Friday, December 30, 2011

အဲဒီ့နေ့

                          နှုတ်ခမ်းဝက စကားလုံးတွေခြောက်ကပ်ဝေရီတဲ့နေ့
                           ဆိုင်းညှို့မှုန်မှိုင်းလို့ နှလုံးသားဟာလက်ပံပွင့်လိုကြက်ခြေခတ်ခံရတဲ့နေ့
                            အိပ်မက်တွေဟာ
                            အလွမ်းတောင်ကုန်း တောင်ကတုံးလေးဖြစ်သွားတဲ့နေ့
                            ရင်ခုန်ခြင်းသစ်ပင်တွေဟာ အလဲလဲအပြိုပြိုနဲ့
                            နှင်းဆီပြာချွေမုန်တိုင်းအောက်မှာ ငိုယိုကုန်ကြတဲ့နေ့
                            ကိုယ့်စိတ်ဝိညာဉ်ဟာ သူ့အရိပ်အောက်မှာ မှုန်မှိုင်းရီပြာသွားတဲ့နေ့
                            ဘယ်ဘက်ရင်အုံတစ်ခုလုံး မိုးအုံ့သွားတဲ့နေ့
                         (--- အသည်းနှုလုံးချွေရထားက
                              စူးစူးဝါးဝါး ဥသြဆွဲပစ်တယ်...
                              မျက်ရည်ပန်းတွေ အရိုင်းစိုင်းပွင့်
                              ဝေးလွင့်မယ်ဆိုတဲ့ အသိက...ဓားပါးတစ်လက်လို
                              ရှထက်ထက်...အက်ကွဲကွဲ...ရင်ကို
ခွဲ

                              ကိုယ့်ရင်ကိုခွဲတယ်...။ ) ၁

Tuesday, December 27, 2011

အလွမ်း ၊ မျှော်လင့်ချက်မြူခိုး ၊အိပ်မက်

    ကျွန်တော်ရုန်းမထွက်ချင်ပါ၊၊ရုန်းထွက်ရန်လည်းဘယ်သောအခါကမှအားမထုတ်ခဲ့ပါ၊၊ခိုင်မြဲစွာရစ်ချည်ထားလေ
သောသံယောဇဉ်ချည်တိုင်တွင် မွေ့ပျော်သည်၊၊အထပ်ထပ်ဝန်းရံဆီးကာထားသောညွှတ်သွယ်ပျော့ပျောင်းသည့်
သံယောဇဉ်လက်ချောင်းများကြားတွင်ယစ်မူးသည်၊၊ကျွန်တော့်အတွက်အချစ်သည်အိပ်မက်ပမာသာဖြစ်သော် 
လည်း ထိုအိပ်မက်ကိုအဆုံးထိမက်ချင်ပါသေးသည်၊၊သံယောဇဉ်နှင့်ရစ်ပတ်ဖွဲ့နှောင်ကာစတင်ခဲ့သောချစ်ခြင်း
များစွာ  တို့သည်ကျွန်တော်ရင်ဘတ်တစ်ခုလုံးအတွက်တော့ရွှမ်းစိုမြနေပါလိမ့်မည်၊၊သူသည်နှလုံးသား အခိုး    အမျှင်ဖြစ်သည် ၊၊သူသည် ကျွန်တော့်ကဗျာဖြစ်သည်၊၊သူသည်အိပ်မက်အပိုင်းအစဖြစ်သည်၊၊ သူသည်ကျွန်တော့်နှလုံးသား၏နှလုံးသားတစ်ခုပင်ဖြစ်တော့သည်၊၊သူသည်.၊သူသည်..ကျွန်တော့်ရင်ခွင်ကမ္ဘာ

Monday, December 12, 2011

ခင်ဗျားကို ကျုပ်အိပ်မက်ထဲမှာ သတ်ပစ်လိုက်တယ်

                           ကျုပ်တို့ အိပ်မက်တစ်ခင်းစာက အခုထိကို စိမ်းစိုလတ်ဆတ်မလာဘူး
                            ဒါဘယ်သူ့ကြောင့် ....
                            ကျုပ်တို့ ရင်ခုန်မြစ်က အခုထိကို ခမ်းခြောက်နေတုန်း
                            ဒါဘယ်သူ့ကြောင့် ....
                            ကျုပ်တို့ရဲ့ဘ၀တွေလို့ အမည်တပ်ခွင့်မရတဲ့ ဖြစ်တည်မှုတွေက
                            အခုထိ ..(တကယ် အခုထိကို တံဆိပ်ပျောက်နေတုန်းပါ )
                            ဒါ ဘယ်သူ့ကြောင့် ...

                            “ခင်ဗျား မှားတယ် ၊ ကျုပ်မှန်တယ် ”
                             ကျုပ်အဲလို မငြင်းချင်ဘူး ၊ ခင်ဗျားလည်း မငြင်းလိုက်ပါနဲ့
                             အတိတ်သမိုင်းဆိုတာ မေ့ကောင်းစရာမဟုတ်တာ
                             ကျုပ်တို့ကို ထားခဲ့လိုက် ၊ ကျုပ်တို့ကို ထားပစ်ခဲ့လိုက်
                             ရာဇ၀င်ထဲမှာ ကျုပ်တို့ကိုရက်ရက်စက်စက်ထားပစ်ခဲ့လိုက်စမ်း
                             ခင်ဗျားလည်း ရာဇ၀င်ထဲမှာ မင်နီစက်တွေနဲ့ကျန်ခဲ့မှာပ 
                             ရော့ ...ဒီမှာ ကျုပ်တို့ကိုပေးခဲ့အိပ်မက် ခင်ဗျားပြန်ယူသွား
                             ဟိုး...အောက်အ၀ီစိအထိ ခင်ဗျား ယူ  သွား

                              ကဲ ..သေစမ်း
                              ရော့ .. ဓားချက်ပေါင်းအချက် နှစ်ဆယ်ကျော်
                              ( ဒါ တန်ရာတန်ကြေးပဲ )
                              သွားသေလိုက် ...ကျုပ်တို့နဲ့ဝေးရာမှာ ခင်ဗျားသွားသေလိုက်    ၊၊        ၊၊

                                                                                                            မောင်ရေချမ်း