Saturday, April 20, 2013

ပုသိမ်ညနေခင်း


လေအဝေ့မှာ
ငါ့ဆံပင်စတွေ လူးလွန့်နွဲ့ခက် ။
င၀န်မြစ်ထဲက ရေတွေ
ဘယ်အချိန်တည်းကများ နောက်ညိုခဲ့သလဲ နှုတ်ခမ်းကိုက်စဉ်းစားမိ
တစ်ယောက်လက် တစ်ယောက်တွဲပြီး
ခေတ်ထဲ ခပ်ရဲရဲခုန်ဝင်တိုးဝှေ့နေတဲ့ ပုသိမ်စုံတွဲလေးတွေ
ငါ့ရင်ထဲမှာ အေးမြ/လှပတဲ့ ဂီတတစ်ပုဒ်စီးဝင်သွား
ပုသိမ်မြို့ဟာ မိန်းမကောင်းဆန်ဆန်အပြုံးနဲ့နှစ်လိုဖွယ်ကောင်းနေ
ဖြစ်နိုင်မယ်ဆိုရင်.. ဒီညနေခင်းကို ဆွဲဆန့်
ငါ့နှုတ်ခမ်းဝမှာ တေ့လို့မော့သောက်ပစ်ချင်ရဲ့ ။

ညနေခင်းဟာ အေးမြယဉ်ကျေးတဲ့လေညင်းကိုအဖော်ခေါ်လာတယ်
ညနေခင်းဟာ ....နောက်ဆုံးမှာတော့
ငါ့ကို ခပ်ပေါပေါဧည့်ရိပ်သာတစ်ခုထဲ ခေါက်ချသွားခဲ့ပေါ့ ။ ။

                                                                 မောင်ရေချမ်း

No comments:

Post a Comment

နှစ်သက်စွာ ခံစားနိုင်ပါစေ