Monday, July 27, 2015

ဖာနိုင်ငံတော်


ဖြစ်ချင်ရာဖြစ်နေတဲ့ဖာနိုင်ငံတော်အကြောင်းပါပဲ
ဆက်မဖတ်လိုက ဆွဲသာဖြဲပစ်နိုင်ပါတယ်
ဖာနိုင်ငံတော်မှာ ဖောဖောသီသီပေါတာ ဖာဆန်တဲ့အဖြစ်များသာ ဖြစ်တယ်
ဖွံ့ဖြိုးတိုးတက်မှုဟာ ဖာအဆင့်ကိုမီဖို့ ကြိုးစားဆဲ
ဖာနိုင်ငံတော်ကို အုပ်ချုပ်တာ ဖာခေါင်းတွေဖြစ်ပြီး
ငြိမ်သက်စွာအုပ်ချုပ်ခံသူတွေဟာ ဖာစကားကိုယုံကြည်သူများ ဖြစ်ကောင်းဖြစ်မယ်
ဖာနိုင်ငံတော်ဟာ ဖွက်ဖြစ်တဲ့အထိ ဖာကျတယ်
အရည်အချင်းမရှိတဲ့ဖာတွေ ကြီးစိုးတယ်
အဖိုးတန်သူတွေ ဖာမဖြစ်ချင်ဘဲဖာဖြစ်ကုန်ကြတဲ့အထိ
ဖာနိုင်ငံတော်ဟာ အရှက်သိက္ခာကို လုံအောင်မဖုံးနိုင်
ဖာထေးထားတဲ့ဝတ်စုံဟာ ဖာတံဆိပ်နဲ့
ဖွက်ဖွက်ကြေမှုများစွာကို မွေးထုတ်ပေးရေးရည်မှန်းလို့
ဖာနိုင်ငံတော်မှာ ဖာဆန်တဲ့စနစ်ကို ချကျွေးပါတယ်
ဝင်ငွေနည်းပါးတဲ့နိုင်ငံသားတွေ
လခနဲ့မလောက်တဲ့အလုပ်သမားတွေ
အဆင့်မမီဆိုတဲ့ဘွဲ့လက်မှတ်စက္ကူတွေ
ချို့တဲ့ငတ်မွတ်တဲ့စစ်ဘေးဒုက္ခသည်တွေ
ကျောချစရာပျောက်ကျူးကျော်သူတွေ
ဖာနိုင်ငံတော်ဟာ
အဲဒါတွေ အားလုံးကိုဖြစ်ချင်ရာဖြစ် ပစ်ထားတယ်
ဖြစ်ချင်ရာဖြစ်မှုမှာ လူအများစုဟာ
ဖာလောက်မှ မတောက်ပတဲ့ဘဝတွေ ဖြစ်ကုန်တယ်
ဖာနိုင်ငံတော်ကိုမျှော်လည်း ဖာအနာဂတ်ကိုပဲ ရမယ်
ဖာလွှတ်တော်နဲ့
ဖာသမ္မတနဲ့
ဖာအစိုးရနဲ့
အားလုံးဟာ ဖာထပ်ဖြစ်ရေးစီမံကိန်းကို ရေးဆွဲတယ်
ဖာအာဏာနဲ့ဖာနိုင်ငံတော်ကို ဖဲ့ချင်သလား
ဖဲ့တာနဲ့ ဖမ်းခံရမယ်
ထောင်တွေထဲမှာ ဖာလိုအဆက်အဆံခံရမလား
လူတွေဟာ ဖိနှိပ်ခံရတာတော့ သေချာတယ်
ဖာနိုင်ငံတော်ဟာ ဖွက်ဖွက်ကြေနေပါပြီ
ဖာနိုင်ငံတော်ဟာ ဖျက်ဆီးခံခဲ့ရပါပြီ
ဖာနိုင်ငံတော်အတွက် စိတ်မကောင်းဖြစ်နေလည်း
ဖာစကားပြောတယ်ဆိုပြီး အထင်သေးကြလိမ့်မယ်
ဖာနိုင်ငံတော်မှာ တချို့ဟာ ဖလန်းဖလန်းထပျော်ရွှင်နိုင်ပါတယ်
ဖာနိုင်ငံတော်အကြောင်းကိုတော့ လူတိုင်းဟာ ရိုင်းစိုင်းစွာ ဖွင့်ပြောချင်ပြောနိုင်ပါတယ်
အဖိုးလို့ခေါ်ချင်ခေါ် အဖေလို့ပြောချင်ပြော
သူကတော့ သေချာပြောခဲ့ရှာပါတယ်
"ခင်ဗျားတို့ ဒီသောက်ကျင့်တွေမပြင်ကြရင်
ဟိုလူလာမျက်နှာချိုသွေးရ ဒီလူလာမျက်နှာချိုသွေးရနဲ့
နောက်ဆုံး ဖာသည်နိုင်ငံလို ဖြစ်နေမှာပဲ"တဲ့
သူစိတ်ပူတဲ့ဖာနိုင်ငံတော်ဟာ ပေါ်ပေါက်ခဲ့ပါပြီ။ ။

                                                   မောင်ရေချမ်း
                                              24 July 2015

မျိုးဆက်တစ်ခုအတွက် ဝမ်းနည်းမှု


မျိုးဆက်တစ်ခုအတွက် ဝမ်းနည်းမှုဟာ
ရှေ့တည့်တည့်မှာ လာပျော်ရွှင်စွာနေပြတဲ့အခါစတယ်
မျိုးဆက်တစ်ခုအတွက် ဝမ်းနည်းမှုဟာ
နေ နေတဲ့ခေတ်ကို ဆဲဖို့ ငိုင်နေတာတွေ့လို့ ရတယ်

ဟေ့...ရှေ့မျိုးဆက်
ပုခုံးပုတ်ပြီးလှမ်းခေါ်တာ ရိုင်းတယ်ထင်ချင်ထင်
ပညာမျိုးဆက်ဆီက အရိုးအကြွင်းလေးများရရုံတင်
ငါ အရိုင်းအစိုင်းဖြစ်ရတာ တန်ပြီ
ပညာသင်တာ အသပြာများများရှာနိုင်ဖို့ပါ တဲ့
သိပ်ဝမ်းနည်းကောင်းတဲ့မျိုးဆက်ဟာ
အဲဒီလို တွေးခေါ်ပြီး ပညာတွေသင်ခဲ့ကြရှာတယ်
ဘယ်လောက် ယူကြုံးမရဖွယ်လဲ

ကြင်နာခဲ့သော စနိုက်ပါသမားများ။မျက်ရည်တွေ အကြာကြီးကျစေတဲ့ ငါတို့ရဲ့နိုင်ငံတော်ဈာပနဆိုတာ ကျော်ကြားလွန်းသည့် ကြယ်များ

အလင်းနှစ်များစွာက လာခဲ့ရ
အကြာကြီးလင်းတဲ့ လထက်လှသောကြယ်များ။
နာမည်ကြားတာနဲ့ ကြင်နာချင်ကြတယ်။
ဆုံးရှုံးမှုကိုပဲ ဖူးမြော်မဆုံးဖြစ်ရတယ်။
နှမြောဖွယ်။

အာဟာရဖြစ်ဖွယ်သီချင်းဟာ
အခုပြောတဲ့ကြယ်တွေရဲ့အလင်းက ရတယ်။

နာမည်ကိုတောင် သီချင်းလုပ်ဆိုဖွယ်
စနိုက်ပါသမားဟာ အဲဒီကြယ်ဖြစ်တယ်။

အူလမ်းကြောင်းမှာ ကျေးဇူးဆိုတာ တလူလူ အငွေ့အူ


ရင့်ရင့်သီးသီးဖြစ်ခဲ့တယ်
တစ်ခုခုပြီးတစ်ခုခုတွေ
တစ်ခါပြီးတစ်ခါ လွှင့်ပစ်ခါချခဲ့တဲ့အထိ။

ရင့်ရင့်သီးသီးဖြစ်ချင်သေးတယ်
စားမိမယ့် မရိုးမသား အသားစကပ်အရိုးတွေ
ရောက်တဲ့သွားကြားမှာ ခုလုခုလုမဖြစ်ဖို့အထိ။

ရင့်သီးမှုဟာ ရိုင်းစိုင်းတယ်
လူ့ဘဝဟာ ခဏခဏဗိုက်ဆာတတ်တယ်
ရောဂါတွေဟာ မယူဘဲရောက်လာတတ်တယ်

ရပါတယ် ရပါတယ် လို့ဟန်ပါပါပြောရင်း
ရောက်တဲ့နေရာမှာရ သလိုရိုးသားချင်ယောင်ဆောင်
ဒါဟာ ယင်ကောင်တွေအုံခဲရမယ့်မရိုးသားမှုဖြစ်တယ်

အားမာန်နဲ့အုံခဲနေတဲ့ ငါ့အူထဲအာဟာရ
မသတီဖွယ်တစ်ခုကို ဝန်ခံမလို့ပါ
ငါ့ရင့်သီးမှုဟာ ငါ့ကို ရယ်ပါ
ငါ့ရိုင်းစိုင်းမှုဟာ ငါ့ကို ရွံပါ
ဗိုက်ဆာလွန်းလို့ ညစာကိုခိုးစားခဲ့တဲ့အကြောင်းဟာ
ငါနဲ့စစ်ဖြစ်နေတဲ့အိမ်တစ်အိမ်ရဲ့စားပွဲပေါ်မှာ။

                                               မောင်ရေချမ်း
                                            12 may 2014

မိုးမလင်းခင်အထိ အမှောင်ထဲ မောခဲ့တဲ့ညက


ဘယ်သေနတ်ကထွက်လာတဲ့ကျည်တောင့်ကများ
အချစ်အကြောင်းကို တဒိုင်းဒိုင်းပြောခဲ့ပါသလဲ
ကန့်သတ်လိုက်ပါပြီ
သေနတ်တွေကို ဒိုင်းခနဲပစ်တဲ့အခါတိုင်း
ငြိမ်းချမ်းရေးကို ကြိုဆိုတဲ့အနေနဲ့
မိုးပေါ်ကိုသာ တဒက်ဒက်ထောင်ပစ်ဖို့။
လူများ
၂၁ရာစုရဲ့ယဉ်ကျေးသောလူများ
ကမ္ဘာ့မြို့ကြီးများရဲ့လမ်းမကျယ်တွေပေါ်စုစည်းလို့
သေနတ်တွေကို အသံထွက်တူရိယာအဖြစ်သေသပ်စွာသုံးကြမယ်
တောင်းရမ်းဖို့မဟုတ်ဘဲ
လူ့အစစ်များရဲ့ယဉ်ကျေးတဲ့ခေတ်ကို ကြိုဖို့ဖြစ်မယ်
အကောင်းဆုံးနှစ်သစ်ကို
သေနတ်သံဟာ ဂီတသံဖြစ်တဲ့နေ့မှာ စမယ်။
ဒီစကားတွေဟာ သေနတ်မောင်းတံကို ဆွဲညှစ်ဖို့ အားအင်မရှိတဲ့ကလေးစစ်သားလေးက
ငါ့ကို မနေ့ညက ပြောပြသွားတာပါ
ရူးကြောင်ကြောင် အိပ်မက်ထဲမှာ။

                                        မောင်ရေချမ်း
                                   20/July/2015