Friday, July 27, 2012

အမှောင်ထဲက သက်ပြင်းမောတွေ

            စိုစွတ်နေသောကတ္တရာလမ်းမကို တိုးဝှေ့ဖြတ်ကျော်ပြီး တိုက်ခတ်လာသည့် ညလေပြည်တွေက စိမ့်ကနဲနေအာင် အေးမြနေသည်။မိုးနှောင်းကာလဖြစ်ရ၍ပတ်ဝန်းကျင်တစ်ခုလုံးအေးစက်စိုထိုင်းနေသည်။ 
 လေပြည်နုအေးတို့၏အေးစက်သော အထိအတွေ့သည်လည်းသူ့ရင်တွင်းအပူမီးကို တစ်ရွေးသားမျှ
မငြိမ်းသတ်နိူင်ချေ။          
               သူသည်လွန်စွာမှဟောင်းနွမ်းနေသောဆိုက္ကားလေး၏ရှေ့ကူရှင်ကိုမှီထိုင်ရင်းလူသွားလမ်းမဆီသို့  ရီဝေစွာငေးကြည့်နေ့ သည်။ယခုချိန်တွင် ကမ္ဘာပေါ်ရှိလူသားများအနက် ပူပန်သောကအများလူသားမှာ သူဖြစ်သည်ဟု သူ့စိတ်တွင်တွေးတောနေမိသည်။ကားများ၊လူများ၊ရှုပ်ထွေးစွာသွားနေသည့်လမ်းနံဘေး
တွင်သူထိုင်နေသော်လည်း မည်သူကမှ သူ့ကိုဂရုပြုခြင်းမရှိကြပါ။

                    စင်စစ်မူကား...သူ့တွင်လည်း လူလေးစားစရာဂုဏ်၊ပကာသန ဘာတစ်ခုမှမရှိပေ။ကျယ်ပြော လှသောလောကတွင် သူသည်သေးငယ်သောအမှုန်တစ်မှုန်သာ ဖြစ်ခွင့်ရရှာသည်။သံချေးများဝါကျင်အောင် တက်နေသော ဆိုက္ကားခွေများနှင့်လက်ကိုင်များ သည် လည်းကောင်း၊ အပေါက်အပြဲများကိုဖုံးကွယ်နိုင်စွမ်းမ ရှိသော ကူရှင်နှစ်ခုသည် လည်းကောင်း၊ ခြေနင်းနှစ်ခုစလုံး စုံလင်စွာမရှိဘဲ ကျိုးပဲ့နေသောခြေနင်းတစ်ဖက် သည်လည်းကောင်း ဆိုက္ကားပေါ်မှသူ့၏ ရှိစုမဲ့စုဂုဏ်သိက္ခာကို အရည်ပျော်မှေးမှိန်စေသည်။

 သူသည် တစ်စုံတစ်ခုကိုစိတ်မောဟန်ဖြင့် “ဟင်း” ခနဲသက်ပြင်းတစ်ချက်ချလိုက်သည်။
                              “ သားငယ်နီတွတ် ဖျားနေတယ် ”
                              “ သားကြီးကို ကျူရှင်လခပေးရဦးမယ်”
                        သူ့နားထဲတွင် နေ့လည်ဆိုက္ကားမထွက်မီက သူ့မိန်းမပြောလိုက်သောစကားတွေကို တငွေ့ငွေ့ကြားယောင်နေမိသည်။“အင်းပါ”ဟုသာ သူပြောခဲ့ရသည်။
သို့သော် အခုအိတ်ကပ်ထဲယောင်ယမ်း၍စမ်းမိတော့ ရင်ထဲမှာပြိုးခနဲ၊ပြက်ခနဲလျှပ်စီးလက်သွားရသည်။ အုံနာခပေးပြီးကျန်သည့်ငွေမှာဆန်တစ်ပြည်ဖိုးကျော်ရုံသာ။မိုးတွင်းဆိုတော့ခေါက်ရေကလည်းကျဲသည်။ သူ့အတွက်ထိုမျှလောက်နှင့်ပင်ဆိုက္ကားသိမ်းရတော့ မည်။မနက်ပိုင်းရွှေပန်း၊ငွေပန်း၊စံပယ်ပန်းလေး ရောင်း

ရသောငွေကအိတ်စရိတ်ရ၍တော်သေးသည်ဟုသူတွေးနေမိသည်၊၊ငွေပိုငွေလျှံလေးရရန်ရည်ရွယ်၍ဆိုက္ကား
လေးဆွဲကြည့်ခြင်းသည်သူ့အတွက်တော့မစုသာ၊မဆောင်းသာ။သူစိတ်မောဟန်ဖြင့်သက်ပြင်းနောက်တစ်
ချက်ကို “ဟင်း ” ခနဲခြွေချလိုက်မိပြန်သည်။


                  ရင်ထဲကမီးညွန့်တွေသည်သက်ပြင်းတွေနှင့်အတူလွင့်မျောကွယ်ပျောက်သွားရင်ကောင်းသားဟု သူတွေးနေမိသည်။ဒုက္ခဟူသည်ခါးသီးမှန်းသူသိပါသည်။လူလွတ်ဘ၀ကတော့ငတ်မွတ်ခြင်း၊ဆင်းရဲခြင်းတွေ
ကိုသဘာဝကကျွေးသောချိုချဉ်တစ်လုံးလိုပြုံးပြုံးလေးသူစားသုံးခဲ့သည်။အခုတော့အသွားအချွန်တွေနဲ့ချွန်မြ
နေသည့်လောကဓံရှေ့တွင် သူ့ဒူးတွေညွှတ်ခွေလုပြီ။
          သို့သေဘ၀ကိုအလံဖြူပြရန်အားလျှော့မိတိုင်းသားလေးနှစ်ယောက်၏မျက်နှာကိုမြင်ယောင်လာတော့
အားအင်တွေပြန် ပြည့်လာမြဲဖြစ်သည်။ဘ၀ကိုခြင်္သေ့တစ်ယောက်လိုရဲရင့်စွာဖြတ်သန်းနိုင်ဖို့ဆိုသည်မှာထို
တွယ်တာစရာလေးတွေကအင်အားပင်   ဖြစ်သည်ဟုသူထင်သည်။တွေးရင်းတွေးရင်း“ဟင်း”ခနဲသက်ပြင်း ထပ် မံချမိပြန်သည်။ကိုးနာရီထိုးချေပြီ...။


                   ညဘက်တစ်ညလုံးနင်းသည့်ကိုမြင့်မောင်တို့၊မောင်ခန့်တို့ကိုနှုတ်ဆက်လိုက်သည်။သူဆိုက္ကားသိမ်းတော့မည်။
အိမ်တွင်သူ့မိသားစုသည်သူပြန်အလာကို စောင့်မျှော်နေချေမည်။ဆိုက္ကားလေးကိုသူခပ်သွက်သွက်လေး
 နင်းလာခဲ့သည်။သားကြီးကသားငယ်လေးနီတွတ်ကိုပေါင်ပေါ်တင်ထိုင်ရင်းအိမ်ပေါက်ဝတွင်ထိုင်နေသည်ကို
အမှောင်ထဲမှမသဲမကွဲ တွေ့လိုက်သည်။သူ့ဆိုက္ကားကိုတွေ့သော် သားကြီး ၀မ်းသာအားရထလာသည်။


ဆိုက္ကားလေးကို အိမ်ထဲတွန်းဝင်ရင်း
                      “ ခြင်တွေတော့ ကိုက်ကုန်တော့မှာပဲကွာ.။ ဘာလို့ထိုင်နေကြတာလဲ..။ 
                        ၀င်အိပ်နှင့်တာမဟုတ်ဘူး.။”
                သူ့နှုတ်မှလည်းစိုးရိမ်တကြီးပြောမိသည်။ အိမ်ထဲမ၀င်မီမီးခြစ်ခြစ်၊ဖယောင်းတိုင် လေးထွန်းလိုက်သည်။ထို့နောက်သားငယ်ကို သူပွေ့ချီလိုက်သည်။
                       “ဟာ....။ ကိုယ်တွေအရမ်းပူနေပါလား...။နီတွတ်ကို ဘာဆေးမှ 
                        မတိုက်ဘူးလား။မင်းတို့အမေရောဘယ်ရောက်နေလဲ”
           သူသားကြီးကိုအလောတကြီးမေးလိုက်သည်.။ မျက်လုံးလေးကလယ်ကလယ်နှင့်သားကြီးကသူ့ ကိုကြည့်ရှာသည်။သားကြီးကငါးတန်း။ အသက်က ဆယ့်တစ်နှစ်ဆိုတော့အစစအရာရာသိတတ်နေပြီ။ တစ်နှစ်ခွဲတောင် မရှိသေးသော သားငယ်လေးကို သူ့မိန်းမသည် ဂရုမစိုက်ဘဲ နေနိုင်လွန်းသည်ဟု
 တွေးရင်းဒေါသဖြစ်မိသည်။
                        “ရှင့်သားကိုရွှေမန်းတောင်တိုက်ထားတယ်။ကျွန်မ..အိပ်ချင်လို့ဝင်အိပ်နေတာ။ရှင့်သားနှစ်ယောက်က
  ရှင့်ကိုစောင့်နေတာ၊သိပြီလား။”
အိပ်ခန်းထဲမှနေ၍ သူ့မိန်းမကလှမ်းအော်သည်။သူ့မိန်းမကိုတစ်စုံတစ်ခုပြန်ပြောရန်၊အပြစ်တင်ရန်စဉ်းစား
သော်လည်းစကားလုံးတွေကသူ့လည်ချောင်းထဲမှထွက်မလာ။" ဖေဖေ.၊မနက်ဖြန်သားကျူရှင်လခပေးရမှာ..။ ” ဟူသော သားကြီး၏ ခပ်တိမ်တိမ်အသံကြောင့်ငိုက်စိုက်လုသူ့ခေါင်းသည်ပြန်ထောင်မတ်သွားသည်။ သားကြီးကိုလည်း တစ်ခုခုပြန်ပြောရန်သူစဉ်းစားသည်။သို့သော် စကားလုံးရှာမတွေ့။
                                             “သား...၊ထမင်းစားပြီးပြီလား။”
                                            “ဟုတ်၊ဖေဖေ။ညနေတည်းက ..စားပြီးပြီ။”
                  ထမင်းစားပြီးပြီဆိုတော့သူ့စိတ်ထဲနည်းနည်းအမောပြေသွားသည်။သူကတော့မစားရသေးပါ။ထမင်းလည်း
ကျန်တော့မည် မဟုတ်ကြောင်းသူသိသည်။ထို့ကြောင့်ကလေးနှစ်ယောက်ကိုသာအိပ်ယာထဲခေါ်လာခဲ့
သည်။  ခြင်ထောင်ထဲတွင်သူ့မိန်းမမအိပ်သေး။တစ်စုံတစ်ခုကို တွေးတောနေဟန်ရှိသည်။သက်ပြင်းဖွဖွချသံကို
သူကြားမ်ိသည်။
 "မင်း..နီတွတ်ကိုဘာလို့ဂရုမစိုက်ရတာလဲ..။ကလေးက နေမကောင်းတဲ့ဟာကိုကွာ..။”                                          သူ့အသံနည်းနည်းကျယ်လောင်သွားသည်။နီတွတ်ကတော့သူ့မိန်းမရင်ခွင်ထဲရောက်သွားပြီဖြစ်သည်။
တစ်နှစ်ကျော်ပြီဖြစ်ပေမယ့်ခုထိနို့မပြတ်သေး။ သားနှစ်ယောက်ကသူတို့အလယ်တွင်အိပ်သည်။သားကြီးက

ရန်များဖြစ်မလားဟူသောစူးစမ်းဟန်မျက်လုံးဝိုင်းလေးဖြင့်။သားကြီးခေါင်းကိုသူလက်လေးနှင့်ပွတ်သပ်ပေးနေ  မိသည်။


                                     "ကျွန်မ.ဂရုစိုက်ပါတယ်တော်။နေ့လည်ကလည်း ဆေးတိုက်ထားတယ်။ညနေကလည်းတစ်ခွက်ထပ်တိုက်
ထား တယ်။ကဲ...ဘာကိုဂရုမစိုက်တာလဲ...ပြော.။သူက မအေထက်ပဲ ပိုစိတ်ပူပြနေ သေးတယ်နော်..။”
       သူခဏငြိမ်သွားသည်။သည်လိုဆိုတော့လည်း သူ့မိန်းမ မဆိုးဘူးဟုစိတ်ထဲမှမှတ်ချက်ချမိသည်။ ဒါပေမယ့် မေးစရာရှိတာတော့သူမေးရဦးမည်။သူ့စိတ်ထဲတွင်နေ့လည်တည်းက ဖုထစ်နေခဲ့သည်။

     “မင်း..ချဲကြွေးတွေဘယ်လောက်တောင်များနေပြီလဲ။နေ့လည်ကကိုတင့်ငါဆီလာတောင်းတယ်။
        ရှက်ဖို့သိပ်ကောင်းတာပဲဟာ  . .၊နောက်မထိုးနဲ့တော့နော်။ပိုက်ဆံရှာရတာ ဘယ်လောက်ခက်မှန်း
        မင်းလည်းသိရက်နဲ့...။”               
        “ ရှင်တို့ အဲဒါတွေပဲ၊ပြောရဆိုရခက်တာ။ဟိုတလောက ပေါက်တုန်းကျတော့..မျိုလိုက်ဆို့လိုက်တာ။    
 ကျွန်မကတစ်အိမ်လုံးအတွက်ထိုးနေရတာ..သိရဲ့လား။ထီလေးပေါက်မှအသက်ရှူလး ချောင်မယ့်ဟာကို..။”   
 သူဘာပြန်ပြောရမှန်းမသိတော့.။ဘာမှလည်း ဆက်မပြောချင်တော့ပါ။ပြောရင်လည်းနိုင်မည် မဟုတ်မှန်း သူသိသည်။ကလေးတွေသာအိပ်ရေးပျက်ပေလိမ့်မည်။ချစ်ခြင်းနှင့်ကြောက်ခြင်းသည်ဒွန်တွဲ၍နေသလား ဆိုတာ  သူမသိပါ။သူ့မိန်းမကိုသူချစ်၍ယူခဲ့သော်လည်းညားအပြီးတွင်တော့သူကြောက်လာမိသည်။မိန်းမ ဘာပြောပြော၊ဘာဘာလုပ်လုပ်တစ်ခွန်းဆိုတစ်ခွန်းသာ။အမှောင်ထဲမှာသူ့မိန်းမမျက်နှာကိုကြည့်ရင်းပြန်တွေး
နေမိသည်၊၊သူ့မိန်းမသည်သူနှင့်မညားခင်ကအဆောင်တွင်နေပြီးအထည်ချုပ်စက်ရုံမှာမှာအလုပ်လုပ်သည်။



သူ့လိုတစ်ကောင်ကြွက်တစ်မျက်နှာမို့တော်သေးသည်။နို့မို့ဆိုသူနှင့်ညားပြီးဆွေမျိုးတွေတအုံတကျင်း
ပါလာပေဦးမည်။အခုတော့ သူကံကောင်းခဲ့သည်။သူနှင့်ညားပြီးနောက်ပိုင်းတော့..သူ့မိန်းမကိုအလုပ်မလုပ် ခိုင်းတော့ပေ။သူကပင် ရှာဖွေကျွေးမည် ဟူသော စကားကိုပေး၍     လက်ထပ်ယူခဲ့ခြင်းဖြစ်သည်။

ညားခါစတုန်းကတော့ပျော်စရာအကောင်းဆုံးအချိန်တွေဖြစ်ခဲ့သည်။သားကြီးမွေးပြီးကတည်းကဘ၀ဆိုသည့်
သတ်ပုံကိုသူကောင်းကောင်းစာလုံးပေါင်းတတ်သွားသည်။ဘ၀ကို လျှောက်လှမ်းရသည်မှာစင်ပေါ်တွင် 
မော်ဒယ်လျှောက်သလိုဖွဖွရွရွလေးမဟုတ်။စစ်မြေပြင်တွင် ပြေးလွှားနေရသလိုဒရောသောပါးနိုင်လွန်းလှသည် ဟုမတောက်တခေါက်သူ့အသိညဏ်လေးဖြင့် ပိုင်းခြားနေမိသည်။ သူသက်ပြင်းတစ်ခု ချမိသည်။ 


       “ရှင်..သက်ပြင်းတွေချနေပြန်ပြီ.။ညညဆို ဘာမှန်းမသိဘူး။အိပ်စရာရှိတာ မအိပ်ဘုး။ တကတည်း....။”
                      သူ့မိန်းမသည် အရာရာကိုပေါ့ပေါ့ပျက်ပျက်နိုင်လွန်းမှန်းအစတည်းကမသိခဲ့ခြင်းမှာလည်း သူညံ့ဖျင်းခဲ့သည် ဟု သူတွေးနေမိသည်။ ပညာမတတ်၊ လက်လုပ်လပ်စား၊ ပုလင်းတူဘူးဆို့ချင်းမို့ အဆင်ပြေလိမ့်မည် ဟုတွေးခဲ့ခြင်းသည်လည်း မှားကြောင်းယူပြီးမှ သဘောပေါက်ခဲ့သည်။   
                                ”မင်း...ငါနဲ့မရခင်ကလို စက်ရုံပြန်ဆင်းပါလား..။” 
                  လွှတ်ခနဲပြောမိသောစကားကို ပြန်သိမ်းဆည်းကြိုးစားခဲ့သော်လည်းသူအချိန်မမီတော့.။သူ့မိန်းမက
 ခြင်ကိုအမှောင်ထဲမှာဖျတ်ခနဲရိုက်ရင်းပြန်ပြောသည်။ခြင်ထောင်က အပေါက်တွေမှတဆင့်ခြင်တွေ
ဝင်လာခြင်းဖြစ်မည်။ 
               “ရှင်ကလည်းလေ..ကျွန်မစက်ရုံပြန်ဆင်းတော့ဒီကလေးတွေကိုဘယ်သူထိန်းမလဲ.။                                     သားကြီးကို ကျောင်းပို့၊ကျောင်းကြို၊ဒါတွေကျွန်မပဲဒိုင်ခံလုပ်နေရတာ။ရှင်မသိဘူးလား။”                    သူ့မိန်းမစကားသံကဒေါသံစွတ်လာတော့သူငြိမ်နေရပြန်သည်။မိခင်ရင်ခွင်ထဲမှာနို့ကိုအငမ်းမရမလွှတ် တမ်းစို့နေသောနီတွတ်ကိုကြည့်ရင်းသူသက်ပြင်းချမိပြန်သည်။သားကြီးကတော့တရှူးရှူးနှင့်နှစ်ခြိုက်စွာအိပ်
မော ကျနေပြီ.။

                            ”သား..ညက အိပ်မက်ထဲမှာဒံပေါက်စားရတယ်”
               ဟုမကြာမဏပြောလေ့ရှိသောသားကြီးအကြောင်းတွေးရင်းသူပြုံးမိပြန်သည်။အခုလည်း.အိပ်မက်ထဲတွင်
ဒံပေါက်တစ်ပွဲကို တစ်ယောက်တည်း အားရပါးရ စားသောက်နေမည်လားမသိ။

  “ရှင်မအိပ်သေးဘူးလား။မနက်ကျရင်လည်း စောစောထရဦးမှာနော်။ဘာတွေတွေးတွေးနေမှန်းမသိဘူး။ ”       “သားကြီးအကြောင်း တွေးမိလို့ပါကွာ။ဒီကောင်တောင်  တဖြည်းဖြည်းအရွယ်ရောက်လာပြီလေ။
                        တစ်နှစ်တစ်နှစ်  သူ့ကျောင်းစရိတ်ကလည်းတဖြည်းဖြည်းပိုပိုကြီးလာတယ်။”
              သူ့အသံတွင်သားကြီးအတွက်ဂုဏ်ယူလိုဟန်သိသိသာသာပါနေသည်။သူတုန်းကတော့ကျောင်း
မတောင်မနေခဲ့ရ၍သူ့သားနှစ်ယောက်လုံးပညာထူးချွန်စေချင်သည်မှာသူ့အိပ်မက်ပင် ဖြစ်သည်။
သူ့မိန်းမကတော့ သူ့အတွေးနှင့်သူပင်။
              ”ဘာလဲ..။ကျူရှင်လခအတွက် စိတ်ညစ်နေတာလား။မနက်ဖြန်ကျရင် ဆရာမကိုကျွန်မ 
                လိုက်ပြောကြည့်ပါမယ်။”
          ခြင်ထောင်ခေါင်မိုးမှတဆင့်အိမ်ခေါင်မိုးကိုငေးကြည့်ရင်းသက်ပြင်းဖွဖွချမိသည်.။ကြယ်ရောင်လဲ့လဲ့
မလုံတလုံအမိုးတွေမှတဆင့်ခြင်ထောင်ပေါ်သို့ဖြာကျနေသည်။သူ့မိန်းမကတော့အိပ်ရန်အားယူနေပြီ။
သူလည်းဘာစကားမှမဆိုတော့ဘဲတစ်ယောက်တည်းတွေးနေမိသည်။ လမ်းထဲကကိုမျိုးတို့နှင့်လိုက်၍ပန်းရန်
လူကြမ်း  လိုက်လုပ်ရင်ကောင်းမလားတွေးမိသည်။


                      “အင်း..အဲဒါလည်းကိုက်မယ် မထင်ပါဘူးလေ”
             ဟုမတိုးမကျယ်ရေရွတ်မိသည်။သူ့မိန်းမကြားသည်ထင်၏။သူ့ကိုလေးလေးတွဲ့တွဲ့မေးသည်။
            ”ရှင် ..ဘာတွေပြောနေတာလဲ။တစ်ယောက်တည်းကို စကားပြောနေတယ်။အိပ်တော့လို့ဆို..။”
သူ သည်တစ်ခါလည်း ခပ်ဖွဖွလေးသက်ပြင်းချမိပြန်သည်။သူ့သက်ပြင်းချသံနှင့်စက္ကန့်ပိုင်းလောက်သာခြား မည်ထင်သည်။သူ့မိန်းမဆီမှ ခပ်တိုးတိုး သက်ပြင်းချသံ။
              “ရှင်...ဘာမှစိတ်ညစ်စရာမရှိ ညစ်မနေနဲ့တော့နော်။ နီတွတ်လေး...နို့ပြတ်ရင်အိမ်နေရင်း
                 အလုပ်တစ်ခုခုကျွန်မလုပ်မယ်၊သိလား။ ကျွန်မ စက်ချုပ်တတ်တာပဲကို၊အထည်တွေ
                 ရအောင်ယူချုပ်မယ်လေ။အဲဒီ့ကျမှ ရှင်သာမတားနဲ့နော်.။”
             မျက်လုံးမှိတ်လျက်စကားပြောနေသော သူ့မိန်းမကို သူပြုံး၍အမှောင်ထဲမှာ ငေးကြည့်မိသည်။ပိန်း ပိတ်အောင်မဲမှောင်နေသည့် အမှောင်ထဲမှ သူတို့၏ဘ၀သည်လည်းမှောင်လွန်းလှသည်ဟု သူထင်သည်။ 
               မီးကင်းမှ သံချောင်းခေါက်သံ ဆယ့်တစ်ချက်ကိုခပ်သဲ့သဲ့ ကြားရသည်။ သူအိပ်ပျော်အောင် အိပ်ရန်ကြိုးစားသည်။ မျက်လုံးမှိတ်ဖို့ကြိုးစားရင်း....သက်ပြင်းကချမိပြန်သည်။အိပ်မရအောင်ဗိုက်က တဂွီဂွီမြည်နေမှန်းအခုမှသတိထားမိသည်။ဘာပဲဖြစ်ဖြစ်..သူအိပ်ပျော်ရန်မရမကကြိုးစားရပေမည်။                
               သို့မှသာ..သားကြီးနှင့်အတူဒံပေါက်တစ်ပွဲကို အိပ်မက်ထဲတွင်စားနိူင်မည်ဖြစ်သည်။

                                                                                                                                                                                                                                                                                         မောင်ရေချမ်း
                                                                                           ( မိုင်တိုင်နှစ်ဆယ် အွန်လိုင်းဝတ္ထုတိုစုစည်းမှုမှ )

3 comments:

  1. အားပေးသွားပါတယ်သူငယ်ချင်းရေ.....

    ReplyDelete
  2. Hi your blogs looks so impormative and interesting.would you come and visit us back too
    http://ads.com.mm/?cid=4fd9a687e4b0fa6db841e34f&utm_campaign=ads_mm_lb_blog_mgesc&utm_source=ads_lb_blog&utm_medium=lb_blog

    ReplyDelete
  3. ခေါင်းစဉ်အတိုင်းပဲ ဇတ်လမ်းက ကောင်းပါတယ်။

    ................................................
    တူနှစ်ကိုယ်တဲအိုပျက်မှာနေရ၊ထမင်းရေပူ အတူလျှက်ရ ဆိုတာတွေက အခုခေတ်ကြီးထဲမှာ မရှိတော့သလိုပဲ
    ယောင်္ကျားလေးဖြစ်စေ၊မိန်းကလေးဖြစ်စေ
    လူကို လူလို့မမြင်တော့ပဲ နောက်မှာ ဘာပါလဲလို့ပဲ
    လှမ်းကြည့်တက်ကြတော့တယ်။


    ဖြိုး

    ReplyDelete

နှစ်သက်စွာ ခံစားနိုင်ပါစေ