Thursday, March 6, 2014

ထမင်းဆိုင်

လက်လုပ်လက်စားတွေပါ
တစ်နေ့လုပ်တစ်နေ့စားတွေပါ

လူတွေတိုးဝှေ့လို့
ပန်းကန်တွေမလောက်ဖြစ်နေရ

တချို့အိမ်တွေမှာ ကြောင်စာကျွေးတဲ့ကော်ပန်းကန်ပြားလေးတွေနဲ့
တချို့အိမ်တွေမှာ မီးဖိုချောင်ကစွန့်ပစ်လိုက်တဲ့တို့စရာဟင်းရွက်တွေနဲ့

လူတွေ
လိမ္မော်သီးအမွှာလေးတွေလို ပူးသိပ်ကျပ်ညှပ်

လက်လုပ်လက်စားတွေပါ
တစ်နေ့လုပ်တစ်နေ့စားတွေပါ

ချွေးစီးကြောင်းတွေနဲ့
ဈေးနှုန်းသက်သာမှုနဲ့

ထမင်းဆိုင်ထဲ
ဆီချေးပေနေတဲ့လက်နဲ့ လူရှိတယ်
ဆေးပေါ့လိပ်နားကြားညှပ်ထားတဲ့ဆိုက္ကားဆရာ ရှိတယ်
ကျောပိုးအိတ်လွယ်နဲ့ ကျူရှင်သွားခါနီး ကျောင်းသားလေးတွေ ရှိတယ်
ဘောလုံးကန်ပြီးပြန်လာတဲ့ မောမောပန်းပန်း ချာတိတ်တွေ ရှိတယ်
ထမင်းစားရင်း အတင်းပြောနေတဲ့မိန်းမ၀၀ကြီးတွေလည်း ရှိတယ်

တစ်ခါစား သုံးရာကျပ်ဆိုတဲ့ဆိုင်ထဲ
လူတွေ ၀င်လာမစဲ တသဲသဲ ။ ။

                                    မောင်ရေချမ်း