Saturday, October 15, 2016

အားလုံးဖိတ်စာ

မကြာမီ...
ချစ်သူတွေ လက်ထပ်ကြတော့မယ်
ပြည်တွင်းစစ် အခုရပ်ပေးပါ ။ ။

                         မောင်ရေချမ်း
                        15 Oct 2016

လေယာဉ်စီးသူသီချင်း

မင်းလား ကဗျာလို့ မေးတယ်
ကဗျာက အေး..ငါပဲ လို့ ခပ်မာမာဖြေတယ်
ကဗျာဆိုရင် သေရမယ် ခြိမ်းခြောက်တယ်
ကဗျာဆိုရင် သတ်ပစ်မယ် ထပ်ပြောတယ်
ပြောတဲ့ကောင် ပြောပြီးနောက် သေသွားတယ်
ကဗျာက ရယ်ချပစ်တယ်
ငါ မသေဘူး
ငါ့ကို ရေးတဲ့ကောင်တွေပဲ သေရတယ်
ကဗျာက ပြန်ပြောတယ်
အဲလို ထာဝရမသေဆေးစားထားတဲ့လေသံနဲ့
ပြန်ပြောပါတယ် ကဗျာက ပြန်ပြောတယ်
ကဗျာဆိုတာ ရေတံခွန်ပေါ်ကနေ
ကဗ်ာဆုိတာ ဥယ်ာဥ္ထဲကေန
ကဗျာဆိုတာ ပလ္လင်ပေါ်ကနေ
ကဗျာဆိုတာ ကဗျာရေးသူဦးခေါင်းပေါ်ကနေ
ကဗျာဆိုတာ ဘယ်လိုနေတယ် မပြောဘူး
ကဗျာဆိုတာ တိုက်ပေါ်က ခုန်မချနဲ့ မှာတယ်
ကဗျာရဲ့မှာကြားချက်နဲ့ပဲ
မာရ်နတ်ဟာ သွားတွေ အကုန်ကျွတ်ထွက်သွားတယ်
ပါးဖြတ်ရိုက်တာ ကဗျာနဲ့
ကဗျာဆရာယောင်ဆောင်လာတဲ့မာရ်နတ်ကို
သွားတွေ အကုန်ကျွတ်ထွက်သွားအောင်
ပါးဖြတ်ရိုက်လိုက်တာ ကဗျာနဲ့
ပါးဖြတ်ရိုက်လိုက်တာ ကဗျာနဲ့ ။ ။

                                      မောင်ရေချမ်း
                                    15 Oct 2016

လူမှုကွန်ယက်ထဲက စကားပြောသေတ္တာ

ငါ မဖွဲ့နွဲ့ဘဲရေးချလိုက်တဲ့ဝါကျတွေဟာ
မင်းဝေါလ်ပေါ်က
မင်းကမ္ဘာကို ကြည့်ပြီး ရင်ခုန်ခဲ့တာ
အပြင်မထွက်တဲ့သူ
တိုက်ပေါ်က ခုန်ချချင်တဲ့သူ
မလုပ်လိုက်ပါနဲ့
မင်း ကမ္ဘာက ငါ့ကမ္ဘာပဲ
မင်းဝေါလ်ပေါ်က ထွက်မသွားပါနဲ့
စာတွေ ပုံမှန်တင်နေပါ
ရှင်သန်မှုဟာ တန်ဖိုးရှိတာ မင်း သိပါတယ်
မင်းကို ငါ စောင့်ကြည့်ရတာ ပင်ပန်းပြီ ။ ။

                                        မောင်ရေချမ်း
                                       27  July 2016

လ၏ ဦးခေါင်း

နေရောင်ခြည်ကို မကြည့်မိစေနဲ့...အချစ်ရေ
ဟိုက်ဒရိုဂျင်တွေ လောင်ကျွမ်းနေတာတဲ့
ပြောပြရမှာ အဆင်မပြေဘူး
အဆင်မပြေလို့ကို ပြောပြဖြစ်ခဲ့တယ်
ကြယ်တွေကို မငေးချင်တော့တဲ့အခါ
အိမ်ရှေ့က ရေမြောင်းလေးထဲ
စိတ်ကို တစ်တောင့်ချင်းပစ်ချရတယ်
အဆင်မပြေဘူး
အဆင်ပြေအောင် ပြုံးရတာ အဆင်မပြေဘူး
ကြာလှလွန်းတဲ့ကာလတွေ အဆင်မပြေဘူး
ကောင်းကင်ပေါ်မှာလည်း ငါးတွေရှိတယ်
တွေးကြည့်ရတာ အဆင်မပြေဘူး
အမှန်တော့ ဘာတစ်ခုမှ အဆင်မပြေတာ
မင်းကို သတိရလို့
မင်းကို သတိရလို့
အေး...မင်းကို သတိရနေလို့
လွမ်းဆွတ်တမ်းတခြင်းဆိုတာ
ကိုယ့်အလောင်းကို ပြန်မီးရှို့နေရတဲ့အဖြစ်လေ
သတိရမှုမှာ ဒီတစ်ခုပဲ လာအဆင်ပြေနေတယ်
လမ်းခွဲပြီးမှတော့
သတ္တိကောင်းစွာ ၀မ်းနည်းရဲရတယ်။ ။

                                         မောင်ရေချမ်း
                                     15 Oct 2016

အအေးဆိုင်ပုစ္ဆာ

တစ်ခါစဉ်များက
မင်းနဲ့ငါ စိတ်ကောက်တိုင်း ကစားကြတယ်
စိတ်ဆိုးပြေအောင်ချော့ခြင်းမှာ ငါတို့ ပျော်ခဲ့ကြတယ်

တကယ်နဲ့ အမှန်စစ်စင်
မင်းနဲ့ငါ မမုန်းဘဲ ဝေးကွာသွားတဲ့အခါ
ကစားနေသလို ထင်မိနေတုန်းပဲ
တစ်ခါစဉ်များကို သတိရလို့
တစ်ခါစဉ်များကလို ချော့ချင်သေးလို့ ။ ။

                                     မောင်ရေချမ်း
                                15 Oct 2016

ချစ်သူအတွက် ယပ်တောင်နဲ့ ဝေတဲ့ ရေ

မင်းဟာ တစ်နေ့ပြီးတစ်နေ့မှာ
ဆံပင်တွေ ဖြူလာလိမ့်မယ် 

မင်းဟာ တစ်နေ့ပြီးတစ်နေ့မှာ 
အရည်ပြားတွေ တွန့်ခေါက်လာလိမ့်မယ် 

မင်းဟာ တစ်နှစ်ပြီးတစ်နှစ်မှာ 
သွားတွေ တစ်ချောင်းပြီးတစ်ချောင်းကြွေလာလိမ့်မယ်

အရာရာ ရှုံးဆုံးရမယ့်အလှတရားတွေပါပဲ 
မင်း သေသွားရင် မင်းရော ငါပါ နှမြောမိရုံပဲ 

မင်း ကိုယ်တိုင်တောင် 
မပိုင်ဆိုင်တဲ့ အထူးထူးမှာ ငါတို့ ယစ်မူးခဲ့ဖူးပါတယ် ။

                                             မောင်ရေချမ်း
                                       15 Oct 2016

ဘင်ခရာတီးဝိုင်းဖြင့် ချီတက်ခြင်း

ပြောပြဦးမယ်နဲ့ဆုံးတော့ 
ပိုမိုအရသာရှိလို့ 
တမာပင်အောက်က မယ်ဒလင် 
မင်းရှိမယ် ထင်တယ် မဟုတ်တွေ
တွေမှာပဲ မင်း ထင်နေတာ များတွေ 
တကယ် ဂီတာနဲ့ အမြွှာညီအစ်ကို 
အခု သီချင်းဆိုနေတာ အလောင်း 
အလောင်းထဲမှာ အလံ ပါတယ် 
ပါတဲ့ အလံဟာ ဘယ်တုန်းကမှ 
ညဆိုတာ  တွေ့လား မနေ့တုန်းက 
ချစ်စရာ့ အချိုဆုံးစကားဆိုတာနဲ့ ကဗျာ
ဥပမာ များစွာကို တန်းစီထားခြင်းတွင် 
အခြေအနေအရပ်ရပ်ကြောင့် နိုင်ငံတော် 
အာဏာသည် ခုနစ်များစွာ သောသည့်ပမာတွင် 
အစကတည်းက ပြောဆိုမှု လွတ်လပ်ရေးဆိုင်ရာ 
ပင်လုံညီညွှတ်ရေးကို သမိုင်းတွေ မိုင်းကွဲကုန်လို့ 
အားလုံးတွင် တူညီသော ဖတ်စာအုပ်ကိုယ်စီနှင့် 
လမ်းမကြီးပေါ်မှာ လက်များ လျှောက်သောအခါက 
မင်းလည်း သိတယ် ငါလည်း သိတယ် 
ဆိုတာက ပိုက်ဆံမရှိလည်း
 ငြိမ်းချမ်းရေးကို အလကားရပါတယ်ကွာ။ ။

                                                      မောင်ရေချမ်း
                                                  15 Oct 2016 

မင်္ဂလာပွဲ

လတ်ဆတ်တဲ့အချစ်ကနေ 
ခိုင်မာတဲ့သံယောဇဉ်တွေ ဖြစ်သွားကြတယ်

 ဖိတ်စာပေါ်က အသည်းပုံလေးမှာ 
တစ်ဘဝလုံးစာ အမှာစကား ပါတယ်။ ။

                                      မောင်ရေချမ်း
                                   15 Oct 2016