Tuesday, August 18, 2015

ငါ့ငယ်သူငယ်ချင်း စစ်တက္ကသိုလ်ကျောင်းဆင်းပြီးတဲ့အခါ


တစ်ယောက်တည်း စိတ်ပျက်ဝမ်းနည်းလာတဲ့အခါ
ဟိုး..တုန်းက ဓာတ်ပုံကို ထုတ်ကြည့်ဖြစ်တယ်
ငါ့ငယ်ဘဝဟာ ဆေးသားပြယ်လွင့်လာ
တစ်ယောက်နဲ့တစ်ယောက်
အသံမြည်ရုံကျိုက်ထီးရိုးသေနတ်တွေနဲ့စစ်ဖြစ်တမ်းကစားခဲ့ကြ

အားခနဲအော်ပြီးကားခနဲ မင်းလဲကျသွားချိန်
ငါ့မှာ မျက်ရည်စို့ခဲ့ရ

အခုတော့ တစ်ယောက်နဲ့တစ်ယောက်က
နယ်ပယ်ကျင်လည်ရာချင်းခြားလို့
စစ်ဖြစ်နေရပေါ့

ငါ အားခနဲအော်ပြီး ကားခနဲလဲကျသွားချိန်မှာ
မင်းမျက်ရည် ငါ့အတွက်စို့ဦးမှာလား

မင်းတို့ကိုင်ထားတာ
ကျိုက်ထီးရိုးသေနတ်မှ မဟုတ်ဘဲကွာ။ ။

                              မောင်ရေချမ်း
                     30March2015

Monday, August 17, 2015

ဒီဒုက္ခဟာ ရေးလို့ ဖတ်လို့ မကောင်းတဲ့ကဗျာ

အစကတည်းက ရေမွန်းနေတဲ့နိုင်ငံကိုမှ
အရင်ကတည်းက ရေနစ်နေတဲ့အနာဂတ်ကိုမှ
အဲဒီရေတွေဟာ ရေမဆန်စွာရောက်လာတာပဲ

ဆဲစရာဟာ စုံနေတဲ့အခါ
ဘယ်ဟာကို စဆဲရမလဲ ဝေဝါးလို့
မိမိကိုယ်မိမိပြန်ဆဲပြီး ယူကြုံးမရဖြစ်ခြင်းကစမယ်

ရေလွှမ်းသွားသော ရုတ်ရုတ်သဲသဲနေ့များ
ရသလောက်အရိုင်းမခံဘဲရုန်းကန်ကြမယ်
ရေကို ယဉ်ကျေးစွာတုံ့ပြန်မယ်

လပြည့်နေ့မှာ


လပြည့်နေ့ဆိုတော့
ဘုရားမှာ လူစည်ကား။

အနာဂတ်မပြောင်သေးတဲ့လူတွေဟာ
အနာဂတ်ကိုရည်စူးလို့
ဘုရားကို ရွှေချရ။

ငရဲပြည်ရောက်နေသလို လူတွေဟာ
နိဗ္ဗာန်ရလိုကြောင်း ဆုတောင်းရ။

တစ်ခါပြီးတစ်ခါ လာတယ်
လတွေဟာ အခါခါပြည့်
မျှော်လင့်မှုတွေဟာ ဘယ်တော့မှ မပြည့်။

ဒီလိုနဲ့
လပြည့်နေ့။

                         မောင်ရေချမ်း

ငူငိုင်မနေဘဲ ငေါက်ခနဲထထိုင်ဖို့ ဒီလူနာကို နှိုးပေးကြပါ


နာတာရှည်ရောဂါနဲ့အိပ်ယာထဲ လဲနေတဲ့လူနာကိုပဲ
တစ်ခါလည်းမဟုတ် နှစ်ခါလည်းမဟုတ်
ဘေးဒုက္ခတွေဟာ ဘင်တွေဗုံတွေတီးပြီး ဝင်လာတာ

ဗျိုင်းတွေလိုပျံဖို့ကြိုးစားနေဆဲလူနာပါ
ဗွက်တောထဲလဲနေတဲ့ ဖိနပ်မပါခြေထောက်များပါ
ဆင်းရဲလွန်းလို့ကလီစာတွေ ရောင်းစားခဲ့မိသူပါ

လူနာဝတ်ထားတဲ့ ချို့တဲ့စုတ်ပြဲအင်္ကျီမှာ
လွတ်လပ်ရေးနဲ့ငြိမ်းချမ်းရေးဆိုတဲ့စာတန်းပါတယ်
ဒါပေမဲ့ ချေး(ကြေး)အထပ်ထပ် ဖုန်အထပ်ထပ်ကပ်လို့
ဖတ်ဖို့ မြင်ဖို့ ခက်လွန်းနေပြီ

လူမဖတ် သူမဖတ် ကဗျာစာအုပ်တစ်အုပ်


ပျော်ပျော်ကြီးပြေးလာသလို
အဲဒါနဲ့ပဲ ငါတို့ ဒုက္ခတွေ့တော့တာပဲ

တစ်ထစ်ချင်းတက်လာတာ
တစ်ကွေ့ချင်းကွေ့လာတာ

စာအုပ်တွေပါခဲ့တယ်

တစ်အုပ်ပြီးတဲ့အခါ
နောက်တစ်အုပ်ရှာဖတ်ခဲ့ကြတယ်

အရူးတွေကို ရပ်ကြည့်
ပြီးတော့ ရယ်နေရတာ ရူးဖို့ကို စိတ်နာတဲ့အထိ

အဲဒါနဲ့ ရောဂါရတော့တာပဲ
ဖတ်လက်စစာအုပ်ကို ဘယ်သူ ငှားသွားသလဲ။ ။
                         
                                မောင်ရေချမ်း