Saturday, October 15, 2016

လေယာဉ်စီးသူသီချင်း

မင်းလား ကဗျာလို့ မေးတယ်
ကဗျာက အေး..ငါပဲ လို့ ခပ်မာမာဖြေတယ်
ကဗျာဆိုရင် သေရမယ် ခြိမ်းခြောက်တယ်
ကဗျာဆိုရင် သတ်ပစ်မယ် ထပ်ပြောတယ်
ပြောတဲ့ကောင် ပြောပြီးနောက် သေသွားတယ်
ကဗျာက ရယ်ချပစ်တယ်
ငါ မသေဘူး
ငါ့ကို ရေးတဲ့ကောင်တွေပဲ သေရတယ်
ကဗျာက ပြန်ပြောတယ်
အဲလို ထာဝရမသေဆေးစားထားတဲ့လေသံနဲ့
ပြန်ပြောပါတယ် ကဗျာက ပြန်ပြောတယ်
ကဗျာဆိုတာ ရေတံခွန်ပေါ်ကနေ
ကဗ်ာဆုိတာ ဥယ်ာဥ္ထဲကေန
ကဗျာဆိုတာ ပလ္လင်ပေါ်ကနေ
ကဗျာဆိုတာ ကဗျာရေးသူဦးခေါင်းပေါ်ကနေ
ကဗျာဆိုတာ ဘယ်လိုနေတယ် မပြောဘူး
ကဗျာဆိုတာ တိုက်ပေါ်က ခုန်မချနဲ့ မှာတယ်
ကဗျာရဲ့မှာကြားချက်နဲ့ပဲ
မာရ်နတ်ဟာ သွားတွေ အကုန်ကျွတ်ထွက်သွားတယ်
ပါးဖြတ်ရိုက်တာ ကဗျာနဲ့
ကဗျာဆရာယောင်ဆောင်လာတဲ့မာရ်နတ်ကို
သွားတွေ အကုန်ကျွတ်ထွက်သွားအောင်
ပါးဖြတ်ရိုက်လိုက်တာ ကဗျာနဲ့
ပါးဖြတ်ရိုက်လိုက်တာ ကဗျာနဲ့ ။ ။

                                      မောင်ရေချမ်း
                                    15 Oct 2016

No comments:

Post a Comment

နှစ်သက်စွာ ခံစားနိုင်ပါစေ