Wednesday, September 4, 2013

လည်ချောင်းထဲမှာ ချွဲသလိပ်တွေနဲ့မြို့ !

 အခုထိ အဲဒီံမြို့လေးဟာ အရင်တိုင်း
လိုင်စင်ရ နိုင်ငံရေးသမားတွေနဲ့မြို့
ဘတ်(စ်)ကားပေါ် အလုအယက်တက်လို့ နေရာကိုဦးရာလူစနစ်နဲ့မြို့
ပေါက်လွှတ်ပဲစားများရဲ့ ပေါက်ကရကတိတွေအပြည့်ကို ထမ်းပိုးထားရရှာတဲ့မြို့
အရင်အတိုင်း လူတွေ လမ်းတွေ ပျော့အိနူးဖျပ်လို့
စိတ်ညစ်စရာတွေ ဗရပွနဲ့မြို့ပေါ့
ငါတို့ကတော့ ရေခွန်၊မြေခွန်၊ မီးခွန် အိမ်ခွန်
စသဖြင့် ရှိရှိသမျှအခွန်တွေကို မပြတ်တမ်းထမ်းဆောင်နေရတဲ့သစ္စာရှိမြို့သူမြို့သားတွေဖြစ်ရဲ့
* 124 #
၅၀၀၀ ကျပ်တန်ငွေဖြည့်ကဒ်လေးကို ၀ယ်မဖြည့်နိုင်တဲ့(၀ယ်ဖြည့်ဖို့ ရုတ်ရုတ်သဲသဲနဲ့)
နှစ်သိန်းတန် ၊ ထောင့်ငါးရာတန် ဖုန်းကဒ်တွေ ပလူပျံနေတဲ့မြို့မှာပေါ့
အဲဒီ့မှာလေ အခုထိ အရင်အတိုင်း

အဲဒီ့မြို့လေးပေါ့
အခုထိ မူယာမာယာနဲ့ အပျိုမလေးရှက်သလို မျက်လွှာကို ဟန်ဆောင်ပန်ဆောင်ချလို့
က္ကနြေ္ဒရရသိက္ခာမဲ့နေရှာတဲ့မြို့လေ

အဲဒီ့မြို့ကြီးလေ ...အခုထိပေါ့
ဆန္ဒပြမှုနဲ့ ၊ နေ့စဉ်ထုတ်သတင်းစာနဲ့
အငြင်းပွားမှုနဲ့  ၊ ရုပ်မြင်အသံကြားသတင်းနဲ့
တစ်ခါတစ်ခါ ရေဒီယိုမှာ တစ်နေ့ကို (၄)ကြိမ်တောင်လာတတ်တဲ့သမ္မတမိန့်ခွန်းနဲ့
အားကောင်းမောင်းသန် စီးမျောလို့ပေါ့
သိုးရေခြုံတဲ့ ကျားများနဲ့မြို့လေ
အဲဒီ့မြို့ကြီးပေါ့ ( သိပ်အငြင်းထူတာပဲကွာ )
ဟိုပင် ဒီပင်ကူးပါလို့ မျောက်ကလေးတွေ သစ်ကိုင်းလွတ်တဲ့မြို့ပေါ့
သေခါနီးအသက်ရှူသံတွေနဲ့ ဖုတ်လှိုက်ဖုတ်လှိုက်
ဓားသွေးသံ တစီစီနဲ့ မြို့လေ
ထစ်ခနဲဆို ၀ှစ်ခနဲရောက်လာတဲ့ မြှားတံတွေနဲ့
ရယ်စရာ မောစရာပါ
လှိုက်လှဲစွာ ကြိုဆိုပါ၏ ဆိုတဲ့မျက်နှာဖုံးနဲ့
သေနတ်တွေ တစ်ယောက်တစ်လက်ဝှက်ပြီးထုတ်ချိန်ကြတဲ့မြို့
အဲဒီ့မြို့လေးဟာ ခေါင်းကိုက်ဖျားနာ မကြာခဏ
သွေးရူးသွေးတန်းအိပ်မက်တွေ မကြာခဏမက်လား ၊ မက်ရဲ့
တော်ပါပြီကွာ အသက်ရှူကျပ်လိုက်တာလို့ ညည်းရင်း
မီးခိုးညှော်နံ့တွေကို ရှူရှိုက်နေရတဲ့မြို့ပေါ့
တကယ့် တကယ်ဆို အရင်အတိုင်းပေါ့
မနက်ဖြန်အတွက် မျှော်လင့်နေတဲ့မြို့သူမြို့သားတွေနဲ့မြို့လေ
ချွဲ သလိပ်တွေ ကပ်နေရှာတဲ့မြို့လေ
ခပ်ဝေးဝေးမြို့တွေက မီးပွင့်မီးပွားသတင်းတွေကို စိတ်ဝင်တစားဖတ်ကြတဲ့
မြို့သူမြို့သားတွေနဲ့ မြို့လေ
အိမ်ရှင်မတွေရဲ့ ညည်းတွားသံဝေစီလို့
ကျောင်းသားလေးတွေလည်း မနက်မနက်ဆိုအိပ်ယာထပျင်းကြတဲ့မြို့ပေါ့
"ဆရာမကလည်း ဘာတွေသင်မှန်းမသိဘူးကွာ ။ ကျူရှင်လည်းမသွားချင်ဘူး"
" ဒါဆိုလည်း ဂိမ်းဆိုင်ပဲ လစ်စို့ကွာ "
စီးကရက်နံ့တထောင်းထောင်းနဲ့ ဆယ်ကျော်သက်တို့ရဲ့အသံနဲ့
အဲဒီ့မြို့ကလေးပေါ
ဟင့်အင်း ပြောရရင်တော့ အဲဒီ့မြို့ကြီးပေါ့
အဲဒီ့ မြို့တော်ကြီးဟာ အခုထိအရင်တိုင်းနဲ့
လမ်းတွေလည်း စုတ်စုတ်ပြတ်ပြတ်
လူတွေလည်း စုတ်စုတ်ပြတ်ပြတ်
လူတွေ လမ်းတွေ ပေတေစွာလွင့်လို့
မြို့တော်ရဲ့အသံဟာ ဖုန်အလိမ်းလိမ်းနဲ့
နှင်းဆီပွင့်လေးကို ထွေးပိုက်ထားရင်း ရင်ဘတ်မှာဆူး စူးနေတဲ့မြို့ပေါ့
အဲဒီ့မြို့လေးမှာ အသံစာစာနဲ့အော်နေတဲ့ဘာညာသာရကာလူတချို့ရှိတယ်
အဲဒီ့မြို့လေးမှာ ချောင်းဆိုးရင်တောင်ခပ်ကျယ်ကျယ်ဆိုးခွင့်မရခဲ့တဲ့နှစ်ပေါင်းများစွာနဲ့
အဲဒီ့မြို့လေးဟာ ချွေးနံ့တထောင်းထောင်းထနေတဲ့ လူတန်းစားတွေကိုထမ်းပိုးထားရင်း
ဖုတ်သီဖတ်သီ နာကျင်မှုများနဲ့အော်ညည်းနေလေရဲ့
လေလွင့်မှုတွေဟာ လောက်ကောင်တွေလို တဖွားဖွားနဲ့ပေါ့
အခုထိ အရင်တိုင်း
အသက်ရှူကျပ် ချွဲ သလိပ်ကပ်နေရှာတဲ့ရပ်ဝန်းဟာလေ
အဲဒီ့မြို့ကလေး ။               ။

                                              မောင်ရေချမ်း
                                    ပဲ့တင်သံဂျာနယ် ၊ ၂၅ / ၁၂ / ၂၀၁၃