Sunday, September 27, 2020

- စပတ်ထဲက ပြန်ထွက်လာတဲ့မြွေ -


ကားတွေက လုံးဝကို မလာဘူး အဲဒါနဲ့ သူတို့တစ်လခွဲလောက် ကြာသွားတယ် ဟုတ်တယ် ၊ အဲဒီဘတ်စ်ကားမှတ်တိုင်မှာပဲလေ တခေါခေါ တခူးခူး အိပ်နေရာကနေ အမျိုးသမီးက နိုးလာတယ် ဦလေးကြီးက အဲဒီတော့မှ သူခိုးလူမိသွားတဲ့ပုံနဲ့ အိုးတိုးအမ်းတန်းကြီး ဖြစ်သွားတယ် "ဟာ ...ဦးလေး ၊ ကျမဖုန်းကို ဘာယူလုပ်တာလဲ" လို့ အထိတ်တလန့်မေးလိုက်တယ် ဦးလေးကြီးလည်း ကယောင်ကတမ်းပုံစံနဲ့ ဖုန်းကို အဲဒီအမျိုးသမီးဆီကို လှမ်းပေးလိုက်တယ် ဖုန်းက အရာမယွင်းသလိုမျိုးပဲ ၊ အမျိုးသမီးဟာ ဦးလေးကြီးကို မသတီတဲ့မျက်နှာပေးနဲ့ကြည့်ရင်း "လူတစ်ယောက်ရဲ့ပရိုက်ဘာစီဆိုတာကို နားမလည်ဘူးလား" လို့ မေးလိုက်တယ် ဦးလေးကြီးကလည်း အူကြောင်ကြောင် မျက်နှာပေးနဲ့ "ဘာ ...ဘာကြီး ...ပရိုက်ဘာဆီ" ဆိုပြီး သံယောင်လိုက်သလို၊ မေးခွန်းထုတ်သလိုမျိုး ရေရွတ်နေတယ်။

"ကျမစပတ်ထဲ မြွေတစ်ကောင်ဝင်သွားတာနဲ့ပဲ ကျမကို လူလို့ မမြင်တော့ဘူး မဟုတ်လား" လို့ ဒေါကြီးမောကြီးနဲ့ ပြောချလိုက်တဲ့ အမျိုးသမီးရဲ့စကားအဆုံးမှာတော့ ....လူကြီးဟာ အခုမှ အိပ်မောကျနေရာမှ နိုးလာတဲ့ သူတော်စင်ကြီးလေသံမျိုးနဲ့ "ဟေ...အဲဒါ ဘယ်နှစ်နှစ်တောင် ရှိနေပြီလဲ"လို့ တအံ့တသြဖြစ်သွားသလို မေးစေ့ကို ပွတ်သပ်နေတယ် အမျိုးသမီးရဲ့ဗိုက်ကတော့ တဖြည်းဖြည်းပူထွက်လာတယ်

 ပြီးတော့ ...အထဲမှာ ဘာကြီးမှန်းမသိတဲ့အရာတစ်ခု ရွေ့လျားနေတယ်။

အမျိုးသမီးဟာ ရုတ်တရက် "အား ...ကျွတ် ...ကျွတ်" လို့ အော်ပြီး မျက်နှာကို ရှုံမဲ့လိုက်တယ်။ "ဟင်...နင် မွေးတော့မှာလား" ဆိုပြီး လူကြီးက မဲ့ရွဲ့ပြီး မေးလိုက်တဲ့အခါ 

"ဟုတ်ကဲ့ရှင့်"တဲ့ အဲဒါဆို ငါ မီးညှပ်ကို သွားပြန်ရှာရမှာလား ဆိုတဲ့ လူကြီးရဲ့နောက်ဆက်တွဲမေးခွန်းကိုတော့ အမျိုးသမီးဟာ ကြောက်သွားပုံရတယ် 

 "မရှာပါနဲ့ရှင် ....မရှာပါနဲ့ ..အဲဒီမီးညှပ်ကိစ္စကို 

ထားလိုက်ပါတော့" လို့ တောင်းပန်ပြောရှာတယ်။

"ခုန နင့်ဖုန်းထဲက ငါ ဘာတွေ တွေ့ထားလဲ သိလား"တဲ့ ခြိမ်းခြောက်သလို၊ သတိပေးသလို ပြောလိုက်တဲ့လူကြီးရဲ့စကားကို အမျိုးသမီးက မထီမဲ့မြင်ပုံစံမျိုးနဲ့ မျက်ခုံးလေးပင့်ပြလိုက်တယ်။ပြီးတော့ သူ့ဘာသာသူပဲ စကားအရှည်ကြီး ပြောတယ်။ "ဘာတွေ တွေ့ရမလဲ၊ ကျမရဲ့စပတ်ပုံတွေ တွေ့သွားမှာပေါ့။ ဟုတ်တယ် မဟုတ်လား ....Gallery ထဲက Hide photos ထဲကိုသာ ဝင်ကြည့်မယ်ဆိုရင်တော့ ကျမ saved ထားတဲ့ လိင်တံပုံတွေ အမျိုးမျိုးကိုတောင် တွေ့ဦးမယ်။ ဘာလဲ ...အဲဒီပုံတွေကို မြင်ပြီး ဦးလေးကြီး ဖင်ခံချင်သွားပြီလား  အဲဒါဆို ဒီလိုလုပ်လေ အခု ကျမ masturbate လုပ်ပြပေးမယ် အဟင်းဟင်း ဘတ်စ်ကားလာရင် ဘယ်လိုလုပ်မလဲလို့ တွေးနေတာ မဟုတ်လား စိတ်ချပါရှင် မလာပါဘူး တော်သေးတာပေါ့ ဖုန်းကိုပဲ ယူကြည့်လို့ ကျမအိတ်ထဲကိုသာ ဦးလေးကြီး ကြည့်မိသွားရင် Vibrator ကိုပါ တွေ့သွားဦးမှာ အဲဒါဆို ဦးလေးကြီးရဲ့ဖင်ကို ခိုးပြီး ကလိချင်ကလိနေမှာလေ မဟုတ်ဘူးလား" 

"ဟာ ..အဲဒါတွေ ထားလိုက်ပါတော့ဟာ ..ငါ့ကို နားရှက်စရာတွေ ပြောမနေပါနဲ့တော့ ...နင့်ကလေးကိုသာ နင်ဖြောင့်ဖြောင့်မွေး ၊ ငါ ဘာကူညီပေးရမလဲပဲ ပြော" ဆိုတော့ အမျိုးသမီးက တဟားဟား အော်ရယ်ရင်းနဲ့ ပြန်ပြောတယ်။"ခုန ဖုန်းထဲက Group Photo တစ်ခုတွေ့တယ် မဟုတ်လား ၊ အဲဒါ ကျမသူငယ်ချင်းတွေနဲ့ ကျမသူငယ်ချင်းတွေရဲ့ဘဲတွေလေ ၊ အဲဒီနေ့ညက Club ကနေ အပြန် မူးရူးနေပြီး အကုန် Hotel ရောက်သွားကြတာ ၊ ပြီးတော့ ...ရှစ်ယောက် လေးတွဲ ၊ ကျမပါ ပါရင် ကိုးယောက်ပေါ့ အဲဒီညမှာ အဲဒီပုံထဲကလိုတွေ ဖြစ်ကုန်ကြတာပဲ စုပ်သူစုပ် ၊ ယက်သူယက် ၊ လှန်သူလှန် ၊ မှောက်သူမှောက် ၊ လေးဘက်ထောက်သူထောက် ၊ ကုန်းသူကုန်း ၊ ခွသူခွ ပေါ့လေ မသိရင် ကျမက ဒိုင်လူကြီးဖြစ်သွားတဲ့အတိုင်းပါပဲရှင်" တဲ့။

လူကြီးလည်း ဘယ်လို သည်းခံလို့မရတော့တဲ့လေသံမျိုးနဲ့ "ဟဲ့ ...နင်က တကယ့်ကို မိစ္ဆာမ ၊ အဆိုးရွားဆုံးမိစ္ဆာမတစ်ယောက်ပဲ" လို့ အကျယ်ကြီး ထအော်ပစ်လိုက်တယ်

 "ဟုတ်တယ်လေ ၊ ကျမက မိစ္ဆာမပေါ့ ၊ အဲဒါကြောင့်လည်း ကျမစပတ်ထဲကို မြွေဝင်သွားတာပေါ့" လို့ ပြောရင်း ဘတ်စ်ကားမှတ်တိုင်က ထိုင်ခုံပေါ် နောက်မှီပြီး ထိုင်ချပစ်လိုက်တယ် အနာကျင်ဆုံးဝေဒနာကို ခံစားနေရတဲ့ပုံစံမျိုးနဲ့ ရှုံ့မဲ့နေပြီး ပေါင်နှစ်ချောင်းကိုလည်း ဖြဲပစ်လိုက်တယ် ဦးလေးကြီးက မဝံ့မရဲပုံစံမျိုးနဲ့ အနားကို တိုးကပ်သွားတော့ ..

"ဟာ ...ဒီနားကို လာခဲ့လေရှင် ၊ ဘာလဲ 

ယောင်္ကျားမဟုတ်ဘူးလား ၊ ဒုက္ခရောက်နေတဲ့ မိန်းမတစ်ယောက်ကိုတောင် မကူညီချင်တော့ဘူးလား" လို့ ပြောရင်း အမျိုးသမီးဟာ တွန့်လိမ်နေတယ်။

လမ်းမပေါ်ကို အဖြူရောင်အရည်တွေ စီးကျကုန်တယ်

 ပြီးတော့ ...အနီရောင်တွေ ၊ ချွဲကျိကျိအရည်တွေကြားက နေ ....လူးလူးလွန့်လွန့်နေတဲ့ အနက်ရောင်အရာကြီးတစ်ခုပေါ်ထွက်လာတယ်  "ဟာ .." လို့ အလန့်တကြား ရေရွတ်ပြီး ဦးလေးကြီးကတော့ ...နောက်ကို ပြန်ဆုတ်သွားတယ် အမျိုးသမီးကတော့ ...အေးအေးလူလူပဲ ပေါင်ကို ပြန်စေ့လိုက်ရင်း "ဦးလေးက ဘာကို မျှော်လင့်ထားသေးလို့လဲရှင် ၊ စပတ်ထဲကို မြွေက ဝင်ခဲ့ပြီးပြီပဲ ၊ အခု ပြန်ထွက်လာတာ မြွေဖြစ်နေတာ ဘာထူးဆန်းနေလို့လဲ" လို့ပြောလိုက်တယ် လမ်းနံဘေးက သစ်ပင်တွေဟာ အိပ်စက်နေကြတယ် 

အမှောင်ထုကတော့ အေးစက်နေခဲ့တယ်။

                                                   မောင်ရေချမ်း

No comments:

Post a Comment

ႏွစ္သက္စြာ ခံစားႏုိင္ပါေစ