Saturday, July 28, 2012

ကျွန်တော် ဘာတစ်ခုမှ မသိခဲ့သောအချစ်အကြောင်းများ

သူမသည် ပန်းနုရောင်ယှက်ပြေးနေသော ဆည်းဆာလှလှ တစ်ထည်ခဲ့ဖူး၊၊သူမသည် ၀တ်မှုန် ချိုအီအီတို့ဖြင့် ထုံလွှမ်းအပ်သော ပျော့အိအိ ပန်းပွင့်တစ်ပွင့်ဖြစ်ခဲ့ဖူး၊၊ ကျွန်တော်သည် ထိုပန်းပွင့်အတွင်း သိမ်မွေ့လှပစွာ ခုန်ဆင်းချင်ခဲ့သော ပိုးကောင်ငယ်လေးတစ်ကောင်ဖြစ်ခဲ့ဖူး။ ပန်းရောင်ဖျော့ဖျော့ဆည်းဆာ(သူမ)ကို ရီငေးကြည့်ငေးရင်း အချိန်ပေါင်းများစွာ ကုန်လွန်စေခဲ့ဖူး ။ အချိန်တို့သည် အချစ်တို့ကိုတိုက်စားသွားတတ်ကြောင်း မည်သူကပြောပြော၊ကျွန်တော်လက်ခံမည် မဟုတ်။ အချစ်သည်သံယောဇဉ်နှင့်လည်းကောင်း ၊ ညင်သာနူးညံ့မေတ္တာတရားနှင့်လည်းကောင်း တိုက်ရိုက်အချိုးကျပါသည်ဟု ကျွန်တော်ဘာသာကျွန်တော်သီအိုရီထုတ်ထားမိပါသည်။ ဘာပဲဖြစ်ဖြစ်  သူမ(သို့မဟုတ်)ကျွန်တော့်အိပ်မက်၏ရင်ခုန်ခြင်းများနှင့်ပတ်သတ်၍ ဘာတစ်ခုမှမသိခဲ့ကြောင်း ကျွန်တော်ရိုးသားစွာ ၀န်ခံပါမည်။


တစ်ခါတစ်ရံ အအေးဆိုင်လေးတွင် နာရီဝက်၊တစ်နာရီမျှသာထိုင်ရမည်ကို တစ်နေကုန် ကြိုတွေးနေမိခြင်းကို အချစ်ဟုခေါ်ပါသလား။ ဘာမှမဟုတ်သည့်အကြောင်းအရာများကို တစ်ယောက်မျက်နှာ တစ်ယောက်ကြည့်ကာ တီးတိုးတွတ်တာပြောကြရင်း ရယ်မောပျော်ရွှင်နေရသည်ကို အချစ်ဟုခေါ်ပါသလား။ မတွေ့မမြင်ရသည့်အခါ အနားနားတွင် လာကပ်၍ပြောနေသကဲ့သို့ ဟိုမှ၊သည်မှ သူမအသံချိုနွဲ့နွဲ့တို့ကိုကြားနေမိသည်။ထိုအရာသည်အချစ်ဖြစ်ပါသလား။   ဖြူနုနုမျက်နှာ၊နှင်းဆီရောင်နှုတ်
ခမ်းလွှာ တို့မှအစ  ပန်းဆီရောင် ခြေသည်းလေးများအထိ ပြင်းပြခိုက်တုန်စွာ လွမ်းဆွတ်နေရသည့်အခါ ၀ဲဘက်ရင်အုံညာဘက်သည် တရွရွ တဆစ်ဆစ်ကိုက်ခဲလာတတ်သည်။ ထိုအရာတို့သည် အချစ်ဖြစ်သလား။ ကျွန်တော် မသိပါ။ ထိုသို့ကျွန်တော်မသိကြောင်းကိုလည်း သူမကိုချစ်သောအချစ်တို့အား ကျွန်တော့်သစ္စာ တရားတို့ တည်မြဲမှန်ကန်ပါက သူမလှသထက်ပိုလှပါစေကြောင်း တိုင်တည်၍ပြောကြားဝံ့ပါသည်။

                         သူမသည် နက်(စ်)ကော်ဖီကိုကြိုက်သည်။ ထောပတ်သီးဖျော်ရည်ကြိုက်သည်။ ကလေးဆန်စွာ ကာတွန်းကားများကိုလည်းကြိုက်တတ်ပါသေးသည်။ သူမ၏အိပ်မက်များစွာကိုလည်း တစ်ခါတစ်ခါ စိတ်လိုလက်ရ ပြောပြတတ်ပါသေးသည်။ သူမ မက်နေသောအိပ်မက်ပေါင်းများစွာတွင် ကျွန်တော် ပါဝင်ခွင့်ရရေးသည် ကျွန်တော့်အိပ်မက်ဖြစ်ပါသည်။ ရိုးစင်းစွာပင် ချစ်နေချင်ပါသည်။ ဘာပဲဖြစ်ဖြစ် သေချာသည်က ကျွန်တော့်နှလုံးသားအလံတော်တွင် သူမ၏ရုပ်ပုံလွှာ တလူလူလွှင့်ပျံ့နေပေလိမ့်မည်။

ရင်ခုန်သံအပိုင်းပိုင်းအစစကို သီချုပ်ကာ သူမတစ်ဘ၀လုံးခြုံနိုင်စေမည့် ၀တ်ရုံလွှာလှလှတစ်ထည် ဖန်ဆင်းပေးချင်မိသည်မှာ ကျွန်တော့်၏ခမ်းနားဆုံးသောအိပ်မက်ပင်ဖြစ်ပါသည်။ သူမ ကိုဘယ်လို ဘယ်ကြောင့် ဘယ်လောက် ချစ်သလဲကျွန်တော် မသိပါ။ ဤသည်မှာ ရိုးသားသော ၀န်ခံချက်တစ်ခု ဖြစ်ပါသည်။ သူမကို အမြဲပြုံးရွှင်နေစေချင်ပါသည်။ ဤသည်မှာလည်း ရိုးစင်းလှသောဆန္ဒဖြစ်ပါသည်။ သူမ နေမကောင်းသောအခါ ကျွန်တော့်အလွမ်းတို့သည်လည်း ဖျားနာလေ့ရှိပါသည်။ သူမ၏ ၀င်းလက်စိုမြသောမျက်နှာကို ငေးရီကြည့်ခွင့်ရသောအခါ ကျွန်တော့်အိပ်မက်တို့လည်း လတ်ဆတ်နေတတ်ပါသည်။ ထိုအရာတို့သည် အချစ်ဖြစ်သလားဟု တစ်စုံတစ်ယောက်က မေးလာခဲ့ ပါက ကျွန်တော်ခေါင်းခါမိပေလိမ့်မည်။ ထူးဆန်းစွာပင် ကျွန်တော်မသိပါ။ ဘာလိုပင်ဖြစ်ဖြစ် အချစ်ဟု ခေါ်သောထိုတစ်စုံတစ်ရာသည် သူမကို ပျော်ရွှင်ကြည်နူးမှုပေးနိုင်ရေးသာဖြစ်ပါသည်။ ကျွန်တော် လွတ်လပ်စွာရင်ခုန်နေပါသည်။ သူမကိုလည်း လွတ်လပ်စွာပျော်ရွှင်နေစေရန်အမြဲဆုတောင်းလျက် ရှိပါသည်။

သူမနှင့်ကျွန်တော်တွင် မတူညီသောအရာများလည်း ရှိနေပေလိမ့်မည်။ ထိုအရာအားလုံးတို့သည် တစ်ချိန်တည်းမှာပင် တူညီသွားပေလိမ့်မည်ဟု ကျွန်တော်ယုံကြည်လျက်ရှိပါသည်။ ထိုအချိန်မှာ  ကျွန်တော်က သူကိုချစ်၍ သူကလည်း ကျွန်တော့်ကိုချစ်သော အချိန်ပင်ဖြစ်လိမ့်မည်။ အချစ်သည် မည်သည့်အရာကို ခေါ်ပါသလဲ ကျွန်တော်မသိပါ။ သူမကို ရှင်းသန့်စွာမြတ်နိုးနေမိပါသည်။ သူမသည် ကျွန်တော့်ရင်တွင်း၌ ၀င်းပစွာတောက်နေသောမီးတောက်နုနုလေး ဖြစ်ပါသည်။ စိမ်းမြစိုလွင်သော တောင်ကုန်းမို့မို့လေးများ၊တငြိမ့်ငြိမ့်စီးဆင်းသော စမ်းချောင်းငယ်များဆီသို့ သူမနှင့်အတူ ခရီး အတူတူသွားချင်ပါသည်။ ကလေးဆန်လွန်းလှသော ကျွန်တော့်စိတ်ကူးများကို သူမကြားသောအခါ သွားဖွေးဖွေးလေးများပေါ်အောင်ပင် ရယ်လေ့ရှိပါသည်။ သူမရယ်သောအခါ ကျွန်တော်အသက်ရှူဖို့ တစ်ခါတစ်ခါမေ့နေခဲ့ပါသည်။ ထိုအရာသည် ကျွန်တော့်၏မုသားစစ်စစ်ဖြစ်ပါသည်။

အချစ်၏အဓိပ္ပာယ်ကို သူမအားမေးကြည့်ခဲ့ဖူးပါသည်။ ဖြည်းလေးစွာခေါင်းခါယမ်းပြရင်း မသိကြောင်း သင်္ကေတပြပါသည်။ အချစ်ကိုမသိသောလူနှစ်ယောက် ချစ်နေကြသည်ကို မယုံကြည်ကြောင်းတစ်စုံတစ်ယောက်က ပြောလာခဲ့မည်ဆိုပါက ထိုလူသည်မိုက်မဲသောသူဖြစ်ပေလိမ့်မည်။ ယုံကြည်မှု၊သံယောဇဉ် ရင်ခုန်ခြင်း စသည်တို့ဖြင့်တည်ဆောက်ထားသောဖြစ်တည်မှုထုထည်သည် တဖြည်းဖြည်းခိုင်မြဲလာပေ လိမ့်မည်။ တချိန်ချိန်တွင် ( တစ်နေ့နေ့၌ )ပြိုအက်ပျက်စီးသွားမည်ဆိုပါကလည်း ကျွန်တော့်စိတ်ဝိညာ ဉ်သည် သူ့ထံသုိ့သာဝေ့၀ဲခိုနားနေပါသည်။ ထပ်မံ၍ပင်ဝန်ခံပါဦးမည်။ အချစ်နှင့်ပတ်သတ်၍ကျွန်တော် ဘာမှမသိပါ။ သို့သော် ကျွန်တော်သူမကို သိမ်မွေ့နူးညံ့စွာတန်ဖိုးထားပါသည်။ ထိုစကားသည် ကျွန် တော့်သစ္စာတရားဖြစ်ကြောင်း ဘယ်နတ်ဘုရားကိုမှမတိုင်တည်ဘဲပြောဆိုနိုင်ပါသည်။ ကျွန်တော်အချစ်တို့ ဖြင့် သူမနေကောင်း ကျန်းမာပါစေသား ၊၊                ၊၊
                                                                                                         မောင်ရေချမ်း
                                                                 ( Hello အနုပညာဂျာနယ် ၊ Vol.3 / Issue 53 /August /2012 )

6 comments:

  1. အစမှ အဆုံး ဖတ်လို့ ကောင်းလိုက်တာ.. ။ အချစ်ကို မသိသော လူနှစ်ယောက် ချစ်နေကြသည် ဆိုတာလေး သဘောကျမိတယ်။

    ဒါနဲ့လေ ဆည်းဆာလှလှ တစ်ထည်ဖြစ်ခဲ့ဖူး လို့ ပြောချင်တာများလား မသိဘူးနော်။ မြတ်အထင်မှားသွားရင် စိတ်မရှိပါနဲ့ရှင်။

    ခင်မင်စွာဖြင့်
    မြတ်ပန်းနွယ်

    ReplyDelete
  2. အခုလို အက်ဆေးတွေထက်စာရင်

    ကိုရေချမ်းရဲ့ ကဗျာတွေကိုပိုနှစ်သက်တယ်

    ခင်တဲ့
    မိုးသူ(တောင်ကြီး)

    ReplyDelete
  3. ကိုယ်တိုင်မရေးတတ်ပေမယ့် စာလုံးလှလှပပလေးတွေ ရေးတတ်တဲ့သူတွေကို အားကျတယ် မောင်ရေချမ်းရေ။ အနက်ပေါင်းများစွားရှိတဲ့ အချစ်ဆိုတာ တိကျတဲ့ အဓိပ္ပာယ်ရှာရခက်တဲ့ ပုဒ်စာတစ်ပုဒ်လို့ ထင်မြင်ယူဆမိတယ်။
    စိတ်ဓာတ်အစဉ်ကြည်လင်အေးမြပါစေကွယ်။

    မေတ္တာဖြင့်
    အန်တီတင့်

    ReplyDelete
  4. မောင်ရေချမ်း ရဲ့ သူမ က ဘယ်သူတဲ့တုန်း ... :)

    ReplyDelete
  5. မိုးနတ်လဲ သူမ ဆိုတာဘယ်သူမှန်းသိချင်မိခဲ့တယ်.
    ဒါပေမဲ့ အဲဒါထက် ပိုပြီးအာရုံစိုက်မိနေတာက ..အသုံးကြွယ်တဲ့ ဆရာ့ရဲ့
    စကားလုံး အဖွဲ့အနွဲ့လေးတွေကိုပါ..စာရေးကောင်းတဲ့ ဆရာရဲ့ အဖွဲ့အနွဲ့လေး
    တွေမှာ စီးမျောမိသွားလို့လေ..မိုးသူရေ..မထင်နဲ့ကွယ်..ဆရာကစာရေးလဲ
    ကောင်းတယ်....အခုလို အက်ဆေး အရေးအသားလေးတွေလဲ ပြေပြစ်သား
    ပဲ..မှားလို့...အရေးအသားလေးတွေက နူးညံ့နေတာပါ...စာရေး
    ကောင်းတဲ့သူဆိုတာ ဒီလိုပဲ..၊စာဖတ်သူကို အဆုံးထိကို ဖတ်လက်စ
    မရပ်ချင်အောင် ညင်ညင်သာသာလေး ဆွဲခေါ်သွားနိုင်တယ်...
    ခင်မင်လေးစားအားကျမိတယ်ဆရာရေ...
    ဆက်လက်ပြီး အများကြီးထုဆစ်နိုင်ပါစေ..
    ခင်တဲ့ ..မိုးနတ်

    ReplyDelete
  6. အချစ်ကိုမသိသောလူနှစ်ယောက် ချစ်နေကြသည်ကို မယုံကြည်ကြောင်းတစ်စုံတစ်ယောက်က ပြောလာခဲ့မည်ဆိုပါက ထိုလူသည်မိုက်မဲသောသူဖြစ်ပေလိမ့်မည်။

    ..............
    အချစ်ဆိုတာကို မသိဘူး
    ဒါပေမဲ့
    ကိုမောင်ရေချမ်းရဲ့ အရေးအသားကို ကြိုက်ပါတယ်။

    ဖြိုး
    ...........

    ReplyDelete

နှစ်သက်စွာ ခံစားနိုင်ပါစေ