Tuesday, August 13, 2013

တစ်ခါက….ငါတို့ငယ်ငယ်တုန်းက


ငါတို့ငယ်ငယ်တုန်းက ..
မိုးရွာရင် မိုးရေချိုးမယ်ပဲ
ဖေဖေလာရင် အုန်းသီးခွဲစားမယ်ပဲ
နေ့စဉ်ထုတ်သတင်းစာဆိုတာ မရှိ
ဒီမိုကရေစီဆိုတာ မသိ
မုန့်ဖိုးလေးတစ်ရာလောက်ရရင်ကို ပျော်နေတော့တာပဲ
ငါတို့ငယ်ငယ်တုန်းက…
သူငယ်ချင်းအချင်းချင်းဆိုတာလည်း
ဂိမ်းနှိပ်ရင်တောင် ကိုယ်နိုင်မယ်ထင်ရမှ ကစားချင်ခဲ့ကြ
ငါတို့ငယ်ငယ်တုန်းက
“ယိုယွင်းလာသောအခြေအနေအရပ်အရပ်ကို ကာကွယ်စောင့်ရှောက်ရန်အလို့ငှာ
 တပ်မတော်မှ တာဝန်ယူစောင့်ရှောက်လိုက်ရလေသည်”
အဲသလို သင်ခဲ့ရတဲ့သမိုင်းဖတ်စာ
ဆရာမက တိုင်ပေးရင်ပျော်ရွှင်တက်ကြွစွာ အော်ကျက်ခဲ့ကြ/အော်ကျက်ခဲ့ရ
ငါတို့ငယ်ငယ်တုန်းက….
စာမေးပွဲတွေ တစ်တန်းပြီးတစ်တစ်တန်းအောင်ဖို့နဲ့
မိဘတွေဆီက တစ်လထက်တစ်လမုန့်ဖိုးပိုရဖို့သာ ကြိုးစားခဲ့ကြ
ငါတို့ ငယ်ငယ်တုန်းက….
မိုးရွာရင် လမ်းပေါ်ထွက် ဘောလုံးကန်ဖို့တာစူလို့
ဖေဖေလာရင် အုန်းသီးခွဲစားမယ်ကိုပဲ အော်ဟစ်ခဲ့ကြ
တစ်ခါက ငါတို့ငယ်ငယ်တုန်းက..။  ။

                                                  မောင်ရေချမ်း