Saturday, April 20, 2013

စကားသိပ်မပြောတဲ့ ငပိန်းကောင်အကြောင်းဟာ အထိတ်တလန့်ဖြစ်ရပ်တွေမပါဝင်ဘူး


ငပိန်းတစ်ကောင်ရဲ့လေတိုက်သံကို ဘယ်သူကများခံနိုင်မလဲ ဟုတ်တယ်အသေအချာပဲ
ငပိန်းကောင်ရဲ့ထူးခြားတဲ့ဝိသေသျလက္ခဏာများမှာ ….
၁ ။ အသံဟောင်ဖွာဖွာနှင့်စကားပြောတတ်ခြင်း

၂။ ကတုံးကို ပြောင်နေအောင်တုံးထားခြင်း

၃။ မြို့ထဲသို့အသံတိတ်ပြောင်းတပ်ပြီးဝင်လာတတ်ခြင်း

၎။မဆဲတတ်/မဆိုတတ်ြခင်း ( ယဉ်ကျေးလိမ္မာ ၊ လူကြီးလူကောင်းဟန်တိုက်ပုံကိုအမြဲဝတ်တတ်)

၅။စားပြီးသောက်ပြီး ပန်းကန်မဆေးတတ်ခြင်း

၆။ အတင်းပြောပါက တိုးတိတ်ညင်သာစွာပြောဆိုတတ်ခြင်း
ငပိန်းကောင်သည် ကဗျာအစစ်များကိုထုတ်လုပ်ဖြန့်ဖြူး
ကဗျာအတုမြို့ထဲ ၀င်လာပါက သူငယ်စဉ်ကကြည့်ထားသော ပါဝါရိန်းဂျားများကဲ့သို့စွမ်းစွမ်းတမံကာကွယ်တတ်
ကဗျာအစစ်တွေဖြစ်ကြောင်း အော်ဟစ်မပြောဆိုတတ်ပါ
သူ့တွင် ပိုင်ဆိုင်သည်မှာ မိန်းမတစ်ယောက်ယူရန်ပင် မလောက်ငသောငွေကြေးအချို့
ဂျင်းဘောင်းဘီအစုတ် ၃ ထည်နှင့် စာအုပ်များဖြင့်ပြည့်နေသော၄၀၀၀ တန်ဘေးလွတ်အိတ်တစ်လုံးသာ
ဤသည်ကိုပင် ငပိန်းကောင်က ကြံဖန်ဂုဏ်ယူလျက်
ငပိန်းကောင်သည် ဆဲဆိုသံများနှင့်ရင်းနှီးသူဖြစ်သလိုဆဲဆိုသံများကိုမုန်းတီးသူဖြစ်
သူသည် ညဘက်အိပ်စက်ရန်ပျင်းရိတတ်ပြီး နေ့စဉ်လမ်းဘေးဆေးဆိုင်မှဆေးအတိုအထွာများမှီဝဲ
ငပိန်းကောင်ကိုတွေ့နိုင်သော နေရာများမှာ (အတိအကျအားဖြင့်မဟုတ်သော်လည်း)အောက်ပါအတိုင်း
၁။ လမ်းဘေးတစ်နေရာ ရာ

၂။ဈေးပေါသော/အလကားရသော အင်တာနက်ဆိုင်

၃။လူသူနည်းပါးရာ ရပ်ဝန်း

၎။စာအုပ်အဟောင်းတန်းများနှင့်မြန်မာပြည်၏နေရာပေါင်းစုံ
ငပိန်းကောင်သည် လက်ရှိအခြေအနေကိုမကျေနပ်သူဖြစ်
သူက အိပ်မက်အ၀ါရောင်ကို ၀တ်ဆင်ထားသောလူသတ္တ၀ါဟုခေါ်နိုင်ရုံမျောက်သာသာအမွှေးအမျှင်များပြားသူဖြစ်
သေချာသည်မှာ
ငပိန်းကောင်သည် ငပိန်းကောင်စစ်စစ်ဖြစ်ကြောင်း မည်သည့်ထောက်ခံချက်မှမလိုအပ်ဘဲမြင်ရုံဖြင့်သိနိူင်
ငပိန်းကောင်တွင် အိမ်မရှိ/မနက်စာလက်ဖက်ရည်သောက်ရန် လက်ဖက်ရည်ဆိုင်ကောင်းကောင်းမရှိ
အိမ်ထောင်မရှိ(လက်ရှိလူပျို) ငပိန်းအမှတ်စဉ်မှာ ၂၁၆ ဖြစ်ကြောင်း
အထူးပြောကြားလိုသည်မှာ…
ထိုကဲ့သို့ ငပိန်းကောင်အား အရေးတယူစိတ်ဝင်စားလျက် နိုင်ငံတကာမှမှာကြားခေါ်ယူနေကြောင်းပင်ဖြစ်သည်။
                                                                                                          မောင်ရေချမ်း

No comments:

Post a Comment

နှစ်သက်စွာ ခံစားနိုင်ပါစေ