Sunday, May 25, 2014

တရားပွဲ



ဒီလောက် ညစ်ပတ်တဲ့လူတွေလက်ထဲက
အလင်းကို ပြန်လုဖို့ကြိုးစားကြ

ဒီလောက် ကောက်ကျစ်သူမြေခွေးအိုတွေပါးစပ်ထဲက
သွားတွေကို ရိုက်ချိုးဖို့ကြိုးစားကြ

အောင်မြင်ကြပါစေ
လက်မှတ်များစွာနဲ့ အသက်ထွက်ရဦးမယ့် ပေါက်လွှတ်ပဲစားဥပဒေ !

                         မောင်ရေချမ်း
( ပုဒ်မ ၄၃၆ ပြင်ဆင်ရေး လက်မှတ်ရေးထိုး၊မန်းကဗျာဆရာများသို့ )

25 May 2014

ညီလေး ..အတွက်



ပထမဆုံး ပြောချင်တာပြောရရင်
မင်းဟာယောင်္ကျားလေးဖြစ်ရက်နဲ့များ ဆိုက္ကားတစ်စီးပေါ်တက်ထိုင်မိရင်
မင်းကိုယ်မင်း ပြန်ဆဲဆိုပါ
မင်းလမ်းမလျှောက်နိုင်တဲ့အခါ တရွတ်ဆွဲသွားပါ
သူများချွေးစက်များနဲ့တော့ ခရီးမတွင်ချင်ပါနဲ့...ညီလေး

ဘယ်ဘုရားမှ မရှိခိုးချင်နေပါ
ရင်ထဲက မေတ္တာဓာတ်ကိုတော့တူးဆွလို့ တစ်နေ့သုံးကြိမ်ဦးချရမယ်
ကမ္ဘာကြီးထဲမှာ
လူအဖြစ်ဟာ ကိုယ့်ကိုယ်ကို ချစ်နေရုံနဲ့မလုံလောက်လို့
ကောင်မလေး တစ်ယောက်ယောက်ကို မင်းချစ်ရမယ်
မိသားစုကို မင်းချစ်ရမယ်
ပြီးတော့ မြင်နေကျ သစ်ရွက်စိမ်းစိမ်းလေးတွေကို မင်းချစ်ရမယ်
အမုန်တရားတွေကိုတော့ ခြစ်ထုတ်ပစ်ပေါ့ကွာ

မင်းက သူရဲနီကို အားပေးနေချိန်
သူများက အမြောက်တပ်သားဖြစ်နေတာဟာ
ရန်လိုစရာတော့မဟုတ်ပါဘူး
မင်းရဲ့လက်ခုပ်ကို ယုံကြည်စွာတီးပါ
ပြီးတော့ သူများရဲ့လက်ခုပ်သံကို လေးစားစွာနားစွင့်ပါ
ဒါဆို နေရထိုင်ရတာဟာ သာသာယာယာပေါ့

ကမ္ဘာကြီးက ကျဉ်းကျဉ်းလာတဲ့အချိန်မှာ
လူတွေက ကိုယ့်နေထိုင်ရာဂူသေးသေးလေးထဲမှ
ကိုယ့်အကြောင်းကိုယ် တခမ်းတနားပြောဆိုနေတတ်ကြတယ်..ညီလေး
ယုန်လေးတွေနဲ့တွေ့တဲ့အခါ ခြင်္သေ့လိုနေပြီး
ခြင်္သေ့နဲ့တွေ့တဲ့အခါ ကြွက်စုတ်လိုနေတတ်သူများဟာ
မြေခွေးမျက်နှာနဲ့တူသော လူများပဲဖြစ်တယ်..ညီလေး
ဟောဒီ့လောကထဲမှာ
ကျောချင်းကပ်ထားပေမယ့် ရင်ဘတ်ချင်းခြားနေတဲ့လူတွေနေတယ်..ညီလေး
ဟောဒီ့လေထုထဲမှာ
တစ်ယောက်နဲ့တစ်ယောက် လက်ဆွဲနှုတ်ဆက်ကြပေမယ့်
နောက်ကွယ်မှာ ခြေထိုးခံကြတဲ့ လူတွေရဲ့ရှူထုတ်လိုက်တဲ့လေတွေပျံ့နှံ့နေတယ်..ညီလေး
အဲဒီ့တော့..မင်းကိုမင်း ထုဆစ်ပါ
ကြီးကြီးကျယ်ကျယ်လူတွေအကြောင်းစဉ်းစားပြီး
သိုသိုဝှက်ဝှက်သာ နေတတ်ပါစေ...ညီလေး

ဘာလိုပဲဖြစ်ဖြစ်
သစ်ရွက်ဖျားလေးပေါ်က ဆင်းလာတဲ့ရေပွင့်လေးတွေကိုအရသာခံပြီးကြည့်တတ်ပါစေ
မင်းအိမ်ရှေ့က သစ်ပင်နုနုလေးတွေရဲ့ ပန်းပွင့်သံကို တယုတယနားထောင်ကြည့်တတ်ပါစေ
ဘယ်လိုပဲဖြစ်ဖြစ် အစိမ်းရောင်ပါတီထဲတော့ မပါသွားစေနဲ့
ဘယ်လိုပဲဖြစ်ဖြစ် လူမျိုးရေးလှုံ့ဆော်မှုတွေထဲ မပါသွားစေနဲ့
ကိုယ့်လမ်းကိုယ် မှန်မှန်လျှောက်ပြီး
ရှေ့မှာ လှေကားထစ်ရှိရင် ခုန်တက်လို့
ရှေ့မှာ ကောင်းကင်ရှိရင် ခုန်ခူးလို့
မင်းစိတ်ကူးတွေ ပြည့်တဲ့အခါ
မင်းဟာ ကမ္ဘာကြီးတစ်ခုလုံးကို ပုံတူကူးသားပါ..ညီလေး။

                                 မောင်ရေချမ်း

                               25 May  2014

မိသားစု




သန်းခေါင်စာရင်းစာရွက်ထဲမှာတော့
အစဉ်လိုက် ညီညာစွာ သိပ်ချစ်ကြတယ်

အဖေက ကိုယ့်အရိပ်ကိုတောင် တယုတယ
အဲဒီလိုချစ်တတ်သူ
အတ္တတွေကို သိုထည့်ထားသောဂိုဒေါင်ခပ်ကြီးကြီးတစ်လုံးပါ

အမေက ငါတို့အရိပ်ကိုတောင် ဆေးခြယ်ဖို့တသသ
ဒါပေမယ့် မျက်ရည်လွယ်သူ ၊ သာမန်မိန်းမသားတစ်ယောက်ပါ

ငယ်ငယ်က
အဖေနဲ့အမေရန်ဖြစ်ချိန်
ညီမလေးက ငါ့ကိုဖက်ဖက်ပြီး ငိုတဲ့မျက်ရည်စက်တွေ
မနေ့ညက အိပ်မက်ထဲအထိ လာ....လာ စင်တုန်း

ထမင်းလက်ဆုံဆိုတာ
ဗီဒီယိုဇာတ်ကားတွေထဲမှာသာ တွေ့ဖူးတဲ့..ငါ့ငယ်ဘ၀တွေ
ဘယ်သူ့ကိုမှ အပြစ်မတင်ခဲ့ပါဘူး
ကိုယ့်စိတ်ကိုယ်သိပ်ချစ်တတ်လို့ သူများနဲ့စစ်ဖြစ်လေ့ရှိတဲ့လူ့သဘာဝပါပဲ
အဲဒီလိုပဲ မှတ်သားထားခဲ့ပါတယ်
အဲဒီလိုပဲ မှတ်သားထားခဲ့ပါမယ်

အစ်ကိုကြီးက မလိမ္မာဘူး
ညီမလေးက မလိမ္မာဘူး
ငါကလည်း မလိမ္မာဘူး
ထားလိုက်ပါတော့ ..ဒီအတိုင်းပဲ
မိဘတွေ လိမ္မာအောင်ရော ဘယ်သားသမီးက ဆုံးမနိုင်ဦးမလဲ
ထားလိုက်ပါတော့...ဒီအတိုင်းပဲ

ဒီ့ထက်ပို ဇာတ်နာအောင် ဒီစာသားတွေထဲမှာ
တစ်ယောက်ယောက်ကို သေပေးပစ်လို့ရသေးတယ်

မိသားစုက အပေါစားသိုင်းဝတ္ထုတစ်အုပ်ဆန်လွန်းခဲ့
ဘယ်စာမျက်နှာဖတ်ဖတ် ပေါက်လွှတ်ပဲစားတွေချည်း
နှစ်ဝေးဝေးတွေ ကြာခဲ့ပြီ
ညစာကို ငါတစ်ယောက်တည်းဖြစ်သလိုစားနေခဲ့တာ။

                                        မောင်ရေချမ်း

                                      23 May 2014

Friday, May 16, 2014

သူငယ်ချင်းကဗျာဆရာနေတဲ့မြို့အတွက် ကဗျာ

တစ်နေ့သောကျရင်
သူငယ်ချင်းကဗျာဆရာရှိတဲ့မြို့ကို နောက်တစ်ခေါက်ထပ်သွားမယ်
လက်ဖက်ရည်ဆိုင်ထိုင်မယ်
မြို့အနှံ့ဆိုင်ကယ်ပတ်စီးမယ်
အဲဒီ့နေ့ရောက်ရင် အရင်တစ်ခေါက်လို စစ်ပွဲတွေအကြောင်းမပြောဘူး
အချစ်အကြောင်းပြောပြီး အချစ်ကို လိုက်ပွဲထပ်မှာမယ်

ခင်ဗျားရဲ့မြို့လေးအကြောင်းကိုတော့ ဖွဲ့နွဲ့ပြီးမပြောပါနဲ့တော့
ခင်ဗျားတို့မြို့မှာ လိုချင်တာအကုန်ရတယ်
မလိုချင်တာလည်း အကုန်ရတာပဲ

နန်းတော်ကြီးတွေလို ဆန်စက်ကြီးတွေကို ငါငေးမော
တံတားအောက်က ဆေးကဒ်အခွံတွေကို ငါငေးမော
ပစ်စလက်ခတ်လူငယ်အနာဂတ်များကို ငါငေးမော

သူငယ်ချင်းရေ....
ခင်ဗျားဟာ ပရဟိတစာသင်ကျောင်းလေးဖြစ်တယ်
ခင်ဗျားဟာ စာကြည့်တိုက်လေးတစ်ခုဖြစ်တယ်
ခင်ဗျားဟာ တစ်မြို့လုံးကို ပခုံးပေါ်တင်ဖို့ကြိုးစားနေသူဖြစ်တယ်
ခင်ဗျားဟာ ခေတ်ကို ဆဲသူ အာပေတူးကဗျာဆရာဖြစ်သေးတယ်လေ

သူငယ်ချင်းရေ...
မင်းမြို့ကြီးကို ကယ်တင်ပါလို့
ရေကြီးနေတဲ့မြို့ကနေ လှမ်းမှာရတယ်

နောက်ဆုံးတော့....
ခင်ဗျားရဲ့စာကြည့်တိုက်လေး နေကောင်းကျန်းမာပါစေလို့ပဲ
မ၀ံ့မရဲနဲ့ ဆုတောင်းလိုက်ပါ့မယ် ။ ။

                         မောင်ရေချမ်း

Thursday, May 15, 2014

အာမခံချက်



ကိုယ့်စကားက စိတ်ချရပါတယ်
ပါးစပ်ထဲမှာတည်းက
တံထွေးနဲ့သေချာကပ်ပြီး ပေးလိုက်တာ။

            မောင်ရေချမ်း

Monday, May 12, 2014

ည..ရွာပြီးသောမိုးတွေ


ပျော်ရွှင်ခြင်းများပါ
ဒဏ်ရာကိုမှ
graffiti ရေးခဲ့ကြ
ကိုယ်တို့ ရှေ့ကလမ်းများ ။

နည်းနည်းလေးမှ မလှတော့ပါ
နည်းနည်းလေးမှ မလန်းတော့ပါ ။

ခုတော့ သူမဟုတ်လို ရန်ကုန်ပေါ့
မိုးများ ...များများရွာချ
မိုးရေထဲ ပုပ်ပွနံ့ဟောင်နေဆဲဖိနပ်တွေ ။ ။

                မောင်ရေချမ်း

Sunday, May 4, 2014

ဟာသကဗျာ



ဟာသကဗျာ
ယူကြဦးမလား ဟာသကဗျာ
ဖတ်ကြဦးမလား ဟာသကဗျာ
ပေါက်လွှတ်ပဲစားရေးထားတတ်တဲ့ ဟာသကဗျာ
ဖတ်ပြီးရင် ငိုရမယ့် ဟာသကဗျာ
ကမ္ဘာကြီးထဲကို တဟီးဟီး တဟားဟားနဲ့ဝင်လာတဲ့ ဟာသကဗျာ
စစ်ပွဲတွေကို အော်ဆဲတတ်တဲ့ ဟာသကဗျာ
ငြိမ်းချမ်းရေးကို လိုချင်လို့ပါဆိုတဲ့ ဟာသကဗျာ
သမ္မတကြီးကျန်းမာပါစေ
အမေစု ကျန်းမာပါစေ ဆိုပြီး စာသားတွေထဲ
အော်ဟစ်ဆုတောင်းတတ်တဲ့ ဟာသကဗျာ
ဘေးထိုင်ဘုပြောတတ်တဲ့ ဟာသကဗျာ
ဖေ့ဘုတ်ခ်ပေါ်ကနေ မျိုးချစ်တတ်တဲ့ဟာသကဗျာ
၁ မိနစ် နှစ်ကျပ်နဲ့ အမြန်ရိုက်တင်လိုက်တဲ့ ဟာသကဗျာ
လမ်းကြိုလမ်းကြားအထိ စိမ့်ဝင်ပျံ့နှံ့လို့
အခုဆို အင်္ဂါဂြိုဟ်ပေါ်အထိအောင် ခုန်တက်ပျံ့နှံ့လို့
ဟာသကဗျာတွေဟာ ခေတ်စားလာ ။

ကဲ...ယူကြဦးမလား ဟာသကဗျာ
တစ်ရာဖိုးငါးပုဒ်အထိ ရတတ်တဲ့ ဟာသကဗျာ ။

                     မောင်ရေချမ်း