Sunday, July 26, 2015

မြင်နေကျ ဝေါဟာရတွေကို ငြင်းဆန်ချင်လာတဲ့အခါ


"နိုင်ငံတော်"ဆိုတဲ့စကားလုံးကို ချရေးလိုက်ရင်
ဟိုဘဲကြီးတွေက သူတို့အကြောင်းရေးတယ်ထင်ပြီး ပျော်ကြမလား
ဝေါဟာရတွေမှာ ပိုင်ဆိုင်သူ ရှိလို့လား
မရှိတဲ့စကားလုံးတွေကို ဘယ်လိုထုတ်သုံးရမလဲ
နှစ်ပေါင်းများစွာကြာတော့ ဒီလိုင်းတွေဟာ လူရယ်စရာဖြစ်မှာလား
"မကောင်းတဲ့ကမ္ဘာ"လို့ချရေးရင်
ဖတ်လိုက်ရတဲ့လူတွေက စစ်ပွဲတွေ ငတ်ပြတ်တာတွေပဲ မြင်မှာလား
"ပီတာဆို"နာမည်ကိုတွေ့ရင် ပန်းချီဆရာလို့တန်းသိတာပဲလား
တစ်နေရာရာမှာ စားပွဲထိုးလေးပီကာဆို ရှိနေနိုင်တာပဲလား
"ဝူး ဝူး ဝါး ဝါး" ဆိုတဲ့ ပါးစပ်ရဲ့ဘာမဟုတ်တဲ့အသံ
အဲဒီအသံဟာ ကမ္ဘာဦးဘာသာစကားဖြစ်နိုင်တာပဲလား
တစ်ခုခုရဲ့အဓိပ္ပာယ်ကို သိချင်ရင် အဘိဓာန်လှန်ရမလား
အကြီးအကျယ် ဦးနှောက်ကို လာကိုက်နေသလိုလား
ကတ်ကြေး။ဓား။လှံ။
အဲဒီနာမ်စကားလုံးတွေကို မြင်ရင်
ချွန်ထက်ထက်လက်နက်မှန်းသိနေပြီလား
ဒါဆို မရှိတဲ့စကားလုံးတွေကို ဘယ်လိုထုတ်သုံးရမလဲ
မရှိတဲ့လက်နက်ကို ဘယ်ကရှာရမလဲ။

                                        20-22/6/2015

No comments:

Post a Comment

နှစ်သက်စွာ ခံစားနိုင်ပါစေ