Tuesday, August 21, 2012

တိတ်တိတ်လေး ခိုးခိုးရေးမိတဲ့ ကဗျာ



ခိုး..........ခိုး..........ခိုးပြီး ခိုးနေ
ခိုးနေတဲ့အကြောင်းတွေပဲ ခိုးခိုးပြီး တွေးနေမိ
ခိုးနေကျ သူခိုးတွေကတော့ ခိုးရေးထားတဲ့ဒီကဗျာကို ဖတ်ကြမှာမဟုတ်ကြ
နှာခေါင်းဝမှာ သစ်တုံးအလုံးလိုက်တွေ၊ရေနံငွေ့တွေ၊ဓာတ်ငွေ့နံ့တွေ
ရေတံခွန်တွေ၊ဆည်တွေ၊ကျောက်ခဲတွေ၊အိပ်မက်တွေ၊အသက်တွေ၊အနာဂတ်တွေ
လူတွေ ခိုး ခိုးပြီး ခိုးခိုး၍ သယ်ယူပို့ဆောင်ခံရ

ညစ်ညမ်းမှု၊မတရားမှု၊မတန်တဆ၊နာတာရှည်ညတွေ ခိုး ခိုးနေတာခံနေရတယ်
ခိုး..........ခိုး.............ခိုး.........ခိုးပြီး......ခိုး ခိုးနေတာခံနေရတယ်
တိတ်တိတ်ဆိတ်ဆိတ်နဲ့ဝုန်းခနဲ ပြိုလဲသံတွေ၊တိတ်တိတ်ဆိတ်ဆိတ်။
ငါတို့အားလုံးဟာ အစားခံလိုက်ရတဲ့ နာရီလက်တံလေးတွေ
ခိုး.....ခိုး....ခိုးပြီး ခိုးခိုး၍ ခိုးသွားကြ
ခိုး....ခိုးပြီး.....ခိုးရင်ဖွင့်ဖို့ သက်သက်ပဲကြိုးစား/တတ်နိုင်ကြတယ်
ခိုး....ခိုးပြီး ခိုးဝင်လာကြ
ရောမကို  ဗမာလူမျိုးတစ်ယောက်ရောက်သွားသလိုပဲ( ဘာစကားနဲ့မှ ရှင်းမရတော့ဘူး)
ခိုး.....ခိုးပြီး......တီးလုံးမပါတဲ့ သီချင်းကိုနားဆင်လို့
အဲဒီ့မှာ(ဒီမှာ)  ခိုး ခိုးနေတာ ခံနေရတယ်
ဘေးကျပ်နံကျပ် ၊ ဘေးထွက်နေကြရတော့မှာလား
ဘေးထွက်ဆိုးကျိုးတွေ ခပ်များများ(ခပ်ပေါပေါ)ဖြစ်လာလို့
တိတ်တိတ်လေး ခိုးရေးမိတဲ့ ဒီကဗျာ။              ။
                                                                         မောင်ရေချမ်း

No comments:

Post a Comment

နှစ်သက်စွာ ခံစားနိုင်ပါစေ