Friday, July 27, 2012

အမှောင်ထဲက သက်ပြင်းမောတွေ

            စိုစွတ်နေသောကတ္တရာလမ်းမကို တိုးဝှေ့ဖြတ်ကျော်ပြီး တိုက်ခတ်လာသည့် ညလေပြည်တွေက စိမ့်ကနဲနေအာင် အေးမြနေသည်။မိုးနှောင်းကာလဖြစ်ရ၍ပတ်ဝန်းကျင်တစ်ခုလုံးအေးစက်စိုထိုင်းနေသည်။ 
 လေပြည်နုအေးတို့၏အေးစက်သော အထိအတွေ့သည်လည်းသူ့ရင်တွင်းအပူမီးကို တစ်ရွေးသားမျှ
မငြိမ်းသတ်နိူင်ချေ။          
               သူသည်လွန်စွာမှဟောင်းနွမ်းနေသောဆိုက္ကားလေး၏ရှေ့ကူရှင်ကိုမှီထိုင်ရင်းလူသွားလမ်းမဆီသို့  ရီဝေစွာငေးကြည့်နေ့ သည်။ယခုချိန်တွင် ကမ္ဘာပေါ်ရှိလူသားများအနက် ပူပန်သောကအများလူသားမှာ သူဖြစ်သည်ဟု သူ့စိတ်တွင်တွေးတောနေမိသည်။ကားများ၊လူများ၊ရှုပ်ထွေးစွာသွားနေသည့်လမ်းနံဘေး
တွင်သူထိုင်နေသော်လည်း မည်သူကမှ သူ့ကိုဂရုပြုခြင်းမရှိကြပါ။

                    စင်စစ်မူကား...သူ့တွင်လည်း လူလေးစားစရာဂုဏ်၊ပကာသန ဘာတစ်ခုမှမရှိပေ။ကျယ်ပြော လှသောလောကတွင် သူသည်သေးငယ်သောအမှုန်တစ်မှုန်သာ ဖြစ်ခွင့်ရရှာသည်။သံချေးများဝါကျင်အောင် တက်နေသော ဆိုက္ကားခွေများနှင့်လက်ကိုင်များ သည် လည်းကောင်း၊ အပေါက်အပြဲများကိုဖုံးကွယ်နိုင်စွမ်းမ ရှိသော ကူရှင်နှစ်ခုသည် လည်းကောင်း၊ ခြေနင်းနှစ်ခုစလုံး စုံလင်စွာမရှိဘဲ ကျိုးပဲ့နေသောခြေနင်းတစ်ဖက် သည်လည်းကောင်း ဆိုက္ကားပေါ်မှသူ့၏ ရှိစုမဲ့စုဂုဏ်သိက္ခာကို အရည်ပျော်မှေးမှိန်စေသည်။