သူ ဘယ်လိုများ ပခုံးကိုဆွဲခါရင်း ပန်းကန်တွေကို
ရိုက်ခွဲလိုက်သလဲ ဆိုတာပဲ ကျနော် စဉ်းစားနေမိတယ်
သူတို့လင်မယားနှစ်ယောက်က အမြဲရန်ဖြစ်နေကျနဲ့
တူပါတယ် ရန်ဖြစ်တာနဲ့ နေသားကျနေလို့လား မသိဘူး
ဝါရင့်ရန်ဖြစ်သမားတွေလို လေသံ၊ မျက်နှာထားတွေနဲ့
ငေးကြည့်နေရတဲ့သူအဖို့ ရသအဖုံဖုံ ဖြစ်လာစေတယ်
မိန်းမလုပ်တဲ့သူကလည်း မိန်းမပဲ
ယောင်္ကျားလုပ်တဲ့ သူကလည်း ယောင်္ကျားပဲ
ယောင်္ကျားနဲ့ မိန်းမ ဖြစ်လာအောင် လုပ်ကြတာလည်း
ယောင်္ကျားနဲ့ မိန်းမပဲ
ယောင်္ကျားလုပ်တဲ့သူက ပထမတော့ "ငါ အလုပ်တွေ တအားများပြီး မေ့သွားတာပါဟာ" ဆိုပြီး တောင်းပန်သေးတယ်
ဒါပေမဲ့ မိန်းမဖြစ်သူက . . .
"မဟုတ်ပါဘူး ...နင် နင့်ဘော်ဒါတွေဆီမှာ ဖင်ပတ်ခံနေတာ မဟုတ်လား" လို့ ပြန်ပြောလာတော့ ဒေါကန်သွားတာပေါ့
"ပန်းချီကားထဲက အနီရောင်ရဲတိုက်ကြီးမှာ နင့်စပက်ကို ရေသွား ဆေးနေလိုက်ပါလား ၊ ငါ့ကို နင့်အဖေလိုများ မှတ်နေလား ၊ နင့်အဖေကမှ ငါနဲ့နင် မင်္ဂလာဆောင်တဲ့နေ့မှာပဲ ငါ့ဂွေးစိကို လာကိုင်တာလေ ...ကိုယ့်သမက်ကိုတောင် သူငယ်ထောင်ချင်တဲ့ စောက်အဘိုးကြီး၊ အဲဒီအဘိုးကြီးရဲ့သုတ်ကနေ ထွက်လာတဲ့ နင်က ဒီလိုအတွေးမျိုးတွေ ရှိနေတာ ငါ မအံ့သြတော့ပါဘူး" ဆိုပြီး စကားအရှည်ကြီးပြောပြီး သူ့မိန်းမရဲ့ဒေါသကို ဆွတယ် ဒါပေမဲ့ သူ့မိန်းမက လုံးဝအေးဆေးပဲ ပြန်ရန်တွေ့မယ့်အစား လူသတ်ပြီး ဓားရေဆေးနေတဲ့ လေသံမျိုးနဲ့ "ဟုတ်ကဲ့ရှင့်"လို့ ပြန်ပြောလိုက်တယ်
ပြီးတော့ သူ့ယောင်္ကျားကို စောက်ဖက်လုံးဝ မလုပ်တဲ့ပုံစံမျိုးနဲ့ ဖုန်းကို ပွတ်နေတယ် အဲဒါနဲ့ မိန်းမလုပ်သူရဲ့အနားကို ကပ်သွားပြီး ပခုံးကို ဆွဲခါရင်း "ဟဲ့ ...ကျက်သရေမရှိတဲ့ကောင်မ၊ ဖာသည်မ ...နင့်ကို ဂွေးချောင်းရှည်တဲ့ ငါ့သူငယ်ချင်းနဲ့ ခေါ်ကျုံးခိုင်းရမလား" လို့ ယောင်္ကျားလုပ်တဲ့သူက စိတ်တိုပြီး ပန်းကန်ကို ရိုက်ခွဲရင်း ပြောတော့လည်း "ဟုတ်ကဲ့ရှင့်" တဲ့။
မောင်ရေချမ်း
