Friday, October 7, 2016

မဟူရာသောကြာနေ့

သီချင်းပြောင်းပေးဖို့ နားကျပ်လေးက တောင်းဆိုလို့
ခုနစ်တွေဟာ တဖြည်းဖြည်း မဟူရာရောင်
ကြာခဲ့ပြီတွေနဲ့ မနေ့တစ်နေ့ကလို တောင်းဆိုလို့
စက်ဘီးတစီး ရွေ့နေသလို တဖြည်းဖြည်း
အစအန အပိုင်းပိုင်း အလွှာလွှာ ကျန်ရစ်သွား
အဲဒီသောကြာနေ့ရဲ့ အအေးဆိုင်ထဲမှာ
လူနှစ်ယောက် ရှိခဲ့ဖူးသော အရင်က နေရာ
ဗံဒါပင်ရိပ်ကအောက် ခုံတန်းလျား
လူတစ်ယောက်တည်း အခုရှိနေသောများ
တကယ့်အတိုင်းနဲ့ အမှန်က ရိုးစင်းစွာ
အဖြစ်အပျက်တွေထဲ မင်းမရှိတော့တဲ့အခါ
ရယ်သံတွေမှာ မီးမလင်းတော့ဘူး ။ ။


မောင်ရေချမ်း
7 Oct 2016

No comments:

Post a Comment

နှစ်သက်စွာ ခံစားနိုင်ပါစေ