Saturday, May 11, 2019

မနက်ခင်းဆီသို့ ...


အိပ်ချင်မူးတူးနဲ့ မို့လို့ နာမ်စား သုံးတာ မှားသွားသလား

အထင်နဲ့ အယ်ဒီတာက ' ခင်ဗျား ပင်ပန်းနေပြီ' လို့

အဲဒီ ရေးသားချက်ကို ပြင်လိုက်တယ်

ထို့အပြင် ..ဆိုတဲ့ ဝါကျဆက်သမ္ဗန္ဓကို ဖြုတ်ချန်ခဲ့လိုက်ရင်း

စာဖတ်သူက မြင်သမျှ အက္ခရာ သင်္ကေတတွေကို

ဦးခေါင်းထဲမှာ ပိတ်မိနေတဲ့ ငှက်တွေအဖြစ် လွှတ်ပေးလိုက်တယ်

"ခင်ဗျား မြင်နေကျ မြင်ကွင်းတွေထဲကနေ

ခုန်ထွက်ဖို့ ကျွန်တော် ဆွဲထုတ်စရာမလိုပါဘူး" ဟူ၍

အဓိပ္ပာယ် ဘာမှမရှိသော အငြင်းဝါကျနဲ့

တစ်လိုင်းပြီးတစ်လိုင်း စီရင်း

စာရေးသူက ...

"ငါ ပင်ပန်းနေပြီ" လို့ ပြောရင်း

အိပ်သွားတယ် ။ 

                မောင်ရေချမ်း


No comments:

Post a Comment

ႏွစ္သက္စြာ ခံစားႏုိင္ပါေစ