Monday, September 19, 2011

မိသားစု

အိပ်မက်တွေကို ဝေငှလို့
လရောင်ကို အတူသောက်သုံးလို့
နေပူကို အတူတူမျှခံလို့
လောကကောင်းကင်ထဲ ….မခွဲစတမ်းပါ
ကြိုးကြာငှက်တွေလို အုပ်စုဖွဲ့ပျံသန်းနေကြတယ် ၊၊
အဖေဆိုတာ ဓူဝံကြယ်လိုလမ်းပြလို့
အမေဆိုတာ သောက်ရှူးကြယ်လိုရွှန်းပလို့
သားသမီးဆိုတာ ကြယ်မှုန်ကြယ်မွှားလေးတွေလိုပါပဲ
(တလက်လက်လင်းတောက်လို့ )
လောကလေဆန်ထဲမှာ……….
တစ်ယောက်နှလုံးသားကို တစ်ယောက်ပွေ့ထွေးထားကြ …၊၊

မိသားစုဆိုတဲ့ကဗျာတစ်ပုဒ်ဟာ…
နှလုံးသားကို အန်ထုတ်ပြီး ရေးဖြစ်သွားတယ် ၊၊

                                   မောင်ရေချမ်း

ရှေ့တည့်တည့်ပျံသန်းခြင်း

လေဆန်လမ်းကိုမှ ရွေးပြီးပျံခဲ့မိလို့
နည်းနည်းတော့ မောတယ်
ဒါပေမယ့် ...အားတော့မလျှော့ပါဘူးကွယ်
ကိုယ့်သွေးက နီတယ်ကွဲ့.........၊၊
ဘ၀ဆိုတာလည်း သန်းခေါင်ထက်တော့ ညဥ့်မနက်တော့ပါဘူး
ဒုက္ခကို လှပစွာချုပ်သီတတ်ဖို့ပဲ လိုလိမ့်မယ်....
သည်ခရီးကြမ်းမှန်းသိရက်နဲ့
လှမ်းခဲ့မိတဲ့ သည်ခြေထောက်
ဘယ်လိုအကြောင်းကြောင့်နဲ့မှ နောက်မဆုတ်ဘူး........၊၊
တစ်နေ့ တစ်နေ့
ပျော်စရာတွေ ရှားရှားလာတဲ့အထဲမှာ
ကိုယ့်နှလုံးသားကိုယ် တူးဆွလို့
ထွန်ယက်စိုက်ပျိုးနေရတာလောက် ပျော်စရာကောင်းတာမရှိဘူး ...၊၊
ရှိစေတော့........ရှိစေတော့...
ဘ၀က နေရောက်အောက်မှာပွင့်တဲ့ခပ်ညှိုးညှိုးပန်းတစ်ပွင့်အဖြစ်သာရှိစေတော့....၊၊
ဘယ်သူနမ်းနမ်း....မနမ်းနမ်း
ဘယ်သူပန်ပန်.....မပန်ပန်
ကိုယ့်ရနံ့ကိုယ်မွှေးနေဖို့ပဲ လိုပါတယ်လေ...................၊၊                 ၊၊

                                              မောင်ရေချမ်း

ဆောက်တည်ရာမဲ့

ကိုယ်ဟာ အိပ်မက်တွေထဲ သေဆုံးသွားခဲ့
ဟိုး......ရှေ့ကိုကြည့် မြူတွေရစ်ဆိုင်း
အရိုင်းစိုင်းဆုံးပွင့်နေတဲ့ဒုက္ခတွေကို အငမ်းမရမျိုချ
ဘယ်နှကြိမ်မြောက်မှန်းမသိ ထပ်သေဆုံးရပြန်တယ်.....၊၊

အဲဒီ့နေ့ကပေါ့
လောကဓံမိန်းမလှရဲ့ချိုမြမြအပြုံးနောက်မှာ
ထက်ရှရှအစွယ်တွေပါမှန်းသိခဲ့ရ....

အဲဒီ့နေ့ကပေါ့
နှလုံးသားဟာ ယိုင်နဲ့လျော့ခွေလို့
မျှော်လင့်ချက်ဆိုတာတွေဟာ..ကျိုးကြေပြီး ပြာကျသွားတယ်...၊၊

ဒီလိုနဲ့ပဲ...
ကိုယ်ဟာ ဘယ်နှကြိမ်မြောက်မှန်းမသိဘဲ
အခါခါ သေဆုံးနေဆဲ.........၊၊

                                                   မောင်ရေချမ်း

အတောင်ခတ်သံ

အိပ်မက် ညှီုစို့စို့တွေချည်း
ခဏခဏမော့သောက်နေရတော့ မုန်းသွားပြီ
အမှောင်ကျုတ်ကျုတ် ကျနေတဲ့ဘ၀တွေအကြောင်းတွေးတော့
ရင်ဘတ်က ခါးသွားပြန်တယ်...
အတိတ်ဆိုတာ ချိုချို ခါးခါးပါလေ
မေ့ထားစရာမလို...
အနာဂတ်ကို ပုံဖော်ဖို့ အိပ်မက်တချို့ လတ်ဆတ်ပါရစေ
ဘ၀လှလှတွေကို မိတ္တူကူးရန်မလို...
အခမ်းနားဆုံးမျှော်လင့်ခြင်းတစ်ခင်းစာလောက် စိုက်ပျိုးပါရစေ
ဟိုး....ခပ်ဝေးဝေးကို မျှော်ကြည့်
ဒီမြို့ပျက်အိပ်မက်တွေထဲကနေ ရုန်းထွက်ဖို့
အားထုတ်ပျံသန်း...မကြောက်စတမ်းပါကွဲ့
လာခဲ့ပါ....ခါးသက်ရီဝေဒုက္ခရေ
သင့်ကို နီရဲရဲနှလုံးသားနဲ့ကြိုနေပါရစေတော့.......၊၊

                                            မောင်ရေချမ်း

ကောင်းကင်ဆီသို့...

ပြာလဲ့အက်ကွဲလို့ အိပ်မက်ကြယ်ကြွေသွားလည်း ကိုယ်မငိုဘူး
ဘယ်တော့မှ မငိုဘူး..ဟေ့
ရင်ဘတ်အနှံ့ အနီရောင်ပန်းတွေချည်းစိုက်ပျိုးထားလို့
လောကဓံက ကျွေးတဲ့ဒုက္ခဆိုတာ ပီကေတစ်ခုလိုပါပဲ
ပီကေတစ်ခုပါပဲ (ဟန်မပျက်ဝါးနေရုံပေါ့ )
အချစ်ရေ..........နားဆင်
ကိုယ့်နှုတ်ဖျားက ဆိုနေတာ
အငဲရဲ့   “နယ်မြေသစ်များစွာ ” သီချင်းပါ     ၊၊

ဒီနေ့ည...
နောက်နေ့ည
ဘယ်တော့မှ အမှောင်အတိကျစရာမလို
ဘ၀ ဟာ ည မဟုတ်ဘူး
ည.....ဟာ..........ဘ....၀......မ.......ဟုတ်...ဘူး
(အလင်းကို ရှာဖွေဖို့အတွက် )
နေသာ လသာ မျှော်စရာမလို
ကိုယ်ပိုင်လတစ်စင်း ဖန်ဆင်းပစ်မယ်
ကိုယ့်ဘ၀ရဲ့ဓူဝံကြယ် ကိုယ်ပဲဖြစ်လိမ့်မယ်
ကိုယ်ပဲဖြစ်ရမယ်
ကိုယ်ပဲဖြစ်ရမယ်           ၊၊

ဘယ်အရာကို ဘာအကြောင်းနဲ့မှ
အလံဖြူပြစရာမရှိတာမို့
( နှလုံးသားထဲက ကြုံးဝါးလိုက်တယ် )
ကောင်းကင်ကို ဒူးနဲ့တိုက်လို့
ခပ်မိုက်မိုက်ကို ဖြိုချပစ်မယ်    ၊၊        ၊၊

                                                          မောင်ရေချမ်း