Monday, April 2, 2012

ဒီလိုနဲ့ ဒုက္ခတွေကိုလက်ဆွဲနှုတ်ဆက်ကြည့်တယ်

                          ကံကြမ္မာက ရေနည်းရာမှ နေကျဲကျဲပူနေပုံများ     
                            မျှော်လင့်ချက်မြစ်က ရေတွေကောခန်းလို့ အိပ်မက်ငါးလေးတွေသေ
                            ဦးညွှတ်မယ်ဆို ညွှတ်သွားလောက်ပါရဲ့
                            ရှုံးနိမ့်ခဲ့    ........ ရှုံးနိမ့်ခဲ့
                            ကြိမ်ဖန်ထပ်စွာ ရှုံးနိမ့်ခဲ့
                            လောကဓံဒိုင်ရဲ့မျက်နှာသာမပေးမှုမှာပေါ့
                            အနီကတ်ပြခံထိခဲ့သူဟာ ...ကိုယ်ပါ   ၊၊



                            ရင်ထဲက မျှော်လင့်ချက်လလေးဟာ အစင်းလိုက်ကြွေကျ
                             အလံဖြူပြမယ်ဆို ပြလောက်ပါရဲ့
                            ချုပ်သီခဲ့  ..... ချုပ်သီခဲ့
                            ကြိမ်ဖန်ထပ်စွာ သီချုပ်ခဲ့ရ
                            ဒုက္ခတွေသာ တစ်ထည်ပြီးတစ်ထည်ဝတ်ရုံလွှာဖြစ်လာသူဟာ ..ကိုယ်ပါ ၊၊

                            ဘ၀ညမှောင်မှောင်ကို
                            ကြယ်တာရာတွေနဲ့ ထွန်းလင်းပစ်ချင်သူ
                            တစ်နေ့သောခါ....
                            ဒုက္ခ၀တ်ရုံလွှာကို ဖြဲဆုတ်လို့ ခြေသုတ်ဝတ်လုပ်မယ့်သူ
                            အဲဒီ့လိုလူဟာလည်း.... ကိုယ်ပါပဲ   ၊၊

                            ကိုယ့်အနာဂတ်ကိုယ်ရေးမယ့်လက်ဟာ
                             ဘယ်တော့မှ ....... ဘယ်တော့မှ
                             တွန့်ဆုတ်နေမှာ မဟုတ်
                             လောကဓံရေ ..............
                             ရင်ကော့    ခေါင်းမော့လို့
                             ခပ်သော့သော့ ခရီးနှင်နေမယ့်လူဟာ  ကိုယ်ပါ ... ဟေ့   ၊၊
                                                                              မောင်ရေချမ်း
                                                                 ပြုံးစရာမဂ္ဂဇင်း ၊ဧပြီလ ၊ ၂၀၁၂

No comments:

Post a Comment

နှစ်သက်စွာ ခံစားနိုင်ပါစေ