Saturday, October 17, 2015

စက်တင်ဘာကို မမေ့နဲ့


စက်တင်ဘာကို မေ့ပစ်လိုက်ရင်တောင်
စက်တင်ဘာက သမိုင်းမှာ လိုက်ပါလိမ့်မယ်
ဒါကြောင့် စက်တင်ဘာကို မမေ့နဲ့

အမှောင်တိမ်တွေအောက်မှာ
တဝေါဝေါသွန်ချနေတဲ့
မတရားမှုမိုးစက်တွေအောက်မှာ
စက်တင်ဘာဟာ ရွှေဝါရောင်တောက်ခဲ့ဖူးတယ်
အဲဒီစက်တင်ဘာကို ဘယ်တော့မှ မမေ့နဲ့

"ဗိုလ်ချုပ်ပေးတဲ့ စစ်ပညာ
  ပြည်သူတွေကို သတ်ဖို့ မဟုတ်ဘူး"
အဲဒီအသံတွေ
ွသွေးအိုင်ထဲမှာ ပေလူးသွားခဲ့ဖူးတယ်
အဲဒီစက်တင်ဘာကို မမေ့နဲ့

Monday, August 17, 2015

ဒီဒုက္ခဟာ ရေးလို့ ဖတ်လို့ မကောင်းတဲ့ကဗျာ

အစကတည်းက ရေမွန်းနေတဲ့နိုင်ငံကိုမှ
အရင်ကတည်းက ရေနစ်နေတဲ့အနာဂတ်ကိုမှ
အဲဒီရေတွေဟာ ရေမဆန်စွာရောက်လာတာပဲ

ဆဲစရာဟာ စုံနေတဲ့အခါ
ဘယ်ဟာကို စဆဲရမလဲ ဝေဝါးလို့
မိမိကိုယ်မိမိပြန်ဆဲပြီး ယူကြုံးမရဖြစ်ခြင်းကစမယ်

ရေလွှမ်းသွားသော ရုတ်ရုတ်သဲသဲနေ့များ
ရသလောက်အရိုင်းမခံဘဲရုန်းကန်ကြမယ်
ရေကို ယဉ်ကျေးစွာတုံ့ပြန်မယ်

Sunday, July 26, 2015

နိုင်ငံတော်ဆိုတာကို အကြည်ညိုမရှိ !


နိုင်ငံတော်မှာ
ကလေးကအစ ခွေးအဆုံး အားလုံးပါတယ်
နိုင်ငံတော်မှာ
လူငယ်ကျောင်းသားဟာ အနာဂတ်များပေါ့
ဒါထက် ရိုးရှင်းတာ ဘာမှမရှိ
အနာဂတ်ကို ဖူးဖူးမှုတ်ထားတဲ့နိုင်ငံတော်ဆိုရင်
ငါတို့ဟာ ဖင်ဘူးထောင်ပြီးကို ကြည်ညိုကြရမယ်
ဒီလိုသာ တွေးခေါ်ခဲ့

လမ်းမှာ ယိုင်ထိုးထိုးဖြတ်သွားတဲ့အရက်သမားက
အော်ပြောသွားတယ်
ဒီနိုင်ငံတော်မှာ လူထုခေါင်းဆောင်နဲ့
ဒီနိုင်ငံတော်မှာ လူတစ်စုခေါင်းဆောင်နဲ့
ငါတို့ဟာ ကိုယ့်ဟာကိုယ်သာ ကြည်ညိုကြပါစို့ တဲ့
ဟေ့..လူ ! ခင်ဗျား သိပ်မှန်တယ်
အရက်သမားစကားဟာ သမ္မတစကားထက် ပိုကြည်ညိုစရာကောင်းကြောင်း ငါသတ်မှတ်တယ်

အကာအကွယ်ပေးနိုင်ပါတယ်ဆိုတဲ့ တရားဥပဒေဟာ သုံးပြီးသားကွန်ဒုံးကြီးလို မလုံခြုံရင် အသက်အန္တရာယ်ရှိကြောင်း ခေါင်းလောင်းတီးခြင်း


လမ်းထဲမှာ သူခိုးသောင်းကျန်းချက်ကတော့ ပိုးစိုးပက်စက်ပဲ။
ဟိုတလောကတင် ညဘက် ရပ်ထားတဲ့ကားက ဘတ်ထရီအိုးဖြုတ်သွားတယ်။
ပြီးခဲ့တဲ့နေ့ကတော့ ကိုယ့်အိမ်ရှေ့မှာ ရပ်ထားတဲ့ဆိုင်ကယ် အိမ်ထဲမှာလူတွေရှိနေတဲ့ကြား ဘယ်လိုမ သွားလဲကို မသိဘူး အံ့ရော။ သူခိုးကို အပြစ်မတင်ရက်ပါဘူး။ ခွေးတွေလောက်တောင် ဟောင်ဖော်မရတဲ့ တရားဥပဒေစိုးမိုးရေးဆိုတာကြီးကိုပဲ ခဲနဲ့ထုချင်လာတယ်။ ဆိုင်ကယ်အလုခံရတုန်းကလည်း တရားခံမပေါ်။ ဒီနိုင်ငံက တရားဥပဒေဆိုတာဟာ ရာဇဝတ်မှုမကျူးလွန်တဲ့လူကောင်းတွေကိုဖမ်းတဲ့နေရာမှာပဲ အလွန်တော်တယ်။
                   -------- -----------

မင်း လွယ်ထားတဲ့မြွေအရေခွံအိတ်ဟာ အနာဂတ်တဲ့လားကွာ


"သူများသောက်ပြီးသား ဘီယာပုလင်းခွံတွေဟာ
တစ်စုံတစ်ယောက်အတွက် ညစာ"တဲ့လား
တခြားသူတွေနားလည်အောင်
ငါ ဘယ်လိုပြောပြရမလဲ...ကလေး လေး

"ဘုရားရှိခိုးလည်း မထူးဘူး
အစိုးရကလည်း ထမင်းလာမကျွေးဘူး
ကိုယ်ကောက်မှ ကိုယ်စားရတာ"
ဆိုတဲ့ မာတင်းတဲ့မင်းယုံကြည်မှုဟာ
ဘာသာမဲ့တစ်ယောက်လိုပြောစေသလား
သူပုန်တစ်ယောက်လိုပြောစေသလား
ဘယ်လိုပဲဖြစ်ဖြစ်...
"ကိုယ်ကောက်မှ ကိုယ်စားရတာ"ဆိုတဲ့
မင်းအဘိဓမ္မာမှာ ငါ ဖျားခဲ့ပါပြီ ။

Tuesday, June 16, 2015

ငတ်နေတဲ့စစ်သားလေးတွေ

ငါတို့
ကျည်ဆန်သုံးတောင့်ကို ရောင်းစားလိုက်တာ
ပေါင်မုန့်ငါးချပ်ပဲရတယ်

သေနတ်မပစ်ချင်တော့ဘူး
သေနတ်က ဒိုင်းခနဲကျည်တစ်တောင့်ထွက်သွားရင်
ငါတို့ ပေါင်မုန့်ချပ်တွေ လျော့မယ်

ရဲဘော်ရဲဘက်တွေက သေပြီ
ရန်သူတွေက ဘယ်မှာလဲ မသိတော့ပါ
ရိက္ခာက ပြတ်နေတာ ကြာပြီ
လူတွေ့ရင် ပေါင်မုန့်ရဖို့ပဲ ငါတို့အားခဲ
ကိုက်စားလို့မရတဲ့သေနတ်က ပုခုံးပေါ်မှာ လေးတယ်
ခပ်ဝေးဝေးမလျှောက်နိုင်တော့ဘူး
တအားဆာလောင်လာတဲ့ နောက်ဆုံး
ငါတို့ဟာ အချင်းချင်းသတ်ဖြတ်စားရတော့မလား
ကမ္ဘာထဲ...
တူညီဝတ်စုံနဲ့စစ်သားလေးသုံးယောက်
မရှိတဲ့လမ်းကိုလျှောက်နေတော့တယ် ။ ။

 

                                            မောင်ရေချမ်း

Thursday, March 26, 2015

အဲဒီ့တီရှပ်ပေါ်က ချေဂွေဗားရား


အဲဒီ့တီရှပ်ပေါ်က ပုံကိုပဲ ငါ့မှာ ငေးကြည့်နေရ
ဆံပင်အရှည်နဲ့... ချေဂွေဗားရား
သူများဒုက္ခတွေကိုတော့ ဒုက္ခခံပြီးရိတ်ညှပ်ပေးခဲ့သူ
သူ့ဆံပင်သူတော့ ညှပ်ဖို့အချိန်မရှိခဲ့ရှာ

သူဟာ
တီရှပ်ပေါ်ကနေ
လူငယ်တွေကျောကုန်းပေါ်
ပြီးတော့ရင်အုံပေါ်အထိ ခုန်ကူးလာ
ချေဂွေဗားရားရေ...
ခင်ဗျားဘယ်လိုလူစားလဲမသိဘဲ ခင်ဗျားပုံကိုတက်တူးထိုးထားသူ လူငယ်များကိုတွေ့ရင်တော့
ကျနော့်မှာ သူတို့အစား ခင်ဗျားကို အားနာ ။

ခင်ဗျားတိုက်ခဲ့ပါတယ်
ကိုယ့်နိုင်ငံလွတ်လပ်ရေးအတွက်မက
သူများတိုင်းပြည်လွတ်လပ်ရေးအထိ
ပြီးတော့
ခင်ဗျား ခန္ဓာကိုယ်အပိုင်းပိုင်းကျေသွားသည့်အထိ ။

ရင်းခဲ့ရတယ်
ဆေးထိုးအပ်ကို ပစ်ချပြီး
တောကြီးမျက်မည်းတွေထဲ တစ်ဘဝလုံးပစ်ချခဲ့အထိ ။

ရှုံးဆုံးခဲ့သမျှ အားလုံးဟာ အလကားပါပဲ
အခုချိန် တစ်ကမ္ဘာလုံးမှာ စစ်ပွဲတွေများစွာ
အဲဒီ့အတွက်နဲ့ ကျနော့်မှာ ခင်ဗျားကို ကြိမ်ဖန်များစွာအားနာ ။ ။

မောင်ရေချမ်း

17.2.2015

လှည်းတန်းက အပြန်


ဓာတ်ပုံတစ်ပုံမြင်ရုံနဲ့
အလုပ်ပျက်ခံ လမ်းပေါ်ထွက်လာတဲ့လူငယ်တစ်ယောက် ။

ဘတ်(စ်)မှတ်တိုင်မှာ အလုပ်ကပြန်လာသူများကို ငေးမော
အင်းယျားကန်ဘောင်ပေါ်က စုံတွဲများကို ငေးမော

တစ်ခုခုများ လွဲမှားနေသလား
တစ်ခုမကများ လွဲမှားနေသလား

တော်လှန်ရေးဆိုတာ
အသက်တစ်ချောင်းသေရင် နောက်တစ်ချောင်းထပ်ထွက်လာရမှာ မဟုတ်လား။

လမ်းပေါ်မှာ လူတွေများစွာ
ဘတ်(စ်)ကားတွေပေါ်မှာ လူတွေများစွာ
ညနေ အိမ်ပြန်ဖို့သာ သူတို့ပန်းတိုင်လား ငါတွေးတောနေမိ

ငါ့မျက်လုံးထဲ
လမ်းမပေါ်က ခြေထောက်တွေပဲ တဖွဲဖွဲ ဝင်လာကြ ။ ။ ။ ။ 


မောင်ရေချမ်း
10.3.2015