Sunday, January 19, 2014

တစ်ယောက်တည်း တိမ်တွေပေါ်


ဘ၀မှာ အသေချာဆုံးက သေဖို့ပဲမို့
တရုတ်သိုင်းကားထဲက သိုင်းသမားလို ကိုယ်ကိုဖော့ထားလိုက်တယ်
တကယ့်ကို ပန်းပွင့်ပျော့ပျော့တွေထဲက ၀တ်မှုန်အိအိလေးဖြစ်နေခဲ့တယ်
မြင်မြင်ရာ အဖြူတွေ
မြင်မြင်ရာ ၀ိုးတ၀ါးတွေ
မြင်မြင်ရာ နံရံတွေ
မြင်မြင်ရာ ၀တ်လစ်စလစ်မိန်းမပျိုတွေ
မြင်မြင်ရာ ရယ်သံတွေ
မြင်မြင်ရာ အမှောင်တွေ
မြင်မြင်ရာ ဟောင်းလောင်းပေါက်တွေနဲ့
ညက လကိုဆွဲဆုပ်ဖမ်းယူနေသလိုမျိုးပေါ့
နေ့က နေကိုဆွဲစားဝါးယူနေသလိုမျိုးပေါ
ကိုယ် ရုန်းမထွက်နိုင်ခဲ့ပါ
ပေါ့ပေါ့ပါးပါးလေး အသက်ကိုရှူသွင်းနေတယ်
တကယ်ကို မောလွန်းပါတယ်။ ။

                               မောင်ရေချမ်း

No comments:

Post a Comment

နှစ်သက်စွာ ခံစားနိုင်ပါစေ