ပျောင်းတဲ့ အချစ်တွေနဲ့
                      လင်းပွင့်ချိုလွင်တဲ့ အချစ်တွေနဲ့
                      လှပသိမ်မွေ့စွာ ချစ်ခဲ့တာပါကွယ်
                      ကိုယ့်အလွမ်းတွေဟာ ကြမ်းရှလို့
                      ......နောက်ထပ်.......
                      ......နောက်ထပ်.......
                      .......နောက်ထပ်........
                     ....................................
                         ခါး....သက် ...နေ ရ ဦးမယ်             ၊၊                             ၊၊

                                                                                           မောင်ရေချမ်း

1 comment:

  1. မိုက်လယ် ရေချမ်းရေ

    ReplyDelete

နှစ်သက်စွာ ခံစားနိုင်ပါစေ