Sunday, December 2, 2012

တဖျစ်ဖျစ်မြည်နေတဲ့ မီးတောက်တွေနဲ့ အိပ်မက်သေတွေကို ဖွာရှိုက်နေတဲ့ကမ္ဘာ


ဆာလောင်ကြ
ဆာလောင်ကြ
မြူနှင်းတွေကို ဆာလောင်ကြ
အိပ်မက်အသစ်တွေကို ဆာလောင်ကြ
တရားတွေကို ကျစ်ကျစ်ပါအောင်ဆုပ်ထားကြ
ဓားတွေ လွှတ်ချ
လှံတွေ လွှတ်ချ
ဆွတ်ဆွတ်ဖြူနေတဲ့ လမ်းတစ်ခုရှာဖွေကြမယ်

Wednesday, November 14, 2012

မအီမသာအဖြစ်အပျက်တို့သည်


စိတ်အေးလက်အေး နာကျင်ညစ်ညူးစရာတွေ နာနာကျင်ကျင်
ကြီးကြီးကျယ်ကျယ် အာပေါင်အာရင်းသန်သန်နဲ့ လျက်ဆားရောင်းနေတယ်
(ပလက်ဖောင်းပေါ်မှာ)
ခင်ဗျားစိတ်မရှည်ရင် အချိန်တွေကို ရီမုနှိပ်လို့ကျော်ပစ်ပေါ့
ဘာဘာညာညာတွေ သီချင်းတစ်ပုဒ်ထဲက စာသားတစ်ပိုင်းတစ်စလို
အခုလာပြီး အာရွှီး လာပြီး ( ညာပြီး/လာပြီး ) အာရွှီးနေတုန်း
အရင်းမရှိလို့ လူရင်းစားတာ ဘာဖြစ်သေးလဲ
ဝဲပစ်ပါ...  ခေါက်ထားပါ .. ပုံပြင်အသစ်တွေကို နားစွင့်ပါ/နားဆင်ပါ
မြွှေအလမ္မာယ်ဆရာတွေ မျက်လှည့်ပြတာ ထူးဆန်းတာမှမဟုတ်
ဂြိုလ်တုသတင်းတွေကို အနံ့ခံ
ဂျစ်ဂျစ်ဂျစ် မြည်တတ်တဲ့ရေဒီယိုကိုဖွင့်လို့ နေထိုင်နေရ
မသိမသာ သိသိသာသာပဲ့ပဲ့သွားတဲ့ အနာတရတွေ နက်နက်ရှရှ
ဂိုးသွင်းညံ့တဲ့တိုက်စစ်မှူးလေးကို လက်ခုပ်တီးပြီးအားပေးပါ
ပျော်စရာ ရွှင်စရာ ဟာသကမ္ဘာကြီးကို
တဟီးဟီး ..တဟားဟား ရယ်မောပါ (စိတ်ပျက်စရာ)
မနေ့က/ယနေ့ ဖြစ်ပေါ်သမျှ အခြေအနေအရပ်ရပ်သည် စသည် စသည်။ ။

                                                                                             မောင်ရေချမ်း

Monday, November 12, 2012

နှင်းဆွတ်ဆွတ်လမ်း


ဓားတွေ၊လှံတွေကို ဂျုံတွေ၊ဆန်တွေနဲ့လဲစားကြမယ်
လူတွေက လမ်းလေးကို မွေးဖွားခဲ့ကြ
အဲဒီ့လမ်းလေးမှာ...
သေနတ်၊ဓား လက်နက်မှန်သမျှ ယူဆောင်ခွင့်မရှိ
မီးခြစ် ၊ မီး
လောင်ကျွမ်းစေတဲ့ အရာမှန်သမျှ ယူဆောင်ခွင့်မရှိ
ဒေါသ ၊ အမုန်း
ပေါက်ကွဲစေတဲ့ အရာမှန်သမျှ ယူဆောင်ခွင့်မရှိ
အဲဒီ့လမ်းလေးရဲ့နံဘေးမှာ..
မေတ္တာတရားဟာ အလေ့ကျရှင်သန်ကြီးထွားလို့
အဲဒီ့လမ်းလေးမှာပဲ တစ်ယောက်နဲ့တစ်ယောက်လက်ဆွဲနှုတ်ဆက်
တစ်ယောက်ရင်ဘတ်ထဲတစ်ယောက် တိုးဝှေ့ဝင်ရောက်ကြ
ပကတိချစ်သောမျက်ဝန်းတွေ တဖွဲဖွဲ
နှင်းပွင့်လေးတွေ  တဖွဲဖွဲ
လူတွေက လမ်းလေးကို မွေးဖွားခဲ့ကြ
တကယ့်ကို ငြိမ်းငြိမ်းချမ်းချမ်း ။      ။
                                                   မောင်ရေချမ်း

Friday, November 9, 2012

တောက်တစ်ချက်မှာ ကဗျာတွေ လျှံဝေကျ


ဘီလူးတွေ အသားစားတာ ထူးဆန်းတာမှမဟုတ်
ကိုယ့်ဒေါသကိုယ် တစ်လွှာချင်းလှီးပစ်နေရ
အိပ်မက်အကြိုအကြားမှာ...
ဘ၀ပေါင်းများစွာ သေဆုံး
မနက်ဖြန်မှာ နိုးဖို့သံပတ်ပေးထားတဲ့ နှိုးစက်လေးပျက်နေပါပြီ
ဒီခေါင်းစဉ်ကို အခါခါ ပြင်ကြည့်/ဖျက်ကြည့်တော့
......................................
"နောက်တစ်ခန်း ..မျှော် " တဲ့ ။                ။

                                                    မောင်ရေချမ်း

Wednesday, November 7, 2012

အသံတုများ

(y)(y)
အော် ကျယ် အော် ကျယ် ...
ဒို ရေ မီ မပီတဲ့ပါးစပ်ပေါက်လေးတွေနဲ့ သီချင်းဆိုနေကြ
လမ်းတွေက လျှောက်လာတဲ့ခြေထောက်တွေကို ပြန်သနားတယ်
မထူးတော့ပါဘူးကွယ်လို့ ညည်းရင်း
ဖတ်နေကျ ဂျာနယ်တစ်စောင်ကို ခေါက်သိမ်းလိုက်တယ်
အဖြစ်အပျက်က ဒါပါပဲ ။
ကြားနေကျ အသံတွေ နားထဲမှာ ဒူ ဝေ ဝေ ။        ။

                                                       မောင်ရေချမ်း

Saturday, September 29, 2012

အိပ်မက်တွေ ကြွေတဲ့ည


ရှုံးနိမ့်သွားခဲ့တယ်
ပွယောင်းယောင်းရယ်သံတွေ ၊ အိပ်မက်ကို စီးနင်းသွားခဲ့
ကိုယ် ဘယ်လိုမှ ပြန်မထနိုင်တော့ဘူး
ခါးသက်စွာ ...ခေါင်းငုံ့ပေးလိုက်ရပြီ
ကိုယ်တစ်ယောက်တည်း စကားတွေဆိုတယ်
ကိုယ်တစ်ယောက်တည်း သီချင်းတစ်ပုဒ်ဆိုတယ်
( အရာရာ အသံမဲ့တိတ်ဆိတ် )
တစ်လှေလုံးမမှောက်ဘဲ ကိုယ်တစ်ယောက်တည်း မှောက်ခဲ့တာ
ဖြောင့်နေတဲ့လမ်းကို ဆွဲယူကွေးကောက်ပစ်တဲ့ကောင်
အဲဒီလိုကောင်ဟာ တစ်ယောက်တည်း ကိုယ့်အိပ်မက်ကိုဆက်မက်ရင်း
ကိုယ့်ဘ၀ကိုယ် ညထဲကို  ဒရွတ်တိုက်ဆွဲချသွားခဲ့ပေါ့ ။                 ။

                                                                        မောင်ရေချမ်း

Friday, September 21, 2012

အထီးကျန်အလွမ်း

           ဒီညမှာပဲ
           အိပ်မက်တွေဟာ အောက်စီဂျင်ငတ်လို့
           ဘယ်ဘက်ရင်အုံတစ်ခုလုံးဟာလည်း ဖူးပွင့်မို့မောက်
           နွမ်းကြေနေတဲ့အလွမ်းတွေနဲ့ပေါ့
           မှုန်ပြပြ အရိပ်လေးဟာဝေးသထက် ဝေး..
           လှပသောသက်တန့်လေးရေ.......
           ကိုယ့်ကို ဒဏ်ရာမြစ်ထဲ ရဲရင့်စွာပစ်ချခဲ့ပါတော့ကွယ် ၊၊

           မိုးတိမ်တွေနဲ့ကိုယ့်နှလုံးသားဟာ ရင်ချင်းဆက်
           လေအဝေ့မှာ ယိမ်းနွဲ့လှပခဲ့ဖူးတဲ့ ဆံနွယ်စတွေကိုသတိရလို့
           နာမည်လှလှလေးတွေ ခပ်ဖွဖွတမ်းတရင်း
           ဆိုင်းညှို့ကြေကွဲ
           အခုတော့ ... ကိုယ်တစ်ယောက်တည်း
           တကယ့်ကို ကိုယ်တစ်ယောက်တည်းပါ ၊၊
                                                   မောင်ရေချမ်း
                                         ( Hello အနုပညာဂျာနယ် ၊Vol,3 .Issue 57 )
                                                September, 2012

Wednesday, September 19, 2012

မီးတောက်သစ်ပင်


၁။
အရိုးတွေ ပြိုင်းထနေတဲ့
မအီမသာနေ့တွေထဲမှာပဲ
စိုက်နေကျ ငါတို့သစ်ပင်တွေဟာ
မီးညွှန့်တွေ တစ်စစ ဖူးပွင့်ဝေခဲ့တယ်။

တိမ်တွေကလည်း ၀ါရီဝေ
တေလေဖူးတဲ့ မမှည့်သေး အသီးတွေကလည်း
အကွေ့အကောက် တန်းမညီစွာ ကြွေကျ
မလှပမှုဟာ အမြစ်ကို စုန်ဆန်ရင်း
အလင်းတွေ ရှိုက်သံဝေနေခဲ့။

Sunday, September 16, 2012

ရင်ဝေးကြယ်


ဂါထာရွတ်တဲ့ ပါးစပ်တွေရေငတ်လာကြ
သေကွဲ ရှင်ကွဲထက်ဆိုးတဲ့ အချိန်တွေကျကွဲခြင်းမျိုး
နှုတ်ခမ်းတွေ ပြတ်ထွက်လုမှုတ်နေတာ ဘာမီးမှမတောက်ခဲ့ဘူး
တစ်နေ့တစ်နေ့ကို မျှော်ရင်း တစ်နေ့ပြီးတစ်နေ့သေဆုံး
နာကျင်စူးဝါးတဲ့ အော်သံဟစ်သံတွေနဲ့
လွတ်မြောက်ချင်ကြပါပြီ
လွတ်မြောက်ချင်ကြပါပြီ
နဖူးက ချွေးတွေခြေမအထိ မြှုပ်ခဲ့ကြ
ဘယ်သူမှမသိကြဘူး
ကောင်းကင်နဲ့ဝေးနေကြတဲ့ ...အိပ်မက်တွေ ။           ။

                                                 မောင်ရေချမ်း

Wednesday, September 12, 2012

မိုးမရွာတဲ့အကြောင်းတွေ


ခန္ဓာကိုယ်အဟောင်းနဲ့လူတွေ အင်္ကျီအသစ်ဝတ်ပြီးလှချင်ယောင်ဆောင်နေတဲ့မြို့
( ခရုကောင်လေးတွေလိုပဲ ) တရွေ့ရွေ့နဲ့သွားနေကြ
သော့ပေါက်နဲ့သော့တံ အံမ၀င်တဲ့အခန်းတွေရုပ်ရှင်ရိုက်နေကြ
ကျူးကျူးကျော်ကျော်တွေလည်း ကျူးကျူးကျော်ကျော် လွန်လွန်ကျူးကျူး
ပစ်စလက်ခတ်အလေအလွင့်တွေ ပစ်စလက်ခတ်ပွင့်လို့
မြင်နေကြလူတွေလို လက်ညှိုးထောင်ကြည့်တယ်
ကြားနေကျစကားတွေလို ခေါင်းညိတ်ကြည့်တယ်
ဘာမှအသုံးမလိုတဲ့/အသုံးမ၀င်တဲ့စကားတွေဟာ နေရာတကျဖြစ်လို့
ဒီဘက်ခေတ်ကမ္ဘာရဲ့လွဲချော်နေတဲ့ ကလေးအထာတွေဖြစ်ကြောင်း
လူတစ်စုသည် လူတစ်စုအတွက်သက်သက်
လူတစ်စုသည် လူတစ်စုကိုသတ်ဖြတ်
ကြောက်စရာမြေကြီးမှာ အကြောက်တရားတွေ သီး သီး လာ
ကောက်လိမ်တွန့်ကွေးခဲ့ ..... ညတွေ
အမှောင်ရောင် နက်နက်ဖြာကျခဲ့......နေ့တွေ
နီရိုးဘုရင်ကြီး ခုထိတယောထိုးနေတုန်း  ( ဒါ ရောမလို / ကျရှုံးခါနီး ပါရီလို )
ကျူးကျူးကျော်ကျော်တွေလည်း ကျူးကျူးကျော်ကျော် လွန်လွန်ကျူးကျူး
ပစ်စလက်ခတ်အလေအလွင့်တွေ ပစ်စလက်ခတ်ပွင့်လို့
ဒီဒေသမှာ မိုးတစ်စက်မှ မရွာတော့ဘူး ။                         ။

                                                                            မောင်ရေချမ်း

Saturday, September 8, 2012

အိမ်ပြန်မရောက်သေးတဲ့ ကဗျာဆရာ

ဝှစ်ခနဲ ၊ ၀ှီးခနဲ မြန်ဆန်လာတယ်
မနေ့ကအလုပ်တွေကို ဒီနေ့မှ နှစ်ရက်စာပေါင်းလုပ်နေရရှာတဲ့မြို့
အဲဒီ့မြို့ကြီးကို သူတိတ်တိတ်လေး လွမ်းနေတယ်
မရယ်ကြပါနဲ့ ကျေးဇူးပြုပြီး မရယ်ကြပါနဲ့
ရေကြည်ရာ မြက်နုရာ.........ရေ.........ရေ..........ရေငတ်လာတယ် (သူရေငတ်လာတယ်)
ကဗျာဆရာဟာ သူများနိုင်ငံမှာ ကိုယ့်နိုင်ငံအကြောင်းကဗျာတွေရေးရင်း
မနက်မနက်ဆို ဖိုသီဖက်သီထတယ်/အလုပ် လုပ်တယ်/အွန်လိုင်းတက်တယ်
တစ်နေ့တစ်နေ့ မြန်မာပြည်မြေပုံကို ကြည့်တယ်
မိသားစုတွေ နေကောင်း ကျန်းမာစေကြောင်းဆုတောင်းတယ်
ကပျာကယာဘ၀တွေအကြောင်း သူကဗျာရေးတယ်
သူ့ရင်ဘတ်သူချိုးပြီး သူ့လက်ဖျံရိုးပေါ်မှာ သူပွင့်ခဲ့တယ်
ကွာလာလမ်ပူတဲ့ ၊စင်ကာပူတဲ့ ၊ ဒူဘိုင်းတဲ့

Friday, September 7, 2012

ငြိမ်းချမ်းရေး


 ကြယ်လေးတွေတောင် ငိုနေကြပြီ
 ပန်းပွင့်တွေမှာ သွေးညှီုနံ့တွေနဲ့
 ဘယ်နတ်ဆိုးတွေအတွက်များလဲ
 တစ်ယောက်ရင်ဝ တစ်ယောက်မမြင်ကြ
 တစ်ယောက်ရင်ဝ တစ်ယောက်ဓားတွေစိုက်ကြတယ်
 ပီကာဆိုရဲ့ ချိုးငှက်လေး
 ပန်းချီကားထဲက ထွက်မလာသေး။              ။

                                            မောင်ရေချမ်း

Monday, September 3, 2012

ငါတို့ လူငယ်သီချင်း


ဂီတာတီးသူ တီးတယ်
ဂန်ဂျာဖွာသူ ဖွာတယ်
သံမံတလင်းပေါ် ဖွာခနဲကျသွားတဲ့ပြာမှုန်စတွေ
ဘာပဲဖြစ်ဖြစ်...
ငါတို့ဆိုချင်တဲ့သီချင်းမှာ အမှန်တရားတွေလျှံဝေကျနေတယ်
ခေတ်ကျပ်ကျပ်ထဲမှာ ဘောင်းဘီကျပ်ကျပ်ကိုခုံမင်တယ်
ပန်းမပွင့်တဲ့ဥယျာဉ်ထဲမှာ ငါတို့ဟာ ပစ်စလက်ခတ်အသက်ရှူ
သက်ပြင်းတွေကို စီးကရက်ငွေ့တွေလို မှုတ်ထုတ်ရင်း
စေးပျစ်မွန်းကြပ်တဲ့စကားတွေကို ပေါ့ပေါ့ပါးပါးဟာသလုပ်ပစ်မယ်
အားလုံးကို အစကပြန်စမယ်ဆိုတဲ့စကားအဟောင်းကြီးကို ခေါက်ထားလိုက်
တချို့က လေထဲမှာ ပျောက်သွားတဲ့ ၀တ်မှုန်နုနုတွေ
တချို့က အိပ်ဝေးသီချင်းကိုမဆိုချင်ဘဲ ဆိုလို့
တချို့က အသားညှပ်ပေါင်မုန့်ထဲက အသားစတွေလို
ငါတို့လူငယ်ဘ၀ဟာ ဘယ်ခဲဖျက်နဲ့မှဖျက်မရတဲ့ဒဏ်ရာတွေနဲ့ ။              ။

                                                                                    မောင်ရေချမ်း

Thursday, August 30, 2012

လမ်းကြုံရင် လမ်းကြုံလိုက်ပါရစေ….ကမ္ဘာသစ်

ချမ်းလို့ တုန်နေတာပဲ
အပူစီးကြောင်းတွေထဲမှာ ချမ်းနေတယ်
ကမ္ဘာကြီး မငြိမ်းချမ်းဘူး
လက်နက်တွေက သကြားလုံးတွေလို ခပ်ပေါပေါဖြစ်လို့
စစ်မြင်းတွေ ပျံနေကြ
အစာရေစာ ပေးပါ ( အစာရေစာပေးပါ………အစာရေစာပေးပါ )
နိုင်ငံတကာသတင်းမှာ သွေးတွေလျှံကျနေတယ်

Monday, August 27, 2012

ကိုးရိုးကားယား စကားလုံးပြောင်းပြန်များ


ပြောတော့ ဆင်ဖမ်းမယ် ကျားဖမ်းမယ်နဲ့ ပြီးတော့ မျှစ်ချိုးပြီး ပြန်လာခဲ့တာ
ခေတ် ခေတ် ခေတ်နဲ့ တခစ်ခစ်ရယ်သံတွေကြားထဲမှာ
ဝတ်လစ်စလစ်အိပ်မက်တွေကို ချောင်းကြည့်လိုက်တော့
ကိုယ်နဲ့မတော်နဲ့ဦးထုပ်ကြီးဆောင်းပြီး ခပ်တည်တည်နဲ့ တည်တည်တံ့တံ့( ခံ့ခံ့ )စကားတွေပြောလို့
နားအေးပါးအေး ၊ အားလုံးဟာ ညာတာပါတေးနဲ့

Friday, August 24, 2012

မှုတ်ထုတ်လိုက်တယ် ခေါက်ရိုးကျိုးသံသယတွေ တငွေ့ငွေ့

( ဆုံး ရှုံး ) ၊ အကျအဆုံးများတဲ့စနစ်တကျ လွဲချော်မှုတွေ တရိပ်ရိပ်
ရိတ်သိမ်းပြီးစီးခွင့်မရတဲ့ လျှောက်နေကျလမ်းတွေ တငွေ့ငွေ့
အဲဒီ့လမ်းတွေမှာ တံလျှပ်တွေ တရိပ်ရိပ်လူးလွင့်ထလို့
လူတွေက လမ်းတွေကို မလျှောက်ဘဲ ( လမ်းတွေက လူတွေကိုပြန်လျှောက်သွားခဲ့)
ဟူးခနဲ၊ဟင်းခနဲ အသံတွေ မိုးထိအောင် လွင့်ပျံ့ညံသွားတယ်
တစ်တောလုံးကြွေတယ်(တစ်တောင်လုံးကို အမှားတွေဖုံးသွားတယ်)
ဒုန်း ၊ ဒိန်း ဆူညံသွားခဲ့ပြန်တယ် ( သံသယတွေ အင်တိုက်အားတိုက် )
သေနက်ကို မိုးပေါ်ထောင်ပစ်ပြီး အော်ဟစ်ပစ်ချင်တယ်
"လူတွေ မသတ်ကြပါနဲ့ ၊ စစ်ပွဲတွေ ရပ်ပေး "

Thursday, August 23, 2012

ပေစုတ်စုတ် ဂျစ်ပစီကောင်ရဲ့ခပ်ရွဲ့ရွဲ့အကြောင်း


မိုးသံ၊လေသံတွေကို မုန်းတယ်
ဓားသံ၊လှံသံတွေကို မုန်းတယ်
ဒီလို သက်သက်နဲ့ပဲ ပေစုတ်စုတ်နေထိုင်တတ်ခဲ့
ဒီလို သက်သက်နဲ့ပဲ သိပ်ဂွကျတဲ့ကောင်ဖြစ်လာခဲ့
“သေခြင်းတရားဟာ အသံမထွက်ဘဲ တိတ်တိတ်လေးပဲ”

Wednesday, August 22, 2012

ဆိပ်ကမ်း


သောင်ထွန်းလာတယ်
သောင်တွေသာထွန်းလာခဲ့တယ်
ကျန်တာတွေက ဘာမှမထူးခဲ့ပါဘူး
ဒါနဲ့ပဲ မိုးပြိုမှာကြောက်လို့ ခြေထောက်နဲ့ကန်ထားတယ်
ဘာမှထူးလှတယ်လို့တော့မဟုတ်ပါဘူး (မိုးက ပြိုပြီးသားပဲ )
လွမ်းရင်း လွမ်းရင်း တဖြည်းဖြည်းလေလွင့်လာ

Tuesday, August 21, 2012

တိတ်တိတ်လေး ခိုးခိုးရေးမိတဲ့ ကဗျာ



ခိုး..........ခိုး..........ခိုးပြီး ခိုးနေ
ခိုးနေတဲ့အကြောင်းတွေပဲ ခိုးခိုးပြီး တွေးနေမိ
ခိုးနေကျ သူခိုးတွေကတော့ ခိုးရေးထားတဲ့ဒီကဗျာကို ဖတ်ကြမှာမဟုတ်ကြ
နှာခေါင်းဝမှာ သစ်တုံးအလုံးလိုက်တွေ၊ရေနံငွေ့တွေ၊ဓာတ်ငွေ့နံ့တွေ
ရေတံခွန်တွေ၊ဆည်တွေ၊ကျောက်ခဲတွေ၊အိပ်မက်တွေ၊အသက်တွေ၊အနာဂတ်တွေ
လူတွေ ခိုး ခိုးပြီး ခိုးခိုး၍ သယ်ယူပို့ဆောင်ခံရ

ပန်းမပွင့်ဘူး/နေလည်းမသာဘူး/ကောက်လို့မရတဲ့အတိတ်စိမ်းတွေပဲ လာလာပေးနေ

ဒါ ခေတ်နာကံနာပဲ။ရက်ရက်စက်စက်အသေအပျောက်များတဲ့နာရီတွေထဲမှာ အမှောင်ကိုဖက်ပြီးအိပ်နေကြရတာ
ဒါ ခေတ်နာကံနာပဲ။ထပ်ခါထပ်ခါ ပုံပြင်ဟောင်းတွေထဲမှာ ငါတို့ငိုယိုနေရတာ
ဒါ ခေတ်နာကံနာပဲ။တခြားလူတွေက ငါတို့လူတွေကို ဈေးဆစ်ပြီးဝယ်သွားကြတာ
ဒါ ခေတ်နာကံနာပဲ။ အစွယ်အသွားတွေနဲ့ လှောင်ပြောင်ရယ်မောပြတာ ခံနေရတာ

Friday, August 17, 2012

ဝရုန်းသုန်းကား ရုတ်ရုတ်သဲသဲကမ္ဘာကြီး

သက်ပြင်းသံ ၊ တောက်ခေါက်သံတွေနဲ့ ရုတ်ရုတ်သဲသဲ
ကြည့်လေရာ မြင်လေတိုင်း မီးမြားတွေကြားမှာ
မျှော်လင့်သမျှတွေ ဖွာခနဲ ဖွေးခနဲ
အားလုံးဟာ လွင့်စင်ပေါက်ကွဲခါနီး အနေအထားနဲ့ ရုတ်ရုတ်သဲသဲ
ဒိုင်နိုဆောကြီးတစ်ကောင်ကို ငမျှားချိတ်လေးနဲ့ပစ်ဖမ်းကြ
အဲဒီ့အနေအထားနဲ့ ငါတို့အားလုံးဟာ ရုတ်ရုတ်သဲသဲ
ဖယိုဖရဲပျံ့ကြဲနေတဲ့ အသက်ရှူလမ်းကြောင်းတွေကြား
ကြေအက်နေတဲ့ခေါက်ရိုးကျိုးလမ်းတွေပေါ်မှာ
မှုန်တိမှုန်ဝါး လူတွေဖြတ်လျှောက်သွားလာ
ကမ္ဘာကြီးဟာ ဒုက္ခတစ်ထပ် ဒေါသတစ်ထပ်နဲ့
မတရားမှုတွေ ရှူရှူသွင်းရင်း တဖြညိးဖြည်း ၀ ၀ လာ ။         ။

                                                             မောင်ရေချမ်း

Friday, August 10, 2012

ဆင်ခြေဖုံး


  သူတို့ရဲ့ဖြစ်တည်ခြင်းတွေက မပြင်ရသေးတဲ့လမ်းလေးလို
  ချိုင့်တွေ ၊ခွက်တွေနဲ့ ညှိုးရော်ကြမ်းတမ်းနေတာ
 
  ဒီရပ်ဝန်းမှာပေါ့
  ဆဲသံ၊ဆိုသံတွေနဲ့ စိုပြည်လင်းပွင့်
  တစ်ယောက်ဒုက္ခကိုတစ်ယောက် ငေးရီကြည့်ရင်းအိပ်မက်သေတွေဖွာရှိုက်နေကြ

Monday, August 6, 2012

ဘာမှ မစိုက်ရသေး/မပွင့်သေးတဲ့ ဥယျာဉ်

မျှော်လင့်ချက်တွေကို တစ်မြို့လုံးပစ်ပေါက်စိုက်ပျိုးထားရင်း
 တစ်ယောက်ဒုက္ခကို
တစ်ယောက်က မီးညှိဖွာရှိုက်ရုံ သက်သက်ပဲတတ်နိုင်ကြတယ်
  ဒါမဖူးပွင့်ခဲ့တဲ့ သစ်ပင်လိုမျိုး......။

Saturday, August 4, 2012

ရင်ကွဲမြစ်

                             ကောင်မလေးရေ
                              မင်းအရိပ်လေးဟာ တရွေ့ရွေ့ တဖြည်းဖြည်း
                              မှုန်ပြပြဝေးလာ ....
                             ` ခွဲရတော့မယ် ၊ ဝေးရတော့မယ် ´
                              ဒါ ဓားတစ်လက်ပဲ
                              သံယောဇဉ်ကိုင်းဖျားမှာ ကပိုကယိုခိုတွဲနေတဲ့အိပ်မက်များ
                               မထူးလက်စနဲ့ ... ခုတ်ဖြတ်ချလိုက်ပါတော့ ၊၊

Thursday, August 2, 2012

ကိုယ်ဟာ စိတ်ပျက်စရာလူတစ်ယောက်ဖြစ်ကြောင်း ကိုယ့်အိပ်မက်များနဲ့တကွ


  
စိတ်ပျက်လက်ပျက် စိတ်ပျက်
စိတ်ပြေလက်ပျောက် စိတ်ညစ်ချင်လာခဲ့
အိပ်မက်တွေထည့်ထားတဲ့လွယ်အိတ်လေးဟာ တိုင်မှာချိတ်လို့
ကိုယ့်လွယ်အိတ်ထဲမှာ ခရမ်းပြာထက်လူရှိတယ်
ဆရာမြသန်းတင့်ရဲ့ မာယာဘုံရှိတယ်
တစာစာအော်နေတဲ့ အသံတွေရှိတယ်

Monday, July 30, 2012

တဖြည်းဖြည်း ဝေး သထက် ဝေး

                     ဘူးပင်က ဖရုံသီး သီးလာသလို မယုံနိုင်စရာတွေ
                      ပြက္ခဒိန်တွေကို ဆွဲဆုတ်ပစ်တယ်
                      နာရီတွေကို ထုချေပစ်တယ်
                      ယုံကြည်ရာတွေ အလွင့်အလေသေကုန်ကြ
                      ဘာနဲ့မှ အစားပြန်မရတော့ဘူး
                      ဒီရထားက ဥသြသံပိုညံနေခဲ့
                      တောက်ခေါက်
                      ငိုယို
                      အားလုံးဟာ အလွမ်းဇာတ်ထဲ     ။          ။
                                                                 မောင်ရေချမ်း

Saturday, July 28, 2012

ကျွန်တော် ဘာတစ်ခုမှ မသိခဲ့သောအချစ်အကြောင်းများ

သူမသည် ပန်းနုရောင်ယှက်ပြေးနေသော ဆည်းဆာလှလှ တစ်ထည်ခဲ့ဖူး၊၊သူမသည် ၀တ်မှုန် ချိုအီအီတို့ဖြင့် ထုံလွှမ်းအပ်သော ပျော့အိအိ ပန်းပွင့်တစ်ပွင့်ဖြစ်ခဲ့ဖူး၊၊ ကျွန်တော်သည် ထိုပန်းပွင့်အတွင်း သိမ်မွေ့လှပစွာ ခုန်ဆင်းချင်ခဲ့သော ပိုးကောင်ငယ်လေးတစ်ကောင်ဖြစ်ခဲ့ဖူး။ ပန်းရောင်ဖျော့ဖျော့ဆည်းဆာ(သူမ)ကို ရီငေးကြည့်ငေးရင်း အချိန်ပေါင်းများစွာ ကုန်လွန်စေခဲ့ဖူး ။ အချိန်တို့သည် အချစ်တို့ကိုတိုက်စားသွားတတ်ကြောင်း မည်သူကပြောပြော၊ကျွန်တော်လက်ခံမည် မဟုတ်။ အချစ်သည်သံယောဇဉ်နှင့်လည်းကောင်း ၊ ညင်သာနူးညံ့မေတ္တာတရားနှင့်လည်းကောင်း တိုက်ရိုက်အချိုးကျပါသည်ဟု ကျွန်တော်ဘာသာကျွန်တော်သီအိုရီထုတ်ထားမိပါသည်။ ဘာပဲဖြစ်ဖြစ်  သူမ(သို့မဟုတ်)ကျွန်တော့်အိပ်မက်၏ရင်ခုန်ခြင်းများနှင့်ပတ်သတ်၍ ဘာတစ်ခုမှမသိခဲ့ကြောင်း ကျွန်တော်ရိုးသားစွာ ၀န်ခံပါမည်။

Friday, July 27, 2012

အမှောင်ထဲက သက်ပြင်းမောတွေ

            စိုစွတ်နေသောကတ္တရာလမ်းမကို တိုးဝှေ့ဖြတ်ကျော်ပြီး တိုက်ခတ်လာသည့် ညလေပြည်တွေက စိမ့်ကနဲနေအာင် အေးမြနေသည်။မိုးနှောင်းကာလဖြစ်ရ၍ပတ်ဝန်းကျင်တစ်ခုလုံးအေးစက်စိုထိုင်းနေသည်။ 
 လေပြည်နုအေးတို့၏အေးစက်သော အထိအတွေ့သည်လည်းသူ့ရင်တွင်းအပူမီးကို တစ်ရွေးသားမျှ
မငြိမ်းသတ်နိူင်ချေ။          
               သူသည်လွန်စွာမှဟောင်းနွမ်းနေသောဆိုက္ကားလေး၏ရှေ့ကူရှင်ကိုမှီထိုင်ရင်းလူသွားလမ်းမဆီသို့  ရီဝေစွာငေးကြည့်နေ့ သည်။ယခုချိန်တွင် ကမ္ဘာပေါ်ရှိလူသားများအနက် ပူပန်သောကအများလူသားမှာ သူဖြစ်သည်ဟု သူ့စိတ်တွင်တွေးတောနေမိသည်။ကားများ၊လူများ၊ရှုပ်ထွေးစွာသွားနေသည့်လမ်းနံဘေး
တွင်သူထိုင်နေသော်လည်း မည်သူကမှ သူ့ကိုဂရုပြုခြင်းမရှိကြပါ။

                    စင်စစ်မူကား...သူ့တွင်လည်း လူလေးစားစရာဂုဏ်၊ပကာသန ဘာတစ်ခုမှမရှိပေ။ကျယ်ပြော လှသောလောကတွင် သူသည်သေးငယ်သောအမှုန်တစ်မှုန်သာ ဖြစ်ခွင့်ရရှာသည်။သံချေးများဝါကျင်အောင် တက်နေသော ဆိုက္ကားခွေများနှင့်လက်ကိုင်များ သည် လည်းကောင်း၊ အပေါက်အပြဲများကိုဖုံးကွယ်နိုင်စွမ်းမ ရှိသော ကူရှင်နှစ်ခုသည် လည်းကောင်း၊ ခြေနင်းနှစ်ခုစလုံး စုံလင်စွာမရှိဘဲ ကျိုးပဲ့နေသောခြေနင်းတစ်ဖက် သည်လည်းကောင်း ဆိုက္ကားပေါ်မှသူ့၏ ရှိစုမဲ့စုဂုဏ်သိက္ခာကို အရည်ပျော်မှေးမှိန်စေသည်။

Thursday, July 26, 2012

ကြေအက်သွားသော အိပ်မက်အပိုင်းအစများ

အမှောင်တွေ ၊ အမှောင်တွေ...။အမှောင်ထဲမှာ သူ့စိတ်  နစ်မျောစီးဆင်းသွားတယ်..။ပိန်းပိတ်အောင်မဲမှောင်နေတဲ့ညဟာ ညအတိုင်းသာရွေ့လျားလည်ပတ်။အိပ်မက်ရော်ရွက်ဝါတို့ကညမြေပြင်ထက်လွန့်လူးဝေ့၀ဲ။ အမှောင်တွေ၊အမှောင်တွေ..။အမှောင်တွေထဲမှာ တစ်စွန်းတစ်စ.မမ..။ဟုတ်တယ်၊၊မမမျက်နှာပဲ..။ အမှောင်မှာပဲကြည့်ရင်းကြည့်ရင်းတဖြည်းဖြည်းလင်းလာ။ဟာ..ရောင်စဉ်တွေ. ..ဖြာထွက် ၊ သူ့နှုလုံးသား အလယ်ချက်ဆီမှ..။မမဆံနွယ်နက်ပျော့အိအိတွေက လေထဲမှာ ၀ဲပျံလူးလွန့်လို့ ၊၊ တစ်စတစ် သူ့နှလုံးသားကို ချည်ရစ်ယူဆောင်သွားခဲ့..။ကြယ်တွေကိုခူးဆွတ်လို့မမပန်ဖို့လှမ်း အပေး၊မမက..အဝေးကို....ဟိုး............အဝေးကြီးကိုပြေးထွက်သွားတယ် ၊၊ သူ့ရင်ခွင်မှာဟာခနဲ.၊၀ုန်းဒိုင်းတွေကြဲလို့၊၊
နှုလုံးသွေးတွေလည်း ခြောက်ကပ်ခန်းလာသလို။အို....နောက်တော့လမင်းလိုရောင်စဉ်တန်းတွေ  နဲ့ မမပြန်ရောက်လာတယ်။နှုတ်ခမ်းလေးကွေးညွှတ် မမ သူ့ကိုပြုံးပြတယ်.။ကမ္ဘာမြေတစ်ခု

Saturday, July 21, 2012

ခင်ဗျားမှာ ဇ ရှိရင် သူတိုနဲ့ တစ်ပွဲတစ်လမ်း ဖဲရိုက်ကြည့်

ကြောင်ကြာကြာ ရေမငုပ်နိုင်ဆိုပေမယ့်

ဘီလူးတွေပီပီ သမုဒ္ဒရာကိုလည်း လက်ပစ်ကူးနေတဲ့သတ္တ၀ါတွေ

အလျှော်အစားက ပက်စက်တယ်

ဘ၀ထိုးရင် ဘ၀လျှော်မယ်ဆိုတဲ့ တော်ကီမှာမျောရင်း

အိပ်မက်ထိုးပြီး အိပ်မက်ပြန်မရသူတွေလည်း ဒုနဲ့ဒေး

သိုင်းဝတ္ထုတွေမှာ ပါနေကျဝါကျလိုပဲ

 "မည်သို့ ပြုလုပ်လိုက်သည် မသိ "

 "မည်သို့ ပြုလုပ်လိုက်သည် မသိ"

အားလုံးဟာ ရင်သပ်ရှုမော ( အထိတ်တလန့်နဲ့ )

Friday, July 20, 2012

စိုစိုရွှဲရွှဲဘ၀များ


နေသာလည်း မနေသာခဲ့
သွေးတောက်တောက်ကျနေတဲ့ ခြေထောက်တွေ
အိပ်မက်တိုင်းဟာ ကဝေလက်ချောင်းရှည်တွေနဲ့
အချိန်တွေက ခပ်ရွဲ့ရွဲ့လှီးဖဲ့သွားခဲ့ပြီ
ဒီလိုနဲ့ ….
ဒီလိုနဲ့… ဒီလိုပဲလေ
နေ့စဉ်တွေ့မြင်နေကျ ဒီအသံတွေဟာ ဒီအတိုင်းနဲ့ပဲ
ဖြစ်တည်မှုတွေဟာ ပြန်မရတော့တဲ့မြစ်ထဲမှာ စုန်းစုန်းမြုပ်လို့
ရှ….ကွဲ….နာ….ကျင်
အတိတ်တွေကို ပြန်တွေးမိတိုင်း အလွမ်းတွေဟာ နာဖျားနေ
ကြာခဲ့ပြီလေ…ကြာခဲ့ပါကော
ရေတွင်းတူးနေကြနေပေမယ့် ရေကြည်ဆိုတာမတွေ့သေး
ဒီလိုနဲ့…..
ဒီလိုနဲ့……ဒီလိုပဲလေ
နေ့စဉ်တွေ့မြင်နေကျ ဒီအသံတွေဟာ ဒီအတိုင်းပဲ ၊၊             ၊၊
                                                                         မောင်ရေချမ်း

Wednesday, July 18, 2012

ကြောင်တောင်တောင် လူတစ်ယောက်ဟာ သူ့စိတ်သူ ကြောင်တစ်ယောက်လို ကုတ်ခြစ်


အရေးမကြီးသလိုလိုပဲ အသိတစ်ယောက်နဲ့တွေ့တယ် ဘီယာမူးနေတဲ့အိပ်မက်ကို သူ့ကပဲ လမ်းတစ်ဝက်မှာလုယူသွားတယ်
ဒါနဲ့ပဲ ဖိနပ်အတုတစ်ရံကိုစီးပြီး လမ်းအတုမှာလျှောက်နေတဲ့လူအတုတွေကို ငေးကြည့်တယ်
ဒါနဲ့ပဲ သူ့ကိုယ်သူ သူတော်ကောင်းလို့ပြောတဲ့လူကို အရက်ဝယ်တိုက်လိုက်တယ်
ဒါနဲ့ပဲ  ကော့လန်လွန့်ကွေးနေတဲ့ ဟိုဟိုဒီဒီပုံလေးတွေ ကြည့်တယ်
ဒါနဲ့ပဲ  ဟိုတစ်ကွက် ဒီတစ်ကွက် ပိတ်ကားထက်ဆိုတဲ့ သီချင်းကိုဆိုမိတယ်
ဘာမှမဟုတ်ဘူး ထူးထူးခြားခြား မနေ့ညကလည်း မိန်းမနဲ့ရန်ဖြစ်တယ်
ဘာမှမဟုတ်ဘူး ထူးထူးဆန်းဆန်း သတင်းတွေမနေ့က သတင်းစာမှာပါလာခဲ့တယ်
မိတ်ဆွေတစ်ယောက်ကတော့ပြောတယ်
သတင်းစာမှာ မှန်တာနာရေးသတင်းပဲရှိတယ်ဆိုလား ဘာလား ညာလား
ညာလား လိမ်လားတော့မသိဘူး သူငယ်ချင်းတစ်ယောက်ပိုက်ဆံချေးသွားတယ်
မနက်မနက်ဆို ဘုရားရှိခိုးချင်ယောင်ဆောင်
နေ့လည်ဆို ထမင်းစားချင်ယောင်ဆောင် ၊ ညညဆို အိပ်ချင်ယောင်ဆောင်လို့
ဖလန်း ဖလန်းထနေတဲ့စိတ်ကူးတွေကို ရိုက်ရိုက်ချရင်း
ကိုယ့်စိတ်ကိုယ် အရိုးနွှာကြည့်တယ် ဘာမှလည်းမဟုတ်ဘူး
၂၄ နာရီဖွင့်တဲ့လမ်းပေါ်မှာ လျှောက်နေတာပဲ
ဓားကို ပျားရည်လိုမျိုမျိုချရင်း ကတိစကားတွေကိုလွယ်လွယ်ယုံခဲ့ကြတယ်
ဒီနေ့ထုတ်သတင်းစာလေးဟာ ဘုတ် ခနဲ ပြတင်းပေါက်ကနေ ၀င်လာခဲ့
အဲဒီ့အချိန်မှာ ကျွန်တော်ဟာ .................
ဒီလိုမျိုးဖြစ်သွား......
ဒီလိုမျိုးဖြစ်သွား......               ဒီ
ဒီ                                          လို
လို                                         မျိုး      ....ဖြစ်သွား    
မျိုး........ဖြစ်.......သွား
ဒီလိုမျိုး.................ဖြစ်..... သွား..........။                                ။

                                                                    မောင်ရေချမ်း

Tuesday, July 10, 2012

ကျွန်တော် ကဗျာရေးတယ်/ရေးနေတယ်/ရေးခဲ့တယ်

အစာလို ရေလို နေရောင်ခြည်လို အမြဲမပြတ်မှီဝဲခဲ့ပါတယ်
ချစ်သူတစ်ယောက်ကို ချစ်သလိုလည်း ချစ်မြတ်ခဲ့ပါတယ်
ကိုယ့်အရိုးကိုယ်ခြစ်ပြီး ကမ္ဘာကိုချစ်လို့ရေးတယ်လို့လည်း ကြီးကြီးကျယ်ကျယ်စကားကို
(အကျယ်ကြီး ၊ အကျယ်ကြီး ) ဘယ်တုန်းကမှဟစ်အော်မပြောခဲ့ပါဘူး
မီးပူဘယ်လောက်တိုက်တိုက် ပြန့်မလာတဲ့အိပ်မက်တွေ
ကမ္ဘာကြီးရဲ့ခြေကြားလက်ကြားကနေ လျှောခနဲ ၊လျှောခနဲ ထွက်ကျသွားမှုတွေ

ဒဏ်ရာ


အိပ်မက်သေတွေပေးပြီး အငွေ့ပြန်သွားတာတွေ
နာရီပေါင်းများစွာ ၊ အချိန်ပေါင်းများစွာ
ထိတ်လန့်ခြင်းများစွာနဲ့
ကိုယ်တို့ရှူနေတဲ့လေဟာ ကစဥ့်ကလျား
အမှန်တရားဆိုတာ ထူးခတ်ခံထားရတယ်
ဖြစ်တည်မှုတွေ တမြေ့မြေ့ပါး ပါးလာ
ဘယ်နတ်ဘုရားမှ မကယ်နိုင်တဲ့အမှောင်ခါးခါးကြားမှာ
မနက်ဖြန်ကို မျှော်ကြည့်မိတိုင်း
ဒီဒဏ်ရာတွေဟာ သွေးမတိတ်တော့ဘူး ၊၊            ၊၊

                                                        မောင်ရေချမ်း
                                                ဧပရယ်လ၊ပြုံးစရာမဂဇင်း၊၂၀၁၃

Friday, July 6, 2012

လမ်းအတုများ ၊ နာရီအသေများ

အိပ်မက်အလင်းတန်းလေးဟာ သေးမှုန်ဖျော့စင်လို့
ဘာကိုမျှော်လင့်လို့မျှော်လင့်ရမှန်းမသိတဲ့ဘ၀တွေဟာ
အမှောင်တွေကိုသာ တစ်ကျိုက်ပြီးတစ်ကျိုက်မော့သောက်နေရ
လမ်းတွေ ၊ လူတွေဟာ လွန့်လူးလှုပ်ရှားရင်း
ဒီရပ်ဝန်းလေးတစ်ခုလုံးဟာ အောက်စီဂျင် ငတ် မွတ်
ကမ္ဘာမြေရဲ့ဒုက္ခတွေကြားထဲမှာ ကြက်ခြေခတ်တွေသာတစ်ခုပြီးတစ်ခု

Tuesday, July 3, 2012

ဖြူဖျော့ဖျော့အိပ်မက်တစ်ထည်

( ............................................1......................5...............0.............................0....................
  5....................................................2........................................8.......................................)
ချစ်တယ်ဆိုတဲ့ ကြိယာပုဒ်ကို ( အချစ်ကို ) နတ်ဘုရားတစ်ပါးလို
သူ့ကို အဲဒီ့နတ်ဘုရားရဲ့တစ်ပါးတည်းသော သမီးတော်တစ်ပါးလို ညွှတ်ကျိုးကိုးကွယ်ခဲ့ပြီးပြီပဲ
ဝေမှုန်ကြဲလွင့်လို့ တကယ့်ကိုကြေကြေကွဲကွဲ ၊ မျက်ရည်မရှိဘဲ ငိုတတ်ခဲ့တဲ့ကောင်
တခုတ်တရတမ်းတလို့ လင်းဝေစိမ်းမြတဲ့ညတွေမှာ အိပ်မရတဲ့ကောင်
ငါဟာ ငါတစ်ယောက်တည်းပြိုင်တဲ့ကစားပွဲမှာ အလျော်မရခဲ့တဲ့ကောင်
အမှောင်တွေကို တစ်ကိုက်ပြီးတစ်ကိုက် မျိုဝါးဖဲ့ခြွေရင်း နစ်မြှုပ်နေတဲ့ကောင်
ငါ့ဖြစ်တည်မှုဟာ ယစ်ပလ္လလင်ထက်မှာ ၊ စိုလဲ့ထက်မြတဲ့ဓားသွားတစ်လက်ပေါ်မှာ
(ဟေး........ငါ့အိပ်မက်တွေရေ  ) ငါ့ဝိညာဉ်ကို ဆောင်ယူပါ
အလင်းပွင့်တွေ ဖွာကြဲလွင့်စင်လို့ ငါ့စိတ်ကိုသူ့စိတ်ဆီပိုိ့ပေးပါ ၊ ငါ့အိပ်မက်နဲ့ သူ့ညတွေ ၀တ်မှုန်ကူးပေးပါ
သံယောဇဉ်မြစ်ကိုမှ အလျားလိုက်ဖြတ်ကူးချင်သူကို ဘယ်ကံကြမ္မာကမှ မသနားဘူး
အချစ်ဆိုတာလည်း အခုစိုက်၊ အခုပေါက်တဲ့သစ်ပင်မဟုတ်တော့ ခက်သား
(............................................................................................................................
  ........................................................................................................................... )
အိပ်မက်တွေ မျက်ရည်တွေသာ နှလုံးသားရဲ့ဘာသာစကားဖြစ်ခဲ့မယ်ဆိုရင် အဲဒီလိုနဲ့ပဲ ငါဟာ လှပစွာကျရှုံးတာပဲ ၊
Every night in my dream , I see you . I feel you.  ဟေး.......သွားစမ်းပါကွာ အဲဒီ့သီချင်းကိုပိတ်လိုက်
ငါ.............ငါ..................ငါ...............
တစ်ခါတစ်လေမှာ စကားတွေထစ်အလို့ တစ်ခါတစ်လေမှာ စကားလုံးတွေပျောက်ရှအက်ကွဲလို့
ချောင်းဆိုး ၊နှာချေတာအထိငါအစိုးရိမ်ဆုံးပဲ ၊၊ မျက်တောင်ဖျားက ခြေဖ၀ါးထိ  ( သူဟာဖတ်ရခက်တဲ့ကဗျာ)
ငါ့အတွက်မီးတောက်တွေဆိုရင်တောင် ညင်သာနူးညံ့စွာ လောက်ကျွမ်းပစ်ဖို့ ၀န်မလေးခဲ့ဘူး
စီးကရက်သောက်ခြင်းသည် ကျန်းမာရေးကို ဆိုးရွားစွာ ထိခိုက်စေသည်က အစ
တစ်ခါ တစ်ခါ ငါ့ကဗျာတွေ ငါ့ကဗျာတွေအထိ ညှိုးရော်နာခံလို့ တစ်ဘ၀လုံး သူ့ရနံ့တွေ ......ဖုံး၊၊           ၊၊

                                                                                                                                  မောင်ရေချမ်း

ရွှေအမြုတေမဂ္ဂဇင်း One minute interview


အချစ် ကဗျာတွေ ရေးပြီး ဂျာနယ် စာမျက်နှာများပေါ် ရောက်ခဲ့ပေမဲ့ ရန်ကုန် ကဗျာနဲ့မှ မဂ္ဂဇင်း စာမျက်နှာ  ပေါ်ရောက်ခဲ့တဲ့ ကဗျာဆရာ မောင်ရေချမ်းက ၂၀၁၂ ခုနှစ်အတွက် ရွှေအမြုတေ စာပေဆုကဗျာ ဆုကို ရရှိခဲ့ပါတယ်။
ယုံကြည်ရာကို ရိုးရိုးရဲရဲ ရေးထားတဲ့ ရန်ကုန် ကဗျာနဲ့ ဆုရတာကြောင့် ၀မ်းသာပီတိ ဖြစ်တယ်လို့ မောင်ရေချမ်းက ဆိုပါတယ်။

ရန်ကုန် ကဗျာကို teen မဂ္ဂဇင်းကို ဘယ်လိုကြောင့် ပို့ဖြစ်ခဲ့တာလဲ။

ကျွန်တော်က လူငယ်စစ်စစ်ဖြစ်လို့ teen မဂ္ဂဇင်းကို ပို့ဖြစ်ခဲ့တာပါ။

ရန်ကုန် ကဗျာကို ရေးတဲ့အခါ ကိုယ်တိုင် မြင်တွေ့ ရမှုတွေကိုပဲ ရေးချဖြစ်တာလား၊ တခြား သူတွေ
အပြော ပါသေးလား။

Monday, July 2, 2012

ငါတို့အကြောင်း ငါတို့သမိုင်း

အရေးပါတာတွေက အရေးမပါသလို
အရေးမပါတာတွေကလည်း အရေးပါသလိုလို
ကြမ္မာဓားသွားက ငါတို့ရဲ့ဖြစ်တည်မှုတွေကို
ခပ်ရွဲ့ရွဲ့လှီးဖဲ့သွားတာလည်း ငါတို့ခံရဖူးပြီ
ငါတို့ဟာ ကိုယ့်သီချင်းကိုယ်ရဲရဲ မဆိုရဲခဲ့ကြ
ငါတို့ဟာ ကိုယ့်အတောင်ကိုယ်တဖျပ်ဖျပ် မြည်အောင်မခတ်ရဲခဲ့ကြ

Thursday, June 28, 2012

ဘ၀ဟင်းလင်းပြင်

            ဘ၀ကို ကလစ်နှိပ်လိုက်တိုင်း
            အဆင်မပြေမှုတွေသာ ဒလဟော
            ကိုယ်ဟာ တကယ်တော့ သေအံ့မူးမူးလူတစ်ယောက်ပါ
            လူတစ်ယောက်ထက်ပိုပြီး
            လူတစ်ယောက်ဖြစ်ခွင့်ထက်ပိုပြီး ဘာမှမပိုခဲ့ဘူး

Wednesday, June 27, 2012

ဒီလို ဒီလိုနဲ့ ကြေကြေကွဲကွဲ

 အနောက်တောင်မှာ မိုးတွေချုန်းပြီ
ဘ၀တွေ ရွှဲရွှဲစိုအောင် ......အရွာလည်းခံရဖူးပြီ
( အလျော်မရတဲ့ကစားပွဲအတွင်း)
  ဖြစ်တည်မှုတွေ အစားခံရ ၊
ကောင်မလေးရယ် မင်းရဲ့စိတ်ကို ဖြေသိမ့်လိုက်ပါတော့
အိပ်မက်သေတွေ ရုန်းကြွလာအောင် မန်းမှုတ်ဖို့အတွက်
ကိုယ်တို့မှာ ဂါထာမရှိဘူးကွယ်
ကံကိုသာ ပစ်စလက်ခတ်ပုံချရင်း
ကိုယ့်စိတ်ကိုယ် ချော့သိပ်လို့ တိတ်တိတ်လေး အိပ်နေတော့မယ်
ကိုယ်ရယ် ၊ မင်းရယ်
ပြီးတော့ ဖျားနာနေတဲ့လူသားတွေရယ်
ကမ္ဘာကို မေတ္တာတရားနဲ့နားလည်ဖို့ ကြိုးစားရဦးမယ် ၊၊ ၊၊

                                                     မောင်ရေချမ်း

Friday, June 15, 2012

စစ်

့မြင်မြင်ရာ မီးတောက်တွေပဲ
စိတ်ခေါင်းတိုင်တွေမှာ ဒေါသမီးခိုးတွေတငွေ့ငွေ့အူလို့
လေနီရိုင်းတွေ အကြမ်းရင့်ဆုံးတိုက်ခတ်နေတဲ့ကမ္ဘာပျက်
တစ်ယောက်က တစ်ယောက်ကို
တစ်ယောက်ကို တစ်ယောက်က
ဒေါသမျက်လုံး အမှောင်ဖုံးပြီးကြည့်တဲ့အခါ
ဆွဲမိဆွဲကိုင်ရာ နွယ်မြက်တွေဟာ ဓားတွေဖြစ်လာ
ဓား..........တွေ......ဖြစ်........လာ......ခဲ့...       ၊၊             ၊၊

                                                 မောင်ရေချမ်း
                                            ပိတောက်ပွင့်သစ် စာပေအနုပညာမဂ္ဂဇင်း၊
                                                  အမှတ်(၄၇)။၂၀၁၂  

                                  

Tuesday, June 5, 2012

ထီးကောက်နဲ့လူတစ်ယောက်အကြောင်း

ခပ်ရိုးရိုးပဲ
ခပ်ဆန်းဆန်းစကားတွေ ပြောလေ့ရှိတယ်
ပြီးတော့ ကျောပိုးအိတ်တစ်လုံးနဲ့လျှောက်သွားနေတတ်တယ်
နှုတ်ခမ်းဝမှာ စီးကရက်မျိုးစုံ ခပ်တည်တည်နဲ့ခဲလို့
သက်ပြင်းတွေကို ဆေးလိပ်ငွေ့နဲ့ရောပြီးမှုတ်ထုတ်တတ်တယ်
သူ့အိတ်ကပ်ထဲမှာ
သူ့ကျောပိုးအိတ်ထဲမှာ
ထီးကောက်ထဲမှာပေါ့
ခေတ်ကို မရဲတရဲထည့်ထားတယ်
ဘယ်တော့မှ ထုတ်မကြည့်ဖြစ်ဘူး
ညှီုစို့စို့ရနံ့တွေ ထွက်ကျလာမှာစိုးလို့တဲ့   ၊၊                  ၊၊

                                                              မောင်ရေချမ်း

Sunday, June 3, 2012

ဒီလိုမျိုးပေါ့ ဖြစ်တည်မှုတွေဟာ ဂျာအေးကိုသူ့အမေရိုက်

နားထဲမှာ ဒီအသံတွေပဲ ကြားနေရတယ်
ရုပ်မြင်သံကြားကိုပိတ်ထားတယ် ၊သတင်းစာတွေကို ပိတ်ထားတယ် ၊
စားပွဲပေါ်မှာ နှင်းဆီဖြူပွင့်တွေဟာ ကျိုးပျက်ကြေမွလို့
ထွက်နေကျ ( ဖတ်နေကျ ) ဂျာနယ်တွေထဲက ညိုပုပ်ပုပ်အနံ့တွေထောင်းထောင်းထ ၊
 သွေးနံ့ ၊ချွေးနံ့ ယမ်းနံ့တွေပဲ၊၊တစ်ယောက်နဲ့တစ်ယောက်က ၊ တစ်ယောက်ကတစ်ယောက်ကို မမြင်ကြဘူး ၊
 မြင်သမျှဓားတွေ ၊မီးတောက်တွေ ၊၊

Saturday, June 2, 2012

အခု ငါတို့မုန်တိုင်းထဲမှာ


အခု ငါတို့လှိုင်းကြမ်းလေထန်မုန်တိုင်းထဲမှာ
(၁) ဘာမှအစိုးမရဘူး
လှေပျက်တစ်စင်း ပင်လယ်ကိုဖြတ်နေဆဲ
တ၀ဲဝဲလည်နေတဲ့ ၀င်္ကပါထဲမှာ
အသက်ရှူသံတွေက လှိုင်းလုံးတွေကြားမှာ
ပြေးပြေးလွှားလွှား
(၂) အစိုးရတယ်ဆိုတာလည်း အစိုးမရဘူး
ဖြစ်တည်မှုတွေက ပိန်းကြာရွက်ပေါ်က ရေစက်တွေလို
အချိန်မရွေးလျှောခနဲ ၊လျှောခနဲ ကျသွားနိုင်တယ်
(၃) အဆိုးတွေပဲ ရနေတာ (တကယ့် အဆိုးတွေပဲ)
အခု ငါတို့မုန်တိုင်းထဲမှာ..
ယုံကြည်ချက်တွေနဲ့ ရေးထိုးထားတဲ့
အိပ်မက်ဒိုင်ယာရီလေးရေ...........
ကြေကွဲစာလုံးတွေနဲ့ ရှိုက်ကြီးတငင်ငိုချလိုက်ပါတော့
အခု ရေတွင်းတူးနေပါသလား
နောက်တော့လည်း ညိုပုပ်ပုပ်ရေတွေ ဒလဟော
ထွက်....ကျ.........လာ.......ဦး............မှာ.....၊၊
                        
                                                   မောင်ရေချမ်း
                                        ( Hello အနုပညာဂျာနယ် ၊Vol,3 .Issue 42 )

Sunday, May 20, 2012

ဒီနေရာမှာ မိုးအကြီးကြီးခေါင်နေတယ်


    ကြီးကြီးကျယ်ကျယ် ပိုစကာတွေကပ်လို့ တကယ့်ကိုခမ်းခမ်းနားနား ၊ အိပ်မက်သေတွေကို နှုတ်ခမ်းဝတွေမှာကပိုကယိုချိတ်ဆွဲထား တယ်၊၊၊တကယ့်ကိုခပ်လန်းလန်းလေးပဲ ၊၊သူတို့ ဘာလုပ်နေလဲ ၊သူတို့ဘာလုပ်နေလဲ ၊ကဲ...ကဲ ကျွန်တော်တို့သိချင်နေကြတယ် ၊၊
ဒီအိမ်လေးကခေါင်မိုးလုံရဲ့လားဆိုတဲ့စိုးရိမ်စိတ်လေးတွေ သိသိသာသာဖိစီးလို့ ၊၊အချစ်ရေ...နေလို့မှကောင်းရဲ့ဆိုတဲ့သီချင်းစာသားကို
အသံကြောင်ကြီးတွေနဲ့အဝေးကနေ ဟစ်အော်နေသူတွေရှိတယ် ၊၊ထူးခြားတာပဲ ၊ဒီနေရာမှာမှ ကွက်လို့မိုးခေါင်နေတာ ၊၊ဒီလမ်း ၊ဒီခရီး
သွားချင်ရဲ့လား ၊ ဒီလိုသွားနေသမျှဒီကို မရောက်ဘူး  ယုံ၊၊(ဒီ...ဒီ...ဒီ...)၊၊ မျက်လုံးမပါတဲ့လူတွေကအရောင်တွေရဲ့သဘောတရားအကြောင်းကို တခမ်းတနားပြောကြမယ်၊၊
မသူတော်တွေကို မသူတော်အချင်းချင်းချီးမွှမ်းလို့ ၊ပြန်ပေးမယ်လို့ပြောတဲ့အိပ်မက်တွေကို အရင်းအတိုင်းပြန်
မရဘူး ၊၊အတိုးပါပေးရမယ်တဲ့ ၊သိပ်ဂွကျတယ်ကွာ ၊၊သတင်းစာလေးကိုင်လို့ ငေးငေးငိုင်ငိုင် ၊၊
ပုပ်ပွပွ ချဉ်စုပ်စုပ်ကိစ္စတွေအကြောင်း တစေ့တစောင်း ၊၊မိုးခါးရေ ၊ တစ်ကျိုက်နှစ်ကျိုက် ၊၊
အံ့သြတာပဲ ၊ ဒီခြေလှမ်းမျိုးနဲ့ အာမခံပက်စက်တယ် ၊၊ဘာဘာညာညာနဲ့ စကားရောဖောရောလုပ်မယ့်အကြောင်းအရာတွေ ၊၊
အကွက်တွေ ဟိုရွေ့၊ဒီရွေ့  ညစ်ကျယ်ကျယ်အပြုံးတွေနဲ့ နောက်ဆုံးမှာ ဒိုင်စားတယ်
ကောင်းကင်ကြီးတစ်ခုလုံးပေါက်ဖြဲနေ ၊ အိပ်မက်ပန်းပွင့်လေးတွေ နွမ်းကြေလို့ ၊၊
ကဲ... ပြောစမ်း ၊ဒီတစ်နေရာတည်း မိုးခေါင်လွန်းတာ ဘယ်သူငြင်းမလဲ ၊၊

                                                                                                                    မောင်ရေချမ်း

Friday, May 11, 2012

မနေ့ညက အိပ်မက်ထဲမှာ




ရိုးရိုးရှင်းရှင်းပဲ ၊ မနေ့ညက အိပ်မက် မက်တယ်
ရပ်နေတဲ့မြေကြီးဟာ တဖြည်းဖြည်း အက်….အက်…..လာ
မြေမှုန်မြေစတွေ လွင့်ဝဲလို့ တစ်စတစ်စ အာ……အာ….လာ
ပြီးတော့ နှင်းဆီဖြူတွေတစ်ပွင့်ပြီးတစ်ပွင့် ပွင့်
အံ့သြစရာ
အိပ်မက်ထဲမှာ သေသွားတဲ့လူတွေဟာ ပြန်ရှင်လာလို့
ပျော်ကြ ရွှင်ကြ ကကြ ခုန်ကြ
တစ်ယောက်ကိုတစ်ယောက် ရင်းရင်းနှီးနှီးပွေ့ဖက်ကြ
သူတို့ ကွဲကွာနေခဲ့ကြတာ ကစဉ့်ကလျား

Saturday, April 28, 2012

သံသယတွေကို ဒလဟောသွန်ချကြည့်တယ်

                           ခင်ဗျား ယုံလား
                           ကျွန်တော် မယုံဘူး
                           ကျွန်တော် မယုံသေးဘူး ( တကယ်ပါ )
                           ချဉ်စုပ်စုပ်အတ္တတွေအနံ့စူးစူးထွက်နေတယ်
                           တစ်ပင်လိမ်   ၊ နှစ်ပင်လိမ်
                           ဘူးပင်ပါဆို သူ့ရဲ့ရှင်သန်မှုအတွက်လိမ်ကောက်လို့နေဦးမှာ သဘာဝ
                           ဟင့်အင်း မယုံဘူး ကျွမ်းထိုးပြ
                           ကျားတွေအသားမစားတတ်တဲ့အကြောင်း
                           မြစ်တွေဟာ မကွေ့ကောက်တဲ့အကြောင်း
                           ကျွန်တော်တို့ ပျော်ရွှင်စွာပါတီပွဲကျင်းပနေတဲ့အကြောင်း
                           လူညစ်ပတ်တွေ သန့်စင်ရေချိုးပြီးစီးကြောင်းကို
                           ဒီကဗျာကို ရေးပြီးပြောလိုက်ပါတယ်
                           အတိတ်ရဲ့  ရနံ့တွေ မရတော့ရင်
                           ခင်ဗျား ယုံတဲ့အကြောင်း စာပြန်ပါ   ၊၊

                                                                               မောင်ရေချမ်း
                                                               (  Hello စာပေအနုပညာ ဂျာနယ်၊Vol.3/Issue 59/September, 2012 )

           

Tuesday, April 24, 2012

ပွက်ပွက်ထနေတဲ့သွေးတွေနဲ့ ငါတို့ဟာ လူငယ်

                         လူတစ်ယောက်ရဲ့တန်ဖိုးဟာ
                          သူဖြတ်သန်းကျော်လွှားနေတဲ့ခေတ်ကြီးက
                          သူ့ပုခုံးပေါ်တင်ပေးလိုက်တဲ့ သမိုင်းတာဝန်ကို
                          သူဘယ်လောက်သယ်ပိုးထမ်းဆောင်ခဲ့တဲ့အချက်နဲ့တိုင်းတာရမှာ
                                                                       ( ဗန်းမော်တင်အောင် )
                                     ----               ---             -----
                          ကဗျာခေါင်းစဉ်ကို ထပ်ခါထပ်ခါ ဆို
                          ငါတို့ဟာ ပွက်ပွက်ထနေတဲ့သွေးတွေနဲ့ လူငယ်
                          အိပ်မက်ဖူးတွေ ပွင့်လာဖို့
                          မှော်ဆရာလို ပါးတွေဖောင်းလုမန်းမှုတ်နေစရာမလို
                          ကိုယ့်အစွမ်းကိုယ့်ဇနဲ့အနာဂတ်သစ်ကမ္ဘာဖန်တီးပစ်နိုင်စွမ်းရှိတာ
                          လောကလေဆန်ကို ခပ်ကြမ်းကြမ်းထိုးခွဲမယ့် ငါတို့ အရွယ်...လူငယ်

Friday, April 20, 2012

ညစ်ညမ်းလောက

မြင်းကျားနဲ့လိပ် အပြေးပြိုင်တာ
လိပ်နိုင်သွားသတဲ့…….၊၊

ဒေါင်းငှက်နဲ့ကျီးကန်း အလှချင်းပြိုင်
ကျီးကန်းအနိုင်ရသတဲ့……..၊၊

ကမောက်ကမ……
အို….လောကရေ…..
သင်ကိုယ်သင် ဆေးကြောပစ်ပါတော့ ၊၊

တိမ်ညိုတိမ်မည်းတွေကြား
လဟာ လုံးပါးပါးနေပြီ……..၊၊
ညစ်ညမ်းခြင်းတောင်စွယ်မှာ
အမှန်တရားဟာ နေကွယ်သွားခဲ့………….၊၊

                                           မောင်ရေချမ်း
                                ( ပြုံးစရာ မဂ္ဂဇင်း ၊ ၂၀၁၂ ဧပြီ )

Sunday, April 8, 2012

ငါ့ကို ခြေဖမိုးဖြူဖြူလေး ခိုး ခိုးနေတယ်

 အခု ငါ ပန်းပွင့်တစ်ပွင့်ထဲမှာ ၊၊အခု ငါ တငွေ့ငွေ့တောက်နေတဲ့ မီးလျှံတွေကြားထဲမှာ ၊၊ငါ့ကိုယ်ငါ ပြန် ပြန်ရှာတယ် ၊၊ငါမသိဘူး ၊၊ငါမရှိဘူးဆိုတဲ့အဖြေတွေညိုပုပ်အက်ကွဲလို့၊၊ ပျစ်ချွဲချွဲအရည်တွေငါတစ်ယောက်ယောက်တည်းပိုင်တဲ့ ကမ္ဘာမြေပေါ်မှာ   ချော်ထွက်စီးကျလို့၊၊
ဆစ်....ဆစ်..ဆစ်..နဲ့တဆစ်ဆစ် မြည်နေတာမှတ်ဥာဏ်ရဲ့သိမှုအပိုင်းအစတွေ၊၊
သေဖို့လက်တစ်ကမ်းအလို အော်ဟစ်ညည်းတွားခြင်းမျိုးတွေနဲ့ ငါ....အခု ၊၊
အခု...ငါ ပြန် ပြန်ရှာနေတာ ငါ့ကိုယ်ငါ ၊၊ သူ့အရိပ်လေးထဲမှာ သွားတွေ့တယ် ၊၊
 ငါ့စိတ်ဟာ သူ့ပါးပြင်ပေါ်မှာ ၊သူ့နဖူးပေါ်မှာ ၊ သူ့နှုတ်ခမ်းလွှာလေးပေါ်မှာ ၊ သူ့ဆံနွယ်စတွေကြားထဲမှာ ၊၊မြေကြီးအောက်က စိတ်ရဲ့ရင်ဘတ်ကိုမှ ဒေါက်ခနဲ ဒုတ်ခနဲစိုက်ဝင်လာတဲ့မုန်တိုင်းမြားတွေရဲ့ကြားထဲမှာ၊၊ သတိရခြင်းဟာရနံ့ပေါင်းစုံနဲ့မူးဝေထုံယစ်နေစေ၊၊အခုငါဟာအရှိန်ပြင်းပြင်းစီးဆင်းနေ တဲ့  မြစ်ထဲမှာ ၊၊သွေးကြောစိမ်းစိမ်းတွေ ရေစီးထဲမှာစီးနေတယ်၊၊ သဒ္ဒါအကျိုးအပဲ့တွေနဲ့ရည်းစားစာ  တစ်စောင်ရေးဖို့ကြိုးစားနေတဲ့ကောင်လေး ၊၊ ခန္ဓာကိုယ်  အတွင်းသား ကလပ်စည်းတွေ ၊အသားစတွေ တငွေ့ငွေ့ပူခြစ်လာ ၊၊ငါ့အရိုးထဲက အော်သံကို ပြန် ပြန် ကြားနေရတယ် ၊၊အဖြူဆွတ်ဆွတ်အဖြူ ၊ အမှောင်နက်နက် အမှောင် ၊၊လွင့်နေရတာ နေ့မှန်းမသိ ၊ညမှန်းမသိ ၊၊ဖြစ်တည်ခြင်းက
အနှောင်အဖွဲ့တွေနဲ့ ၊အကန့်အသတ်တွေနဲ့ထူထဲတဲ့နံရံတွေကြားထဲမှာ ၊၊သံယောဇဉ်ဆိုတဲ့ဝေါဟာရဟာ အသွားစိပ်တဲ့ ကြိတ်စက်တစ်ခုလို ၊၊အခု ငါ အိပ်မက်ထဲမှာ သူကျွေးတဲ့ပန်းသီးတစ်လုံးကို စားလို့ ၊၊အိပ်မက်နံနက်ခင်းမှာ ကပိုကယို နိုးထလာတဲ့ နှင်းစက်လေး ၊၊ အခု ငါ သူ့ရနံ့တွေကြားထဲမှာ၊၊
မနေ့ကလို...ဟိုနေ့ကလို၊၊ ကစားစရာအရုပ်ကျပျောက်သွားတဲ့ကလေးတစ်ယောက်လို၊၊
အိပ်မက်ဟာ စိတ်ကိုစားပြီးမှရှင်သန်ကြီးထွားတတ်တဲ့ ပိုးမွှား၊၊ အခုငါပန်းပွင့်တစ်ပွင့်ရဲ့ပျော့အိအိပွင့်ချပ်တွေထဲမှာ ၊၊           ၊၊



                                                                                                                                  မောင်ရေချမ်း

Wednesday, April 4, 2012

ကြယ်စင်ဖြူအတွက် အဖြူသက်သက်ကဗျာ

                          ကိုယ်တို့ရပ်နေတဲ့ မြေကြီးဟာ ညစ်ပေညိုပုပ်နေလား
                            .....................        ....      ၀င်းဝါစိုလဲ့နေလား
                            သေချာငုံ့ကြည့်ပါဦး .....       ကြယ်စင်ဖြူ
                            အမှန်တရားဆိုတာ
                            ဘယ်တော့မှ ခါးသွားမှာမဟုတ်တဲ့သစ်သီးတစ်လုံးဖြစ်ရဲ့   ၊ ကြယ်စင်ဖြူ  ၊၊


                            သမိုင်းဝင်ဝင်  ၊ မ၀င်ဝင်
                            ရဲရင့်တတ်သူတွေဟာ သူရဲကောင်းလို့အမည်တွင်မယ်
                            ကြယ်စင်ဖြူရယ်  ....
                            သေသူတွေသာ ကိုယ်တို့ကို အိပ်မက်ပေးခဲ့ရင်

Monday, April 2, 2012

ဒီလိုနဲ့ ဒုက္ခတွေကိုလက်ဆွဲနှုတ်ဆက်ကြည့်တယ်

                          ကံကြမ္မာက ရေနည်းရာမှ နေကျဲကျဲပူနေပုံများ     
                            မျှော်လင့်ချက်မြစ်က ရေတွေကောခန်းလို့ အိပ်မက်ငါးလေးတွေသေ
                            ဦးညွှတ်မယ်ဆို ညွှတ်သွားလောက်ပါရဲ့
                            ရှုံးနိမ့်ခဲ့    ........ ရှုံးနိမ့်ခဲ့
                            ကြိမ်ဖန်ထပ်စွာ ရှုံးနိမ့်ခဲ့
                            လောကဓံဒိုင်ရဲ့မျက်နှာသာမပေးမှုမှာပေါ့
                            အနီကတ်ပြခံထိခဲ့သူဟာ ...ကိုယ်ပါ   ၊၊

Thursday, March 29, 2012

ကောင်းကင်ပြိုရဲ့ရှိုက်ငိုသံ

                       အလွမ်းဟာ
                        တစ်ခါတစ်ခါ မျိုးစေ့မလိုဘဲ ဖူးပွင့်လာခဲ့
                        မှုန်ဝေခါးသက်မှုတွေနဲ့  ဟစ်အော် ...တမ်းတ
                        ချစ်သူရေ.........
                        အိပ်မက်အလင်းတန်းတွေ ကြဲမှုန်လွင့်ဖွာလို့
                        အနက်ရောင်လဲ့လဲ့ညတွေဟာ အကျည်းတန်စွာလှပ
                        ဆိုညှင်းဖွဲ့ဝေခဲ့ဖူးတဲ့ ရင်ခုန်သီချင်းတွေ
                        အခုတော့ ဖြူရော်တိုးဖျော့သွား
                        အသည်းကွဲတယ်ဆိုတာ
                        တကယ်တော့ နှလုံးသားတစ်ခုလုံးအစားခံလိုက်ရတာ
                        ပန်းတွေ မမွှေးတော့ဘူး
                        သီချင်းတွေ မလှတော့ဘူး
                       ချစ်သူရေ.............
                       ညွှတ်သွယ်ပျော့ပျောင်းတဲ့ မေတ္တာတရားတွေနဲ့
                       ညင်သာနူးညံ့စွာ
                       တကယ့်ကို အိစက်သိမ်မွေ့စွာ ချစ်ခဲ့တာ
                       ကိုယ် ချစ် ခဲ့ တာ

Sunday, March 25, 2012

မထူးဇာတ်

              ဆေးမစွမ်းမှန်းသိရက်နဲ့
              ကျောကုန်းမှာ ဂဠုန်ရုပ်ထိုး
              ဥုံ လို့ မန်းမှုတ်မနေတော့ဘူး
              ဘုရားတစ်ဆူနဲ့  တစ်ဆူကြား
             လူမိုက်တွေများတယ်
              ရှိစေတော့        ၊၊          
                                                မောင်ရေချမ်း

Tuesday, March 20, 2012

သူတို့အကြောင်း သူများရေးတဲ့ဒိုင်ယာရီ

       သူတို့အကြောင်းဆို ဘာမှထွေထွေထူးထူးမရှိဘူး
        ဒါပေမယ့်  စက်ဆုပ်မှုတွေ  ၊ရွံ့ရှာမှုတွေတော့ ထူထူထဲထဲ ဝေါ့ ခနဲ ထိုးအန်လာလိမ့်မှာ
        ဒါတော့ အသေအချာပဲ
        ကဲ.. ယုံကြည်ထားစမ်း
        အတိတ်မှာလည်း ဒီလိုလူမျိုးတွေရှိခဲ့တယ်ဆိုတာ

Sunday, March 18, 2012

ကိုယ့်အိပ်မက်ကိုယ်ပြန်မရတဲ့ရင်ခွင်ပျက်

                                                         ( ၁ )

                                 အိပ်မက်ကောက်ကြောင်းတွေ လှိုင်းတွေထ
                                 ရင်ဝသို့ စူးနစ်ထိုးဖောက်
                                 မူးယစ်ဝေရီခဲ့လေသော လေညင်းရယ်သံအပိုင်းအစများ
                                 အတိတ်ကို ပြန်ခေါ်သွားတယ်
ေ၀၀ါး .....ေ၀၀ါး ....ရှတထုံကျင်လေသောစိတ်များ
                                 ၀ိုးတ၀ါးေ၀၀ါး .......နှလုံးသားဟာ ကြွေပျက်အိပ်မက်တွေထက်
                                 အိပ်စက် ....လဲလျောင်း
                                 အမှောင်တွေ ဟောင်းလောင်းပွင့်လေသော ညများ
                                 မျှော်လင့်ချက်ချိုတစ်ဝက် ခါးတစ်ဝက်
                                 အလွမ်းတွေဟာ မတ်စောက်လို့ ချောက်တွေလိုနက်သထက်နက်ခဲ့    ၊၊

Tuesday, March 13, 2012

ကိုယ်တို့ဘ၀ဟာ ပုပ်ပွပွကဗျာ

တရုတ်ကားထဲ စကားတွေခဏငှားပြောရရင်တော့
“ ဒီလို အဖြစ်မျိုးတွေ တကယ်ရှိလား ”
 “ မတရား သက်သက်ခံနေရတာပါ ”
ဘ၀ဟာ ပြတင်းပေါက်တွေများတဲ့အိမ်တစ်လုံး
တစ်ယောက်ရှူမယ့်လေ တစ်ယောက်လုရှူကြတဲ့ရပ်ဝန်း
ပညာသည်တွေနဲ့ကစားနေရတဲ့ ဖဲဝိုင်း
ဘာမသိညာမသိလမ်းပေါ်မှာ ကိုယ့်ဒုက္ခကိုယ်ထမ်းပြီးလမ်းလျှောက်နေရတာ
ချိနဲ့နဲ့အိပ်မက်တွေကို အသက်ရှည်ဖို့ရေလောင်းပေါင်းသင်ရင်းနဲ့ပေါ့
ဒါပါပဲ
မ......တရား......သက်...သက်...
မ.....တရား.....သက်...သက်
တရားတာတွေကို ......ငတ်....မွတ်.......၊၊

                                                  မောင်ရေချမ်း

Friday, March 9, 2012

ကဗျာဟာ ခါး ခါးလာ

     နေ့သည်လည်းကောင်း   ညသည်လည်းကောင်း
       တစ်နေ့ထက်တစ်နေ့ တစ်ညထက်တစ်ည ငြိမ်းချမ်းစေကြောင်း
       ဆုတောင်းရင်းဖြင့် ဒီကဗျာအဖွင့်ကိုစတင်လိုက်တယ်
       ချစ်ခြင်းတရားဟာ မှော်ဆရာရဲ့လက်ထဲကဆေးတောင်ဝှေးလေးလို
       တဖြည်းဖြည်း သေးကွေးလာ
       အို….ကမ္ဘာလောက
       မီးတောက်တွေ ကင်းစင်လို့ ကြွရွလှပနေပါစေတော့

       အရာရာဟာ မှုန်ပြဝေရီလို့ အလေအလွင့်ခေတ်ထဲ အလွင့်အလေများတယ်
       တစ်ခုခုတော့ တစ်ခုခုပဲတစ်နေရာမှာ လွဲချော်နေတာ
       ငေးရင်းလွမ်းရင်း    ၊ လွမ်းရင်းငေးရင်းနဲ့ အလေအလွင့်ခေတ်ထဲမှာ
       ပြာလဲ့အက်ရှလို့ ကြေကွဲနေရ
       ခြင်မတစ်ကောင်သန္ဓေအောင်ဖို့ သွေးကိုအရေးတကြီးလိုနေသလိုမျိုး
       မုန့်ဟင်းခါးစားပြီး အပူတပြင်းရေငတ်နေသလို
       နှလုံးသားသွေးထဲ ၊ ခန္ဓာကိုယ်ထဲ ရင်ဘတ်ထဲ အိပ်မက်ထဲ
       အပြင်းအထန် စွဲစွဲလန်းလန်းတောင့်တနေတာ
       “တရားမျှတ လွတ်လပ်ခြင်းနဲ့မသွေ ”
        “တရားမျှတ လွတ်လပ်ခြင်းနဲ့မသွေ”

Monday, February 20, 2012

ဒီလိုနဲ့ ဒီလိုပါပဲ

                          ဒီလိုပါပဲ
                          ရင်ဘတ်လို့အမည်တပ်ခံရတဲ့နေရာမှာ
                          အိပ်မက်အနွမ်းတွေနဲ့ ထူထူလာခဲ့တာ
                          တစ်နေ့တစ်နေ့ပေါ့  ကိုယ့်ဘ၀ဟာအငွေ့သေလာခဲ့
                         
                          ဒီလိုပါပဲ
                          အလွမ်းတွေနဲ့ ဖိုသီဖတ်သီ
                          ဆန်တစ်ပြည်ဈေးကလဲ လည်ချောင်းကိုပိတ် ပိတ်ကန်နေတာခံရ
                          ဒုက္ခတွေက ဈေးပေါလို့ လူဈေးတွေလဲကျကုန်ကြတာ
                        
                           ဒီလိုပါပဲ
                           မနက်ခင်းတွေလည်း အရောင်ဆိုးခံရတယ်
                           ညနေခင်းချိုချိုတွေလည်း အခိုးခံရတယ်
                           ခေတ်က ၀ါးမျိုသွားတာ
                           လူတွေ  အိပ်မက်တွေ ဘ၀တွေ မျှော်လင့်ချက်တွေ ရင်ခုန်သံတွေ
                           ပက်ပက်စက်စက်သေကုန်ကြ
                           ရက်ရက်စက်စက် အသတ်ခံရတယ်
                    
                           ဒီလိုပါပဲ
                           ကိုယ်ဟာ ဘာကိုလွမ်းလို့လွမ်းမှန်းမသိလွမ်းနေရ      ၊၊            ၊၊
                                                                                                မောင်ရေချမ်း

Saturday, February 18, 2012

ရန်ကုန်

အဓိက မှာချင်တာ တွေ့ရာ မစားနဲ့
ယင်နားစာတွေ ပေါတယ် ၀မ်းပျက်လျှောဖြစ်ဖို့ လွယ်တယ်
လမ်းဘေးဆိုင်တွေ ပေါတယ်
ဖိနပ် အဟောင်းတွေ စီးပြီး လမ်းကြီးကြီး လျှောက်သူတွေပေါတယ်
လမ်းတွေပေါသလောက် ချိုင့်တွေလည်းပေါတယ်

ပေါတယ်... ပေါတယ်
လူတွေ ပေါတယ်
လမ်းတွေ ပေါတယ်
ကားတွေ ပေါတယ်
စိတ်ကို သတိဆွဲထား

အိပ်မက်ခါးခါး

                          ကျွန်တော်ဆိုတဲ့ကောင်ဟာ
                           အခုတော့ အမှောင်ထဲမှာရက်ရက်စက်စက်ပွင့်ဖူးနေရတာ
                           ကံကြမ္မာက ကျွန်တော့်ကိုမသနားဘူး
                           အရှင်လတ်လတ်
                           ကျွန်တော်ဆိုတဲ့ကျွန်တော်ကို အရှင်လတ်လတ် မြေမမြုပ်ပဲသတ်ပစ်တာ
                           (လွမ်းတယ် )
                           ဒီစာလုံးပေါင်းကို ကျွန်တော်ကောင်းကောင်းပေါင်းတတ်ခဲ့ပြီ
                           မျှော်လင့်ခြင်းထမင်းထုပ်လေး သိုးလို့
                           ကျွန်တော့်သက်တန့်လေးတစ်ခု ကျပျောက်သွားပြီ
                           အလွမ်းနှင်းဆီတွေ ကျွန်တော့်ဥယျာဉ်မှာမစိုက်ပဲပွင့်ကုန်ကြ
                           ကြေကွဲသံစဉ်တွေနဲ့ ထစ်ထစ်ချုန်းချုန်းငိုကြွေးကြ
                           ရီပြာထုံထိုင်းလို့ အိပ်မက်ရိုင်းတွေ ကိုက်ခဲကုန်တာ ဒီနေ့
                           ဝေ မှုန်  ကြဲ   လွင့်
                           ပွင့်  ကြွေ  ညှိုး ရော်
                           ခါး   ကြမ်း   ရှ  သက်
                           နှလုံးသားကတော့ အလွမ်းတွေနဲ့ လွင့်ထုံညှို့ဆိုင်းလို့        ၊၊             ၊၊
                                                                                               မောင်ရေချမ်း
                                                                                 ( Hello အနုပညာ ဂျာနယ်၊Vol.3/Issue46/July/2012)

Thursday, February 16, 2012

အတိတ်

   ပြီးခဲ့ပြီးပြီ
   စာရွက်တွေဝါကျင့်လို့ နောက်ဆိုကြေသွားတော့မယ်
   အခုတော့လည်း ဒီဇာတ်လမ်းမှာ သူဟာဇာတ်လိုက်
   နောင်တစ်ချိန်စာမျက်နှာပေါ်မှာ မင်နီတွေနဲ့နာမည်ကြီးဦးမှာ    ၊၊       ၊၊

                                                                    မောင်ရေချမ်း

Saturday, February 11, 2012

မနက်ဖြန် သို့… မျှော်လင့်ခြင်း


                                   

            မှိုတက်နေတဲ့မြို့ပျက်အိုအိုမှာ မနေချင်ဘူး
         အလန်းဆုံးဝတ်စားဆင်ယင်ပြီးအလန်းဆုံးအနာဂတ်တစ်ခုဆီပဲသွားချင်တာ
          ပြကွက်ဆန်းတွေတော့ မကြည့်ချင်ဘူး
          ထူးထူးဆန်းဆန်းကတိတွေလာမပေးနဲ့ ( တကယ်မကြားချင်ဘူး )
          ဇာတ်သိမ်းလှလှလေးမြင်ရရင်ကျေနပ်နေတာ
          တခါတခါ လှလှပပပွင့်ဖူးခွင့်မရတဲ့ဘ၀တွေကိုသနားတယ်
          တခါတခါ  မျှော်လင့်ချက်ဖဲ့ချွေနင်းချိုးတဲ့ပုတ်ပွပွဘီလူးတွေကိုမုန်းတယ်
          တခါတခါ  အိပ်မက်တွေက အိပ်မက်တွေလိုပဲကျန်ကျန်ခဲ့တယ်
          ရာဇ၀င်ထဲက အနော်ရထာနဲ့ကျန်စစ်သားကို သဘောကျတာ အခုထိပဲ
          မကောင်းဘူးလား (လွှတ်ကောင်း )
          ကဲ ..ပြောကြပါတော့  ဒီစိတ်ကူးတွေကိုရူးတယ်လို့ပဲ   ၊၊      ၊၊
                                                                             
                                                                                  မောင်ရေချမ်း
                                                                  
                    

Saturday, January 28, 2012

သွေးထွက်သံယိုအလွမ်း

                အနိမ့်အမြင့် သဘောတွေက             
                ဖဲသမားတစ်ယောက်ရဲ့အိတ်ကပ်လို ပိန်လိုက်ဖောင်းလိုက်
                အိပ်မက်လရိပ်ပြာလေးတွေ ဘယ်ဆီဘယ်ဝယ်
                ပွင့်တချို့ ဝေတချို့ ယုံကြည်ရာတွေ
                သံလမ်းအောက်က ဇလီဖားတုံးတွေလို ကန့်လန့်ဖြတ်အနင်းခံရတယ်
                အတက်အကျက ရိုလာကိုစတာစီးနေရသလို
                တခါတလေ တစ္ဆေအိပ်မက်တွေက အော်ငိုပစ်ချင်လောက်အောင် စိုးကြောက်ရ
                မိုးရေထိုးထားတဲ့လွတ်လပ်ခြင်းတွေကို မုန်းတယ်
                အမှန်တရားဆိုတာ ၀တ်ရုံအနက်လွှမ်းပြီးပုန်းလျှိုးကွယ်လျှိုး
                တစ်ရက်တစ်ရက် အသက်ရှူပိုကျပ်နေသူတွေ သိပ်များမှာပဲ
                အချိန်ဆိုတာ သမားတော်မဟုတ်ကြောင်းငြင်းဆိုချက်ဖွင့်ချင်တယ်
                ဘာမှကုစားမနိုင်ခဲ့တဲ့အချိန်တွေ အချိန်တွေကြားမှာ ပက်လက် မှောက်ခုံရင်ခုန်သံတွေ
                စီဒီစုတ်တစ်ချပ်လို အ ထစ်နေတဲ့အနာဂတ်တွေရေ
               ကိုယ်တို့ဘ၀တွေဟာ ၀တ္ထုစာအုပ်တစ်အုပ်ဆို စလယ်ဆုံးကိုယ်ဘာသာပဲရေးပစ်ချင်တာ ၊၊     ၊၊
                                                                                                      မောင်ရေချမ်း

Tuesday, January 24, 2012

မအက္ခရာ

 ကျွန်တော့်ရင်ဘတ်ကိုခွဲကြည့်မည်ဆိုပါကမမဟူသောအက္ခရာလေးကို တခမ်းတနား   ထုထွင်းထားကြောင်း    မြင်တွေ့ ရမည် ဖြစ်သည်....၊၊

                  မျှော်လင့်ချက်တွေ ညှီုစို့ပုပ်သိုးသွားသောနှလုံးသားသည် အိပ်မက်ထဲမှာသူ့ကိုမြင်တော့ပြန်ပြီး    လန်းဆန်းလာ တတ်မြဲဖြစ်သည် ၊၊တကယ်တော့ အချစ်ဆိုသည်မှာ ဖောက်လွဲဖောက်ပြန်နိုင်လှသော ရာသီဥတုလိုသာဖြစ်သည် ၊၊ ခန့်မှန်း၍ ခက်လှပါသည် ၊၊ နမ်းရှိုက်ခွင့်မရှိခဲ့သော ပါးပြင်ကိုလွမ်းနေသူအား မိုက်မဲသူအဖြစ် သတ်မှတ်မည်ဆိုပါက   ကျွန်တော်သည်လူမိုက် တစ်ယောက်ဖြစ်ပါသည်၊၊သိမ်းထားခွင့်မရ ခဲ့သောမျက်နှာလှလှလေးကိုနှလုံးသားထဲတွင်သိမ်းဆည်းထားမိသူအားရူးသွပ်သူအဖြစ်ပြောကြမည်ဆိုပါက   ကျွန်တော်ရူးခဲ့မိပါသည် ၊၊ဆုပ်ကိုင်ခွင့်မရခဲ့သော လက်ချောင်းသွယ်သွယ်လေးများကို တမ်းတနေမိသူအား အဓိပ္ပါယ်မဲ့သည်ဟုယူဆကြမည်ဆိုပါက ကျွန်တော်အဓိပ္ပါယ်မဲ့စွာရင်ခုန်ခဲ့ပါသည် ၊၊
  မည်သို့ပင်ဖြစ်စေကာမူ ကျွန်တော့်နှလုံးသားသည် အဝေးအရပ်သို့ လွမ်းတတ်နေခဲ့ပြီဖြစ်သည်၊ နှလုံးသားကို တူးဆွပြီးအတိတ်ကို ပြန်တမ်းတမည်ဆိုပါက ပျော်စရာအတိနှင့်နေ့စွဲများပင်ဖြစ်ခဲ့ပါသည် ၊၊

ရှင်တို့ ကျွန်မလင်ကို ပြန်ခေါ်ပေး

                          ဟိုး…….အဝေးဆီ

                          ဟိုး….အဝေး

                          ကျွန်မကလေးတွေနဲ့အဝေး ….ကျွန်မနဲ့အဝေးကို

                          သူထွက်သွားတယ်…၊၊

Friday, January 13, 2012

ပိတ်လှောင်ရင်ခုန်သံတွေကို ဒီလိုဖွင့်ချကြည့်တယ်

ဘ၀ခါးခါးတွေ နည်းနည်းအရသာရှိသွားအောင်
မျှော်လင့်ချက်ဆားပါးပါးခပ်ပေးပါ
အမေအိုတစ်ယောက်က အခုထိသားပျောက်ရှာနေတုန်း

Sunday, January 8, 2012

ဒိုင်စားတယ် ၊နောက်အလှည့်ထပ်မျှော် ၊အိပ်မက်အသစ်တွေခေါ်ခဲ့

                        တစ် ယောက်
                         နှစ် မျိုး
                         သုံး ဦး
                         လေး သန်း
                        ( အဲဒါမျိုးပြပစ္စည်းတွေ ၊။ )
                         တဖြည်းဖြည်း ရွေ့ရွေ့လာ ကျောင်းသင်ရိုးကိုချောင်းကြည့်
                         တရံရောအခါက မြစ်ကမ်းပါးမှာ အိပ်မက်တွေငုပ်တုပ်ထိုင်နေတယ်
                         မီးသေသွားတဲ့ ဆေးပေါ့လိပ်မှာ ကိုယ်တို့တွေပါ အငွေ့သေလို့
                         ကဲ...ပြောစမ်း
                         ဒီတစ်နေရာတည်းမှ မိုးကကွက်ခေါင်နေတာဘယ်သူယုံမလဲ

Friday, January 6, 2012

လှောင်ပိတ်ခုနစ်များ

              မလွမ်းချင်တဲ့ ခုနစ်တွေချည်း ပြန် ပြန်လွမ်းနေမိ
              နှလုံးသားက နာကျင်တတ်တော့လည်း အခက်သား
              မနေ့ကရဲ့မနေ့ကတွေအကြောင်း စိတ်ထဲကိုပစ်ချကြည့်တော့
              ညှီုစို့ပုပ်ပွနေသော သူတို့မျက်နှာများ 
              အတိတ်ခါးခါးဟာ ဒဏ်ရာဗလပွနဲ့ ရှ-  အက်-ထုံ- ကျင် လို့
              မျှော်လင့်ချက်မြက်ပင်လေးတွေ မွဲညိုသွေ့ခြောက်လို့
              အချိန်တွေဟာ တိမ်အုပ်မည်းမည်းတွေလို တစ်သုတ်ပြီးတစ်သုတ်ရှပ်ပြေး
              မထူးဇာတ်ထဲမှာ ထူးပြီးလှမလာခဲ့တာ
              ကိုယ်တို့ဟာ ပွဲခင်းထဲကပရိသတ်တွေ
             အတောင်ချိုးခံလိုက်ရတဲ့ ငှက်တွေလှောင်ချိုင့်ထဲမှာ သေခဲ့ဖူးပြီ 
             ကိုယ်တို့ အိပ်မက်တွေ ပုံပြင်ပျက်ထဲမှာ သေခဲ့ဖူးပြီ ၊၊          ၊၊

                                                                                                             မောင်ရေချမ်း

Monday, January 2, 2012

လွန်ခဲ့တဲ့ အတိတ်တွေနဲ့တွန်းမိတိုက်မိ

                           လွမ်းလိုက်တာ
                           အချိန်တွေက အပျက်ပျက်နဲ့နှာခေါင်းသွေးထွက်
                           စီးကရက်တစ်တိုင်စာ ဘ၀တိုတိုလေးမှာ
                           အိပ်မက်တွေကို မျှော်ရတာ မုန်းစရာ
                           နှုတ်ခမ်းစူ မျက်စောင်းထိုးနေတဲ့ဒုက္ခလှလှလေးတွေကို တခုတ်တရနမ်းပွေ့
                           လွန်ခဲ့သောနှစ်များ
                           ရင်ဘတ်မှာ သွေးစက်တွေနဲ့
                           ဒဏ်ရာဆိုတာ အမှတ်တရတဲ့
                           ခင်ဗျားလည်း စိတ်ပါရင်လွမ်းကြည့်ပါလား
                           ရင်ကိုထိတယ် စိတ်ကိုငြိတယ်
                           သူတို့တွေပေါ့
                           တကယ်သေချာတယ်  ...ဘယ်ဘီလူးမှ မင်းသားခေါင်းဆောင်းလို့
                           ထူးပြီးမလှလာခဲ့တာ
                           ကဲ....ပက်ပက်စက်စက်လွမ်းကြရအောင် ၊၊        ၊၊

                                                                                               မောင်ရေချမ်း