Tuesday, June 16, 2015

မကြာခဏ သိပ်အရသာရှိတာတွေဟာ


တစ်ခုခုပြောချင်လာလို့
အောင်လင်းသစ်ရေ .. အစချီပြီးစမယ်
မင်းအသက်ရှူမဝတဲ့အခါ တစ်ယောက်ယောက်ကိုသတိတာ
ငါအသက်ရှူမဝတဲ့အခါ တစ်ယောက်ယောက်ကိုသတိရတာ
အဲဒါ စစ်မှန်သောတစ်ခုခုဖြစ်မှာပါ

လူလူချင်း စိတ်ကောက်ခြင်းကို ငါပျင်းတယ်
ငါ စိတ်ပါရင် သစ်ရွက်လေးတစ်ရွတ်နဲ့စကားများရန်ဖြစ်နေမှာပဲ
စိတ်မပါဘဲ လောကရဲ့တဟီးဟီး တဟားဟားများကို
ငါက ပြန်ပြီး တဟီးဟီး တဟားဟားပြန်လုပ်မယ်

လမ်းမပေါ် ဝါးကပ်ကြီးထမ်းပြေးနေရှာတဲ့လူများကို
တချို့က သနားစရာလို့တွေးမှာပေါ့
တကယ်က သူတို့ကမှ သနားစရာ
ဟော ဟို..က ပြာလဲ့လဲ့တစ်နေရာက
ငါတို့ ငြိမ်းချမ်းသောမိုးပွင့်များလို ခုန်ဆင်းခဲ့တာပါ

တချို့များ ရယ်စရာမကောင်းလေခြင်း
ရေပေါ်အရုပ်ဆွဲ ပျက်သွားတော့ တဟဲဟဲရယ်ရင်းဝမ်းနည်းသတဲ့
ငါကတော့ ငါသိပ်ကြည့်မရတဲ့လူတချို့ရဲ့နဖူးပေါ်မှာပဲ
အဲဒီမှာပဲ ငါနာမည် ငါရေးပြီး
ငါ့နာမည်ကိုပဲ စနိုက်ပါနဲ့ကျည်တစ်တောင့်ချင်းထိုင်ပစ်ချင်တာ
အခု ငါသိချင်တာ
မင်းရော ဘယ်လိုလဲ။ ။


                                                                   မောင်ရေချမ်း

No comments:

Post a Comment

နှစ်သက်စွာ ခံစားနိုင်ပါစေ