Friday, July 12, 2013

ပုံပျက်ပန်းပျက်ရုပ်ထု

နာကျင်မှုဟာ ဓားသွားလို
တစ်မျှင်ချင်း စိတ်ကို နွှာစားနေတယ်
ကျနော် ပွင့်ချင်ခဲ့တဲ့ပန်းကလေးနဲ့
လမ်းတွေဟာ လူတွေကိုဆာတယ်
လူတွေက လမ်းတွေကိုခွာချပစ်လို့
ဒလိမ့်ခေါက်ကွေး အတွေးဟာ ရိုးရိုးရှင်းရှင်းဖြစ်နေတယ်
၂၀၁၅ မှာ ငါတို့ ဘာဖြစ်မယ်
အခု ငါတို့ ဘာဖြစ်တယ်
ကျနော့်ညရဲ့ ၀တ်မှုန်နုနုလေးဟာ ဖြုတ်ခနဲကြွေကျသွားတယ်
၁၉၆၂-၂၀၁၅  အလေအလွင့်ခုနစ်တွေဟာ သက္ကရာဇ်ထဲပြိုဆင်း(လည်စင်း) လို့နေတယ်
သမိုင်းဖတ်စာအုပ်ဟာ မီးဟုန်းဟုန်းတောက်ရင်း
ထိတ်လန့်ဖွယ်နေမ၀င်အင်ပါဟာကြီးဟာ မျက်ဝါးထင်ထင်ကိုယ်ထင်ပြလို့နေတယ်။      ။

                                                                      မောင်ရေချမ်း

No comments:

Post a Comment

နှစ်သက်စွာ ခံစားနိုင်ပါစေ