Thursday, November 10, 2016

အကြောင်းအရာများစွာနဲ့ပင်လယ်


ခင်ဗျားလည်း ပြောပါ
သူလည်း ပြောပါစေ
အားလုံးလည်း ပြောကြပါ
နားညည်းဖို့အတွက်
ငါ့နားရွက်တွေကိုချစ်ခဲ့တယ်။

                        မောင်ရေချမ်း
                        10 Nov 2015

ဓာတ်ပုံကို အောင်လင်းသစ် ဆီက ခိုးချခြင်း

တိမ်တွေထဲ တစ်ကိုယ်လုံး ဝင်သွားပြီး
ပြန်ထွက်လာတော့ ကဗျာ နစ်မြုပ်ကျန်ရစ်ခဲ့ ။

                                             မောင်ရေချမ်း
                                            7 Nov 2016

လယ်စိမ်းစိုမှ တရားအမေး

ကျွန်မ လုံးဝ မလိမ်ဘူးဆိုတာကို
ကျမ်းစာအုပ် ကိုင်ပြီးထက်
အဲဒီရှေ့ရဲ့ ဘုရားရင်ခွင်ပေါ်က
အမှောင်ဝါး ကောင်းကင်ကို ပါးရိုက်ဖယ်ပြီးမှ
ပြောပါရစေ...သိလား ။


သိတဲ့ဟာကို လိမ်ပြောခဲ့ရင်လည်း
ဒီကို မလာခင်..
ကျွန်မ ပါးစပ် တလှုပ်လှုပ်နဲ့
ဝါးခဲ့တဲ့ ထမင်းလုတ်တွေဟာ
လျှာပေါ် စစ်သလင်းဖြစ်ပြီး စုတ်ပြတ်ပါစေ ။

ဥပဒေ ပုပ်ပွရဲ့ ပုဒ်မကို ခုခံချင်လို့
ကျွန်မက လင်ကိုပဲ ကုတ်ဆွဲပြီး
ရှေ့နေ လုပ်ဖို့ ခေါ်ခဲ့ရတယ်
"ရှင့်အဖေနဲ့ ရှင့်အမေ မမွေးခင်ကနေ
ကျွန်မတို့ သုံးဗိုက် သုံးစေ့ အခွံနွှာပြီးတဲ့အထိ
လူးအောင် စိုက်လုပ်ခဲ့တဲ့ ဒီမြေကို
ဘယ်သေချင်းဆိုး..ပိုင်လဲ ၊ ငါ့ယောင်္ကျား " ။ ။
 
                                         မောင်ရေချမ်း
                                      5 Nov 2016