မင်းလည်း ဘယ်ကိုမှ မပျံသန်းနိုင်
ကိုယ်လည်း ဘယ်ကိုမှ မပျံသန်းနိုင်
မပျံသန်းနိုင်တဲ့ ကိုယ်တို့ အချင်းချင်းလည်း
(ဘယ်တော့မှ မဟုတ်ပေမယ့် )
အခုတော့ ဘယ်လိုမှ တွေ့ဆုံဖို့ မဖြစ်နိုင်
မင်းရဲ့လှောင်အိမ်ကို ကိုယ်ငေးကြည့်တယ်
ကိုယ့်ရဲ့လှောင်အိမ်ကို မင်းငေးကြည့်တယ်
ကိုယ်တို့ကြားမှာ သံတိုင်တွေ ခြားနေတယ်
သံတိုင်တွေကြားထဲမှာတော့ ...
လွတ်လပ်သော လေများ မုန်တိုင်းပမာ တိုက်ခတ်လို့
ပျော်ရွှင်စရာဆိုတာ ...
ဘယ်လှောင်အိမ်ထဲမှာ ရှိခဲ့ဖူးလို့လဲကွယ် ။ ။
-မောင်ရေချမ်း
